السلام عليكم أخواتي اخواني
هي اول مشاركة لي وحبيت اطرح مشكلة قاقلقتني
انا بنت مخطوبة ومكتوب كتابي وخطيبي شب اكتر من رائع وبنحب بعض بجنون وبيعاملني احسن معاملة وانا كمان حتى ما في بينا اي مشاكل والحمد لله وزواجنا قريب
بس عندي مشكلة احساسي دايما انو خطيبي بخيل علي انا تحديدا يعني هو على نفسه كريم بيلبس وبيشتري وعلى اهله كريم كتير كتير وعلى اهلي كمان كريم بس لما انا اطلب منه يجيب شي لاهلي مثلا بمناسبة معينة طبعا ما بتقل عليه ابدا يعني للضرورة بس
هو عايش ببلد تانية غير يلي انا فيها وبيجي لعندي كل شهر ونص تقريبا ما بجيب معه شي مرة انا طلبت منه يجيبلي شوكولا لعوده يجبلي ما جاب للسفرة يلي بعدها
ولا مرة جبلي هدية بس مرة وحدة كنا ماشيين بالطريق وشفنا بلوزة حلوة اشترالي ياها
انا ما بهمني شي لو جبلي وردة بطير عقلي بس ما حسه بخيل انا بكره البخيل كره العمى
مرة نزلته معي على السوق لاختبره ما رضي يدخل السوق حتى بكيت بالطريق وما اهتم صالحني بعدين
حاولت بطرق غير مباشرة لمحله متل اني امدح كرم اشخاص بيعرفهن قدامه او اني اشتريله هدايا وكتير جبتله وما في فايدة حتى صارحته ووعدني انو يصير يهتم ويتغير لاني كنت فعلا ناوية نترك مع اني بموت فيه بس ما بتحمل بعد الزواج يضل بخيل بهاد الشكل
طبعا نزل اجازة تانية مو جايبلي معه غير دبدوب بحجم كف الايد اضطريت اني انا اشتري هدايا لنفسي وقول للعالم انها منه وخبرته كمان اني عملت هيك بس قلتله لانو عجبوني وبعد ما اشتريهتن حبيت قول انو منك
مر علينا مناسبات كتير مع بعض ما بيهديني فيها شي مع العلم انو وقت نطلع مع بعض ما بيبخل علي بالمشاوير والبسط هو بتكون اجازته كم يوم وبنبقى فيهن مع بعض
كل اهلي وصحباتي انتبهو لهي القصة انو ولا هدية ولا شي
انا ما بهمني القيمة المادية للهدية بس ما بقدر عيش مع رجل بخيل مع انو اوضاعه المادية جيدة
شو اعمل اتركه وانا كتير بحبه احسن ما اطلق بعدين وهو منيح بكل شي الا بهي القصة
بدي رايكم قبل ما اخد قرار

انا اشوف انه مو بخيل اذا كان موفر لك كل شئ الا الهديه

يعني اذا اهو كان بخيل بجد كان بيكون بخيل مع الكل مع اهله واهلك وحتى نفسه بس اهو موفر له ولاهله وللاهلك كل شئ بس الهديه الشئ الوحيد الي ما وفره لك يمكن انتي متحسسه من الامر اكثر من اللازم يعني يمكن اهو ما يهتم اللهدايا او ما يحسبلها مثل ما اتني تحسبيلها عشان كذي ما يهتم يشتري هديه لك لانه يفتكر شوفتك له تغنيك عن كل شئ الحب ف نظر الرجل غير عن المراه
انا ما انصحك انك تتركي خطيبك لهسبب البسيط ف نظري لان الزواج اكبر من كذي حسب كلامك اهو ما بيبخل عليك بشئ الا الهديه هاذا ابد ما يدل على انه بخيل ..

الله يوفقكم ويجمعكم بلخير

__________________

شكرا كتير لرد أماني طفلة
ويمكن معك حق بس ما اظن انو هو ما بينتبه لقصة الهدية يعني مثلا بيكون بالسوق وبيتصل علي وبيحكيلي استحليتلك هالفستان ولا هالاكسسوار او اي شي وبيحكيلي رح جبلك ياه بيجي بعدين مو جايبه
ودايما بيحكيلي انو بده يخلي صحباتي كلهن يغارو مني على الشغلات المميزة يلي رح يعملي ياها وكمان ما بيعمل شي وكان عنده الف فرصة ليعملي شي مميز يفرحني فيه حتى عيد ميلادي ما هداني فيه وردة ولا بعيد الفطر ولا بمناسبة
مع انه خطيبي اوضاعه المادية جيدة جدا وهي الشغلات بسيطة ومو من طبعه الكذب ابدا وبحياته مع كذب علي الا بهي القصص وهاد يلي بزعلني منه

انا مثلك مااحب البخل ولاادانيه
ماادرى ممكن خطبيك فى حد موصيه من باب انك ماتتعودى على الاسراف!!

عادى تصير او هو مش متعود على هذه الاشياء

الله يجبر بخاطرك ومايطلع بخيل

__________________

حبيبتي

كيف حالته المادية

انا بقيت مكتوب كتابي سنتين ما اذكر زوجي جابلي فيها هدية غير يمكن مرتين او ثلاثة

بس ابدا ما كان عن بخل

كانت حالته المادية ضعيفة شوي وكان ما ينتبه انه لازم يجبلي هدية

بس بعد ماتزوجت تفاجأت بكرمه الزايد ععن الحدود حتى لدرجة اني احيانا اعصب عليه لما يجبلي شي ما بريد اتقل عليه

يعني ما تحكي عليه انو بخيل بمجرد ما بيجيب هديه

حاولي تفهمي منه بطريقة غير مباشرة هل المانع حالته المادية او ما بينتبه لهالنقطة

وع العموم اخلاقه ودينه اهم من الهديه ومن الامور الظاهرية

ربي يسعدك ويوفقك وييسر امركم يارب

وين البخل مو شايفته ؟؟

يمكن هو بطبيعته مايحب يشتري هدايا وحركات

لاكن المسأله مو مسألة بخل الرجال باين عليه ممتاز بس عشان ماجاب لك هدايا تزعلي !!

هذي أن شاء الله مع الوقت يتغير والحمدلله انتي تقولي أنو مايقصر لامع أهله ولا أهلك

ومافي بينكم مشاكل متفاهمين أجل وين المشكله ؟؟

قولي الحمدلله هذا مو بخل بس مو متعود

الله يخليكم لبعض ويدوم المحبه عليكم

__________________
..( أستغفرالله العظيم الذي لا إله إلا هو الحي القيوم وأتوب إليه )..

حساسه اكثر من اللازم يا بنت الرجل كريم وما به شئ بس تمو ها الجيزه على خير

وان شاءالله تشوفي الخير المسأله ما تستاهل ودي تذكريه بحديث المصطفى صلى الله عليه وسلم ((تهادوا تحابوا))

بلعكس مو بخيل وسع سدرك

شكرا كتير لمروركم أختي المحبة للاستغفار لا تنسيني دايما من صالح دعواتك
واختي بنبونتة هو الحمد لله حالته المادية جيدة جدا
واخواتي المهمومة وقسورة قسورة وانسى كل الناس ردودكم ريحتني كتير ان شاء الله انا كون غلطانة ومكبرة الموضوع على الفاضي

ماهو تعريف البخيل وماهي المقاييس
حت لا نتهم الاخرين بما ليس فيهم