السلام عليكم
انا اشكركم على هذا المنتدى الرائع
انا رجل متزوج لي 3 سنوات مع زوجتي بدون اطفال حنا متفقين على هالشي
راح ادخل مباشرة في مشكلتي وهي نظرات زوجتي للرجال تزعجني بصراحة بشكل غير طبيعي يعني مثلا اذا رحنا السوق او مثلا اي مكان .. هي تقولي انه وين اودي عيوني والناس عن يميني وعن شمالي شسوي ؟ وبصراحة هي تكذب يعني اقرب اقرب مثال اعطيكم هو اللي هو لما سافرنا بالخارج ورحنا انا وهي تغدينا بمطعم وجا الويتر وكنا نطلب طول هالوقت متنحه في الرجال وبعدين طلبت شي كاون ودها فيه ولما قلت لها ايش فيك متنحه فيه طول الوقت ؟ قال انتظر محادثتكم تنتهي عشان اقول اللي عندي .... ايش رايكم بالله ؟
وكثير من الموقف ولكن هذا اقرب واحد لاننا مسافرين قريب لبلجيكا
شالحل معاها ؟ كثير تكلمنا بهالموضوع ! معقول انا ابالغ !! مستحيل لان لو ماكانت تسوي شي غلط كان ماانتبهت لها
الاوضاع متوتره بيني وبينها وودي بطلاقها بصراحه
وفيه عند زوجتي مشكله ثانيه عندها كمية غرور مو طبيعية !! بشكلها او نفسها او شخصيتها وانا صراحة مادري شسوي معاها

انت اكثر شخص تستطيع تحديد نيتها من نظرها لرجال

هل تقصد انها ترغب بهم ونظرات هيام

او نظرات متابعه واسترسال بالحديث ؟ لعل زوجتك شخصيه بصريه حاده النظر والملاحظه.

في كلا الحالتين

تستطيع البدأ بالتلميح

مثل انا اغار زوجتي العزيزه ارجو ان تكون نظراتك دائما نحوي في الاماكن العامه

علمها استراتيجيات وطرق

مثلا حبيبتي اذا كنت اتحدث مع النادل ممكن ان تنظري الى المنظر الذي يطل عليه المطعم
او الى هاتفك
لا احب ان تنظر عيناك الجميلتان الى الرجال .

__________________
اللهم ألهمني الرشد

نظراتها ماتعجبني ابد وسبق اني لمحت لها وسبق اني صارحتها وكان ردها مثل اللي ذكرته سابقا في مشكلتي

من صفات الحور ( قاصرات الطرف ) اي قاصرة طرفها على زوجها وحبيبها فقط وهذه صفة يخص الله بها من يشاء من نساء الدنيا والاخرة

اخوي محمد سؤال مهم ؛
هل زوجتك تحبك ؟ احساسك اش يقول تجاه قلب زوجتك ؟

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

الى الان حياتي معاها مستقره اما عن الحب فلا اعلم صراحة لكنها مرتاحه معي بس مشكلتها نظراتها !!

يمكن تسرح
فيه ناس هذا طبعهم

طيب ، جرب تروح مطعم يكون فيه نادله ، و شوف هل راح تنظر لها بنفس ألطريقه ، على كل كلن غض البصر لازم يكون من الجنسين ، و يمكن لان النادل اجنبي ، يعني عشان كذا تنحت ، اذكر في لما سافرنا للخارج كان فيه رحله برية ، وكان في اجانب ، مغبرين تراب و غبره وقذاره ،لكن والله ما شاء الله ،بالرغم من ذلك كنت اشوف الجمال من تحت الرمال والغبار تبارك الله ، لكن طبعا مو لدرجة التناحه و التبهت

حتى لو كان وسيم او جميل مالها الحق ابد انها طالع بهالنظرات ,, للاسف بصراحة مادري شقول

اكثر شيء جذبني بموضوعك

انك نصبت نفسك قاضي في تصرف زوجتك ؟؟؟
من الاخر انت تبي تطلقها لاتلف يمين وشمال
زوجتك انسانة مثلها مثل غيرها من الناس ، لكن الخلل انك ماتبيها بس ببساطة

الناس مادري شلون تفكر !! لكن كيف حكمت ؟ هل تعرف نيتي ! او مابداخل قلبي !
لو تنحط مكاني اكيد موقفك بيتغير تماما او كلامك بالادق والاصح