أهلين أخت مجروحة ...

أكيد فيه اشياء وضحت لك من خلال الردود ....

كانت بمثابة الرد على تعقيبك ...

للعلم الأهل بادروا بموضوع المكالمات من قبل الملكة مو بعدها

بس أنا كنت مقل وماخذها بحدود إلين نملك وبعدها ناخذ راحتنا ...

الأمر تغير بالنسبة لي الآن ، أرغب في مكالمة واحدة أحط فيها حد لكل شي

وأقول اللي أبيه واللي ما ابيه ، كنت مأجل هالأمور لبعدين عشان أجيبها شوي شوي مع الايام والتقرب

لكن لما شفت الأمور ماشية بهالطريقة حقتها قلت لأ لازم تعرف من الآن طالما إننا ما قدرنا نتقرب لبعض

حتى الآن ومع مضي شهر ( تخيلي شهر متملكين ما تقدمنا خطوة لقدام ) ! أنا بس صابر إلين تنتهي

الإختبارات ، مع إني اليوم كنت بحجز على الاسبوع الجاي بس مدري ليه متردد وخايف أحجز ...

في بالي كرت العائلة ودي أسويه بس ماني عارف كيف وحنا في الوضع هذا ؟! وفي نفس الوقت التأخير فيه

غرامة حسب ما سمعت ، حاس نفسي مقيد ولا أدري وش اسوي ، أخاف اسافر واضرب مشوار

وأحوس ألف حوسة عشان أجتمع فيها واتكلم ، محتار لأني اتصالات قاطعها برضو

من باب التطنيش وبرضو عشان اختبارات ....

باقي يومين ننتظر فيها وش ربي كاتب ، وربي أهون علي تقول ما ابي وكل واحد يروح بطريق

ولا أقعد كذا في شيل وحط .


يعطيك العافية على مرورك ولا تحرمينا من تواصلك .

يا أختي هذا سفر من بلد لبلد

مفاجأة إيش اللي بتقولي عليها ؟!

صعبة

أروح واضرب مشوار ويطلعوا عندهم كل يوم شغلة وروحة وجية وارتباطات ومناسبات

هذول ما شاء الله ( من بيت أصقع لبيت أرقع ) ما عندهم قعدة في البيت كثير

بحكم المدينة اللي هم فيها - الله يديم الافراح علينا وعليهم ....

وهذي أحد الاسباب اللي قللت التواصل بيننا واللي ماهي موجودة عندنا في الرياض

ولا أنا متعود عليها ، وودي أتكلم فيها بس ما في مجال مثل ما شفتوا !

إذا عندك حل قوليلي وش أسوي ؟!

مع رأي الأخت مهره

كل ما تقوم به لا حياء و لا خجل إنما قلة ذوق وعدم مراعاة لمشاعر الطرف الأخر

لذلك المصارحة بعد الإختبارات ستبين لك الكثير....

وحاول تعرف هل تعاملها معك نابع من شخصيتها أم

أن أحد يؤثر عليها وتطيعه لتقوم بهذا السلوك ...!!!




والله يكتب لك الخير



عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

[rainbow][read]ممكن اسالك سؤال انت ماتزورها بالبيت
على فكرة الزيارات بالبيت تقرب المخطوبين
من بعض وتلي بينهم ألفة وتقارب كبير
اكثر من التليفون وهذي نصيحتي لك تزورها
وتقولها عن سبب تجالها احتمال تكون مستحية؟
انا بفترة خطوبتي كنت جدا اخجل من الكلام والزيارات
قربتنا اكثر من التليفون.
وبالتوفيق لك والف مبرروك[/read][/rainbow]

أهلاً بحضورك الثاني أختي روح الطير

والله نظامك نفس نظامي وهو أفضل طريقة

وهو اللي عودت أهلي عليه من لما كنت في الجامعة

وكنت أقلب الدنيا لو أحد رجع دق علي مرة ثانية ، خصوصاً أوقات الصلاة والمحاضرات ....

المشكلة إنها ما ترجع تدق نهائيا ....

( مرة ما كنت عند الجوال ، مره مافي رصيد ، مره النوم مشقلب ) وأيام الخطبة كانت

الحجة جوال خربان ويعلق ، يلا هذاني جبت جوال وشوفي الأعذار اللي كل يوم شكل !

المشكلة في آخر مكالمة وهي في مشوارها مع أهلها قلت لها لما ترجعي كلميني ابغاكي ...

وكنت ناوي خلاص أبدأ أتكلم في اشياء لاحظتها ما عجبتني ، لكن ليومك ما رجعت دقت علي .

ما راح أستخدم اسلوب الرسايل وراح أنتظر إلين تدق بنفسها أو أسافر لهم الأسبوع الجاي ....

مع إني فكرت إني ما ارد عليها على طول لما تدق علي وأستخدم نفس الاسلوب عشان تحس


إني زعلان وتنقرص شوي وتعرف إنه لكل شي حد ومو كل مره راح أطنش وأفوت ...


أسعدني مرورك الثاني وأطمع في متابعتك كباقي الإخوة لعلنا نصل لشيء بإذن الله .


دمت بود .

لا أحبذ أسلوب الرسائل لانه قد تفهم كلمة من كلماته خطأ

يعني الوضع غير لما يكون بالكلام الشفهي حتى لو ما كان وجهاً لوجه ....

وأقسم لك بالله خمس ممكالمات قبل الملكة صارت بينها وبن الوالده وفي

كل مره تتأكد من موافقتها وتسألها ....

وأول مره غابت بعد الملكة رجعت هي دقت على الوالدة وسألتها يابنتي موافقة وتقول لها ايوة

طيب ليش هالغياب ووينك ، أحد قالك اثقلي ولا تدلعي ؟ وحلفت بأنه مافي شي من هالكلام

وإنها بس كانت تعبانة مع إن أهلها قالوا وش فيها تعبانه ( لاهي اللي غطرفت ولا هي اللي غنت ولا شالت

وحطت ، حنا الكبار اللي انهدينا وتعبنا ) ! والله حاس إن الأهل يبوني وهي اللي قامت تتعلت وتلعب على

الحبلين قدام أهلها وأهلي شي ومعي أنا تصرفات متناقضة ! كأنها تبيها مني عشان لا يرجعولي اللي دفعته

لكن لو هذا اللي في بالهم والله ما ينولونه لو تنطبق السما على الأرض دام ها أسلوبهم .

لكن صدقني أرجع واقول الأهل هم اللي عليهم الملامة لأنه ما هيؤوا بنتهم قبل ما يزوجونها

معودينها على الروحة والجية والتماشي والبسطة وشغل البيت والسنع حاطينه انتظار لساعة الصفر !

ألف شكر لمرورك عزيزي ....

أهلاً يا أختي وشاكر في البداية لما تفضلتي به في تعقيبك

أتمنى والله يكون للأم مجال ولكن يبدو لي العكس وإنها بعيد عن بنتها بسبب أهل الأب ....

الأم ما حضرت الخطوبة الرسمية ولا الشوفة الشرعية ولا الملكة لانها كانت في بيت أهل الأب

ولما صارت الشبكة ( حفل مصغر في قاعة ) حضرت مثل الضيفة لوحدها ومشت بدون محد يحس فيها

وقت الزفة ، حتى إنه لما غابت عني بعد الملكة وقعدت أتصل عليها وما ترد حاولت اللجوء للأم ودقيت ولا

ردت وبعد كم يوم لما رجعت زوجتي ودقت علي ( من جوال أهلها طبعاً ) قلت لها وينك دقيت عليكي وعلى

فلان وفلانة ولما قلت على أمك ، سألتي بنبرة خوف أو مفاجأة كلمتها ؟ قلت لا بس كنت بسلم عليها

ولا ردت ( سويت نفسي بسأل عن الكل لأني بديت أشك في الوضع ) ! ليش هالأم ماني قادر اوصل لها ؟!

حتى العشا اللي طلعنا له أنا وهي وأخوها وأختها بعد الملكة كنت أتمنى تكون معانا واتعرف عليها

بس شكله فيه أحد اعترض على الموضوع ، وأذكر إنه الأم دقت على بنتها وقت العشا ، وكأني لاحظت

شي من التوتر على البنت وقالت لأمها ( مو وقته ) - أنا طبعاً سويت نفسي ما أدري عن شي ولا سمعت

وهذا الأمر بصراحة مقلقني ، لأن البنت هذي لو هذي طريقتها مع أمها كيف بتكون طريقتها وتعاملها مع أمي

اللي بتكون معنا في نفس البيت ( اللهم إنه كل وحده في دور مستقل ) ...

بالعربي قلت في نفسي إذا ما فيها خير في أمها كيف بيكون لها خير في أمي ؟!

أنا ممكن أتغاضى عن أي شي إلا في حق من حقوق أمي

وهذي برضو أحد النقاط اللي ناوي أتطرق لها وأتكلم فيها مع البنت ....

الأم والله مسكينة ما بينت شي لأن قلب الأم كبير ولا يمكن يصدر منها أي شي يمس ضناها مهما بدر منه

لكن ما نقول غير الله الهادي ، والله يبلغنا رضاهم والجنة يارب ....

و يوضح لي كل الحقائق قبل فوات الأوان يارب .

يا هلا أختي ...

أقسم بالله الذي لا إله إلا هو إني كنت ممهد لكل شي حبّة حبّة طلما إنه الزواج مبدئياً مقرر في الحج

عشان ما تختاف أو تفهمني غلط وتقول هذا من أولها بيبدأ يتأمر ويعطي توجيهات ....

لكن بعد ما شفت هالاساليب وبديت ألاحظ أشياء غريبة ومحاولةإخفاء اشياء كثيرة واضحة إنه مخبيتها

قلت ( لأ ) ضروري يتغير الوضع وتعرفني من البداية ويكون اتفاق بيننا من الآن ....

لأنه الوضع اللي هي عليه ما يمشي معي وصعب اعيش وأستمر معها وهي بالطريقة هذي سواء معي

او مع أمها أو بوضع الإستهتار والبرود واللا مبالاة اللي هي فيها ...

لذلك أنا منتظر فترة الإختبارات تعدي خلاص بكره آخر يوم ، وراح اسافر يوم الإثنين وأقول اللي عندي

بس محتار هل قدام أهلها ولا لحالنا ، وفي نفس الوقت الموقف راح يبين كل شي وقتها ...

لأني راح أطلب كرت العائلة حق أبوها وأروح الثلاثاء أسوي كرت العائلة حقي فإن عطوني إياه ولا تحدد

الموقف والراي في كلامي ، إذا ماهي مقتنعة باللي أقوله ، راح أقول يعني وش اللي تبغينه ؟ أنا اللي

عندي قلته وأشوف ردها إن قالت لا يعني كل واحد مننا بطريق وراح يوصل كلامها لاهلها ...

أنا عندي نظام معين وبنتكم ما هي مقتنعة فيه ، يعني محنا متفقين وش رايكم ؟

إن أيدوها بقولهم أنا هذا كلامي فكروا وردولي يا نكمل يا ننفصل ، آخذ حقي وامشي

والله يوفقني ويوفقها ويسخر لنا جميعاً ، زي ما دخلنا بالمعروف نطلع بالمعروف ( وسمع الله لمن حمده ) .

اللهم آمين يارب

الله يقدم اللي فيه الخير ياحي يا قيوم

إن كان في استمرانا خير فالله يكتبه ، وإن في إنفصالنا خير الله يكتبه ويعوضنا

ويهدينا إلى سبل الرشاد يارب .


تسلمي أختي شمس جزاك الله كل خير على هذي الدعوة الطيبة .


في حفظ الرحمن .

الله يعينك

اعرف واحد مثل حالتك لكن بعد الزواج انقلبت الموازين صار هو لامبالي ودايم عندنا بالسهره وهي اللي تلاحقه

وتدور اي عذر عشان تجيبه للبيت حتى انها احيانآ تتصل عليه وتقول عازمتك على العشاء تعال