المشاركة الأصلية كتبت بواسطة لاحب بعد اليوم

ارجو اغلاق الموضوع

المشاركة الأصلية كتبت بواسطة لاحب بعد اليوم

شكرا اغلاق موضوعي لكن ارجو نشر هذا الرد الأخير ليكون الجميع على بينه

ردي الذي ارجوا نشره في موضوعي

اولا: اعتذر للجميع عن اي تطاول حدث مني لاي شخص ذكرته دون قصد

ثانيا: قبلت اعتذارك يا اخي العزيز تابع الحق والله يسامحك ويعفو عنك وعنا دنيا وآخره انا وانت والمسلمين واشكر شجاعتك


ثالثا: ازعجتني وآلمتني ردود بعض ألأعضاء وخاصه المخضرمين منهم ولا اريد ان اذكر اسمائهم ليس انتقاصا ولكن احتراما لهم وما ازعجني هو (تهكمهم) و(ازدرائهم) و(شتمهم)لشخصي البسيطه
فقالو عني غبي وقالو عني لا افهم وشبهوني حتى بالحيوان اعزكم الله وقالو عني كلمات ما انزل الله بها من سلطان
انا بدوري التزمت الصمت واحتراما للمكان واحترام لهم أدرت وجهي لناحية ألأخرى وكنت اطلب منهم مرارا وتكراراً ان لا يحاولوا التصادم معي فلهذا اتحاشى ان لا اعقب على بعض الردود
وان عقبت فقط (أُحبر) نعتهم لي بالأحمر و اوجه لهم رساله مبطنه ولأنهم اذكياء سيفهمونها...
أن ماذكرت لايحل المشكله ولايدخل في صلب الموضوع ولايغني ولايسمن من جوع
ولهذا السبب طالبت بأغلاق الموضوع كي لايتطور الموضوع

لا اقول هذا لأني (زعلان) لكن لم اتوقع هذا منهم ... عموماً انا لست غاضب منكم




رابعاً :
ساكمل لكم (قصتي الدراميه) مع (((خطيبتي))) وكيف وصلنا سويا الى طريق مسدود

بس بتكلم بالسعودي لأن اللغه العربيه الفصحى ماني من اهلها(:

اللي صار ياطوال ألأعمار ان بعد ان هدات اعصابي شوووووي
ارسلت مسج لخطيبتي كتبت فيها (ماتوقعت تسوين هالحركه)

بعثت لي مسج من جوال امها(اي حركه)


مارديت عليها ....

اتصلت علي من جوال امها والبدايه كانت سلام وكلام ومن هالمقدمات
وبعدين تعمقنا شوي في الحديث وقلت لها اني عاتب عليها لعدم ثقتها فيني
وشكها حتى وصل االموضوع انها ترسل بنت خالتها
و وضحت لها انها اخطات ولكني بسامحها على شرط انها تعتذر وماتعودها
الا اذا عندها شي ثاني ... تقوله لساتنا ع البر

اول ماسمعت كلامي حسيتها انصدمت وسكتت وتغير صوتها حسيت اني كبيت عليها مويه بارده ع وجهها

وانا عدت كلامي عليها وقلت : انا مانيب زعلان بسامحك بس اعتذري

استمر صمتها وصدمتها

وانا حاولت اخفف عليها هول الصدمه

قلت يلاااا ياعمري بس قولي اسف ياحبيبي ماعاد اسويها

وفجأه انفجرت // انت كذاب انت راعي بنات اوريك فيها ال... وال....
انت محد يتفاهم معاك انا وراي شغل ماني فاضيت لك بروح انام ... وسكرت

وغابت



طبعا انتظرت ردة فعلها


مافي ردة فعل ولا اعتذار


بعض ألأعضاء يقول سبب تافه وعادي ان البنت ترسل بنت لزوجها عشان يختبرها

انا اقول:

طيب ليه ما ارسلوه قبل الملكه ..رقمي كان عند ابوها وامها

تعاملي معها كان قمة الرقي وألأحترام والحب

ماكنت ابخل معها في شي وطلباتها اوامر

تفاصيل حياتي كلها عندها بشكل يومي

واستشيرها بشكل دوري في امور الزواج والعرس ومابعد الزواج

ماعندي ولاغلطه في تعاملي معها

وبعد كل هذا ترسل ي فتاه (لعوب)

اضن تعرفو معنى هذي الكلمه مايحتاج اوضح وافسر اكثر


لو انها تبغى تختبرني كان اتصلت علي مره وبس

تنتظر ردة فعلي

مش تتصل الف مره وتبعث مسجات وصورها ومقاطع واشياء مخجله

كان لازم اعرف وش ورى هالبنت وش سالفتها

والبنت اعترفت لي بعد الحاحي عليها

و(((خطيبتي))) ما انكرت هالشي ...هربت

وقتها انا فكرت في المستقبل واكيد بيجي يوم وتطلب بنت خالتها رد الجميل لها
بأختبارها لي وافهموا الباقي
وهل الصور اللي ترسلها والمقاطع متفقين عليها الاثنين

هي اخطأت


وانتم تقولون انا اخطأت مع اني اشوف اني ماني غلطان

واعطيتها فرصه للأعتذار لكن عنادها وراسها اليابس منعوها



انا لما قالت انها شافت حلم وفسرته والتفسير اني راعي نسوان

ماسكت دافعت عن نفسي بكل ثقه لمده ساعات وايام ماهربت

حتى اطمأن قلبها


وهي لما واجهتها باللي سوته .... شتمت وهربت

لو انها صادقه او مضلومه ع قولتكم كان دافعت عن نفسها كان استماتت في الدفاع

كان (حمت ) حبها .... اللي هو انا

مش تقول بروح عندي اشغال انت محد يقدر يتفاهم معك


وين انا غلطت فيه؟؟؟


انا بصراحه مايناسبني هالتعامل وهالتفكير

وانا دست على قلبي وكرامتي اكثر من مره عشانها وعشان ابوها وامها احترام لهم

وعشان امي

بس بشوف البنت مره مش راضيه تتغير

والف موضوع حصل بيني وبينها وكل مره اسامح واصفح وانسى


تصدقوا دوم تغلط وانا ارجع لها بعد يومين واعتذر لها!!!!!!!!


شفتو بني آدم مثل كذا


ماقد طلبتها بشي فوق طاقتها


حب وصدق واحترام واهتمام بسسسسسسسسسسسسسس

وهي لاحب ولاصدق ولا احترام ولا اهتمام

مع هذا تحملت وصبرت قلت ممكن بكره تتغير يمكن بكره تصير احسن

يا اخوان في اشيا ما ابغى اقولها و رب الكعبه اني صادق فيها

بس الله يستر عليها دنيا وآخره هي وصاحبتها

وصلى الله على سيدنا ونبينا محمد