اخي الفاضل

اعتقد ان البنت هلها هم اللي رافضين تكلمك لوحدها

وانت ليش ماتروح لهم زيارة مفاجئة يعني

وتطلب انك تشوف زوجتك وتقريبا هذا من حقك

وأسئلها قدام اهلها انك لازم تتكلم معاها عشان تتعرفوا على بعض اكثر

والا ليش عملتوا ملكة من اصل لو ماراح تتعرفوا على بعض

وفهمها انك الآن انت زوجها ومافي اي شيء يمنعك ماتكلمها

ويمكن البنت تكون عايشة تحت ضغط

وانت مثل ماذكرت انك استخرت وهذا كافي


والله يوفقك يارب ونحن متابعينك وفي انتظار مستجداتك

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..

هلا بالجميع ....

لكل من قال يمكن الأهل ما يخلونها تكلمك ...

الأهل ماهم مانعين بتهم من مكالمتي بالعكس ولا ليه عطوني

رقمها من الاساس وقبل الملكة بعد ؟! أنا قلت إنهم شكلهم هم اللي جابرينها تكلمني وخصوصا بعد

فترات الغياب ، والحجة في هذا طبعاً إن الجوال استقبال وما يرسل بسبب فاتورة أو شحن أو ... إلخ

وأكيد صعب يتكرر نفس العذر لأنه مو معقول جوال ينفصل ثلاث مرات في الشهر ...

أيام الخطوبة كان العذر إن الجوال يعلق وخربان ومدري ايش ، رحت جبت

واحد جديد وارسلته لها مع الوالدة .... الآن وش العذر ؟!

قضية المكالمات موضوووع ثاني ، نتج عنه إنه لما شفت أشياء

ما تعجبني ولاني متعود عليها ، ماقدرت أوصلها لها بسبب إنعدام المكالمات من البداية

وهذا الشي اللي صار عادة عندها إنها ما ترد ,


أتمنى أكون وضحت لكم الصورة الآن بشكل أكبر .

قول لها ، صارحها ؟ أرسل لها رسالة عالجوال إذا ما كانت ترد عالمكالمات

أنا كنت أيام الملكة متعودة إذا أحد دق علي و أكون مشغولة مثلا ، أعطيه مشغول
و أرجع أدق عليه ، و زي كذا مع أهلي متعودين مع بعض

و كنت أعمل كذا مع زوجي
قالي إنه يتضايق من كذا و وقتها انتبهت و شرحت له إني ما أقصد أقفل الخط
بس أقصد إني شفت المكالمة بس مشغولة دحين و شوي و أكلمك

إنت كمان أرسل لها رسالة صريحة و لا تجامل فيها

الموضوع سهل يا اخوي ولو انا في مكانك ارسلت لها رسالة على جوالها اقول لها اذا انتي مجبوره على الزواج وماتبين تتزوجيني قولي لي ايه وانا انهي الموضوع ولا تدخل نفسك في تفكير وهم تتعب نفسك فيه يا اخي هذا الحل الانسب
وابعد عنك القروشه وترى ذا زواج ماهو لعبة

.. اولا مبــــروووك الخطبة .. والله يتمم لك على خير ..

.. طيب أطلب من امها انها تدعوها لزيارتها في بيتها ( بيت امها ) .. وتكون انت موجود هناك من غيــر ما خطيبتك تعرف ..

.. وكلمها وقل لها كل الا بخاطرك .. وعاتبها على المكالمات الا ما ترد عليها , وكلمها تفاهم معاها على التصرفات الا مو عاجبتك فيها ..

.. والا فضل انكم تجلسوا لوحدكم من غيــر أمها .. يعني تكون متفق مع امها انك ودك تتفاهم معاها لوحدكم ..

.. اعتقد هذا أنسب حل , خصوصا انه خطيبتك ما ترد عليك , وأنك يمكن تستحي تزورها في بيتها ..

.. طمنا عليك ,,

__________________

لما بدات مشكلة المكالمات وأطنشها تقعد يومين ثلاثة

وترجع تدق أحيانا من تلفونها وأحياناً من تلفون أهلها ...

لكن هالمرة صارلها أسبوع وشوي ولا كانه هامها الموضوع !

يوم الإثنين دقت من جوال أهلها على الوالدة وتسلم عليها وطلبت منها الوالدة إنها تدق علي

ولا دقت ، علماً إنه في نفس هذي المكالمة كلمت أهلها ( صاحبة الجوال ) وقالت لها إنه برضو

ماهي قاعدة ترد على مكالماتي ...

صدقني معد تهمني المكالمات الآن ...

ابي مكالمة وحدة بس أقول فيها اللي عندي واعرف موقفها عشان نرسى على بر

يا نتفق ونكمل ولا ننفصل من البداية ... طبعاً بعد ما أسترد ما قدمته لها من مهر وشبكه ... إلخ

لأنه الشرع يعطيني هذا الحق لكوني ما دخلت عليها ... ولأني أيضا لا أستطيع ان أبدأ من جديد

وأجمع عشان أدفع مهر جديد وشبكة جديدة وخلافه .


ومثل ما قلت لك أخوي هذاني مطنش وراح أشوف آخرتها مع هالناس .

سعدت بمرورك .

أنا فهمت انك حريص على المكالمات علشان توضح لها الاشكاليات أو الاشياء اللي مو عاجبتك فيها

طيب الان ارسل لها مسج قلها في حاجه أبغاك فيها ضروري أول ماتشوفين المسج دقي علي واذا دقت قل اللي بخاطرك لها طبعا بأسلوب لبق..

واذا مادقت ارسل لها رساله وقلها انتظرتك تدقين ومادقيتي على العموم أنا طلبت منك تدقين علشان كذا وكذا وكذا >>>طبعا اللي في خاطرك

وباذن الله راح تستجيب وترد عليك أو أقلها راح يتضح لك شي من وجهة نظرها وتفكيرها..

الله يوفقك ويرشدك للصواب ويكتب لك كل خير....

__________________
ربي لا أعلم بما تحمله لي الأيام لكن ثقتي بأنك معي تكفيني ~

يا هلا أختي

إجابة سؤالك موجودة في رد سابق .


يعطيكي العافية .

والله إنك صادقة يا أختي هذا اللي كان مخوفني ومأخرني إلين وصلت الثلاثين

كنت خايف من هذه المفاهيم الجديدة مع بنات ( 2000 ) !

قسم بالله إن مشدد على الوالدة ومنبه عليها لا تدق عليعم وتخليهم براحتهم

خصوصاً إن هالفترة فترة اختبارات وأنا ما ودي أتسبب في شوشرة بكره لا سمح الله

ترسب يجون يحطونها في راسي

وهو نفس الشي اللي مساعدني ومقوي قلبي على الطناش

الله يصلح الحال ويتضح الأمور ....

شكرا لمرورك اختي .

الله يطمنك ويريح بالك ويوضح لك الامور ويكتب لك اللي فيه الخير وجميع شباب المسلمين وبناتهم

__________________