السلام عليكم
(اخي بحال سيء بسبب عطالته وعدم زواجه )
اخواني لدي اخ يصغرني بسنه عمره 30
معه ثانوية عامه
من صغره قليل الكلام ..واعتمد على نفسه في سن مبكر جدا
لكن باعمال صعبه شوي وليس لها دخل ثابت
توظف اللي اصغر منه بسنه
وحسيت من بعدها بدا يتغير نفسيا
صار يجلس لوحده كثيييير وماينام وبه قلق غير طبيعي
واشوف معاه حبوب نفسيه
هو كتوووم جدا جدا مايبغى احد يدري بموضوعه
حتى امه وابوه
لكن تجيه حالات بكاء شديده لكن محد يعرف عنها غير اخي الي اصغر منه ب10 سنوات
تجيه حالات بكاء شديد ويحس بالم في قلبه ويشد شعره من شدة الصداع وصار حاليا لدرجة يقطع ملابسه
ويجيب سكين لاخوي اللي عمره 20 يقوله اقتلني خليني ارتاح
وطبعا محد يعرف عن الموضوع وهو لهدي يقول امانه ماتقول لاحد ايش اللي يصير لي.
من ضمن الكلام اللي يقوله لاخوي اللي اصغر منه يقول انا محد يبغاني انا كل اللي في سني تزوجوا ومعهم اولاد الا انا
انا ايش سويت عشان يصير فيني كذا
للعلم خطب مره وانرفض
راااافض جدا يروح شيخ
رافض يروح مستشفى راح مره سوى تحاليل وماراح للنتيجه
تكفووون تكفوون ساعدوني ايش يتبين لكم من خلال الاعراض
وكيف ممكن اساعده
وهل يكون مرض نفسي اللي فيه ..والا قولون والا شو
لاني سمعت ممكن القولون يؤدي لحاله نفسيه
هو اكثر شيء متعبه في حياته انه مو موظف ومو متزوج
(تم التعديل ليتناسب مع المضمون)

شخصيته:
حنون لابعد حد
اذا احد طلب منه طلب مستحيل يقول مقدر او ماعندي لدرجة مرة صديق له طلب مبلغ من المال ماكان عنده هالمبلغ راح استدان واعطاه.
طيب جدا جدا وخلووووق
محافظ على الصلاة لكن في البيت
يحب يخدم الناس
قليل الكلام من صغره
لايهتم في المظاهر احسه يعيش اكبر من سنه

الله يجزاكم الجنه ساااعدوني كيف اساعده
الان نسعى لان نخطب له ويتزوج ..مع صعوبة الحياه والاجارات مع عدم وجود وظيفه
لكن ودي يرتاااح يمكن همه الزواج والاولاد
ولاتحرموه من دعووواتكم

قبل تفكرو تزوجوه لازم تشوفوا أيش فيه انصحيه يروح لدكتور نفسي يمكن الحبوب الي يأخذها هي السبب

الله يشافيه ويعافيه يارب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

شششوفي اختي

قولي له عادي الدنيا ماتستاهل

انا اقسم لك بالله ان اخوي خطب يمكن 6 مرات ويرفضونه تقعد نفسيا وبعدها شاف الدعوه ماتستاهل

اعلمك كيف شاف الدعوه ماتستاهل

هيئنا له جو حلو يعني ضحك وفله بعدناه عن الجو النفساني الي هو فيه وضحك ووناسهه يعني وقفنا معه وهنا دور الاهل لازم يوقفون مع بعض دام عنده اخو وعنده خوات ضحكوه وخلوه ينبسط ونتي عاد بدورك دوري له زوجه اكيد تعرفين انسانه عمرها 26 او 27 وأكيد راح ترضى فيه ومليون بالميه ترضى لن تبي الستر وانسانه ناضجه ماهي صغيره

وبنسبه للوظيفه خليه يقدم على القطاع العسكري اذا كان هو بالسعوديه يحاول يدخل على احد الامراء وراح يتوظف

انتم وقفو معه لاتخلونه الحاله

وبنسبه للأنتحار هذا ضعف بالأيمان حاولو توجهونه لدين وتذكرونه فيه وتخلونه يلتزم بصلاهه

وخليه يكون علاقه كويسه اصحاب كويسين وخليه يبعد عن عيال الحرام

اتمنى اكون قدرت على المساعده

وعليكم السلام ورحمة الله وبركاته ..
مرحباً أختي الكريمة ..
اطمئني أخوكِ مايمر به غير مقلق ، إذا كان معه قولون بأي مشكلة تتأثر صحته وخاصة النفسية تؤثر عليه جداً ..
هو أمنيته يريد الزواج ..
الوحدة وإنه كتوم وووو كله طبيعي لأنه شعوره بالحزن اتجاه مايتمناه ..
إذا أنتِ أخته الكبيرة والمقربة له ، اطلبي منه أن تخرجا لمكان هادىء وتحدثي معه بأنكِ تشعري به وووو حتى يُفضفض ويخرج مابداخله ..
اجعليه ينظر لمميزاته وأنه انسان رائع وتستحق كل شيء أفضل وووو ، ولا ينظر لنفسه بالتقليل أبداً ..
كوني صديقته ..
أما الحبوب النفسية لاأنصحه بأن يأخذها أبداً لأنها تجعل الإنسان خاملاً ومدمراً ..
وأنتِ كذلك ابحثِ له عن زوجة وهذا من حقه جداً ، بتحقيق هذه الأمنية تعود الحياة في داخله ..
أما تهديده للأنتحار ، ذكريه بالله وقوي جانت الوازع الديني به ، وأخبريه بالصلاة في المسجد وووو ..
أسأل الله أن يرزقه الزوجة الصالحة التقية النقية ..

مشكلته حساس جدا ومايبغى احد يدري بموضوعه وانا على اساس ماادري
لكن اخوي اللي اصغر منه ب10 سنوات يقولي كل شيء بدون علمه.
وبحااااول باذن الله

بالنسبه لتغيير الجو والوناسه
انا اسكن في مدينه اخرى وتوه البارح زارني
ويسولف ويضحك طبيعي جدا
هو مشكلته كل هالاشياء تحدث له لما يكون لحاله ويفكر
اما لما يكون مشغول او يكون بين اهله فقد اللي يلاحظ عليه
شرود الذهن والتفكير .
وبالنسبه للوظيفه والله ماابالغ لو اقولك يمكن قدم على اكثر من 150 وظيفه لكن ربي ماكتب نسبته ماتؤهله
والعسكريه رفضوه بسبب الطول وضعف النظر
دعوووووووواتك له.

الله يطمنك يعلم الله كلامك طمني
وسابذل جهدي من ناحية تعزيز ثقته بنفسه وانه يستحق الافضل
لانه هو بالفعل انسان رااااائع أخلاقا ومخلص في عمله ومحب للخير
وله مواقف لاتنسى مع جده ووالده والكثير من اقربائه.

السلام عليكم ورحمة الله وبركاته ..
هو محتاج هذا الجانب كثيراً ، ولا تنسي بأن تختاري له الفتاة التي تستحقه ..
فرّج الله كربه ورزقه من حيثُ لايحتسب ..