السلام عليكم ورحمة الله وبركاته
اخواني واخواتي
عندي مشكله عند البعض سهله لكن عندي انا صعبه
مشكلتي ان اول كان في شغاله ف بيت اهل زوجي 14 سنه معهم وكان بينها وبين عمي ابو زوجي علاقه حب قويه وكان الكل غافل عنها هيه ربت اخو زوجي لم جات بيتهم اخو زوجي عمره ثلاث شهور وعمتي ام زوجي تداوم وتخليه عندها وتروح الدوام وعمتي دوامها صبح لحد الظهر وعمي احيانا صباح واحيانا ظهر واحيانا ليل ويختلو هيه واياه فالبيت طول هذي السنوات وانا لم تزوجت زوجي نظام دوامه انه يظل فالدوام تقريبا مدة اسبوع وانا اجلس ف بيت اهلي بس احيانا اروح بيت زوجي ولكن الشغاله تتضايق من وجودي لانها م تقدر تختلي بابو زوجي ولم اروح اساعدها تقولي ما تساعديني م يعجبني احد يساعدني اتلخبط واحس نفسي متشتته اجي بغسل مواعين تقولي خلي كل شي وروحي وانا اروح عنها لاني م احب احتك فيها كثير ولم اريد اغسل ملابس تقول انتي م تعرفي عن تخربي غسالتي وانا م احب حد يغسل ملابسي انا وزوجي لاني احب اغسل ملابسي ع كيفي وع طريقتي وما احب اتشرط ع حد واصريت اني اغسلهم بروحي وفعلا ظليت اغسلهم بروحي وحملت وعمتي تنازعني اني اغسل ملابس واشل ثقيل واحيانا عمتي تغسلهم وخجلت اقولها م احب حد يغسل ملابسي لانها خايفه علي قلت لزوجي انا م احب حد يغسل ملابسي وفهم امك استحي هيه تقوم تغسل ملابسي وانا جالسه اتفرج عليها وزوجي قالها بس لا تغسليهم بروحها تغسلهم وانا بساعدها وظلت عمتي بين فتره وفتره تغافلني وتغسلهم واحيانا اسبقها واغسلهم ويجي زوجي يساعدني والشغاله راحت فتنت علي وقالت اني انا ما اساعدها وما اغسل مواعين فطوري واكل وامشي وسوت سوالف وطبعا عمي وقف معها وظلت كذا تسوي مشاكل لكن انا ابدا ما ادافع عن نفسي بس ساكته عشان م اكبر السوالف واسمع واسكت وعلاقتي فيها كالعاده لا زادت ولا قلت واحيانا بقوى عين تقول لعمتي طلعي برع طلعي من البيت لان بس عمتي تدافع عني تقول لم نجي نساعدك تقولي لا تساعدوني والحين تقولي ما نساعدك نحن احترنا معك وصارت مشادات وكذا لحد ما سفرناها وكنسلناها خلاص والحين عمتي م تقبل اني اغسل ملابسنا لان عندي طفل وما تحبني اساعدها لان عندي طفل وعندها نسخه من مفتاح غرفتي وتدخل تنظف غرفتي لم اكون انا ما موجوده انا اتنرفز اعرف قصدها تساعدني بس انا بنت شابه شاله نفسي وبشل بيتي كيف هيه تنظف عني وبحيله مني خذت منها المفتاح بحجة ان م محصله مفتاحي ولم حصلت مفتاحي ناسيتها المفتاح ولحد الحين تدور عليه وانا قلتلها رجعته لك واهيه تدوره المسكينه بقى سالفة الملابس اللي كل م اجي من بيت اهلي احصلهم مغسولين لان حمامي خارجي م ف داخل الغرفه وبعد م تقبل اني اساعدها فالطبخ عشان ولدي صغير ويصيح وكذا تحلف الف حلفه عشان امشي من المطبخ اساعدها ف اشياء بسسسسيطه جدا وانا استحي كذا يعني وجودي بلا فايده بس حج ولدي وزوجي و الحين اخو زوجي لم زوجي يضربه لم يسوي غلط او شي يقوله اذا تبغى تكون رجال وتضربني قول لزوجتك تساعد امي ودايما يردد هذي الكلمه احيانا يصادف ان ناس غريبين موجودين وهوه كذا يعطي للناس صوره اني انا م اساعدها وانا مالي ذنب انا مخنوقه وصدري ممتلي عليه وهوه م صغير عمره 15 سنه يعني كبير وفاهم وشايف امه وعارفنها كيف اسلوبها وهوه دايم يدخل غرفتي يتعبث بمكياجي وهذا الشي اللي م اقبله نهائي وكلمته وكلمت زوجي ومره من المرات ضربته هوه ما بنت عشان يتمكيج ونفس الشي هذي اشيائي شخصيه ما احب اي حد يتعبث فيها بدون علمي وبدون رضاي فينيييي طابوجه ف صدري من هذا الموضوع افكر اني اطلع من بيتهم ونستاجر لنا بيت مع اني متاكده زوجي م يوافق ولا ام زوجي بس وشششش اسووووي تعبت جنيت اسمحولي ع الاطاله بس عشان افهمكم كل شي من البدايه