مسلسل الخيانه مازال مستمرا لماذا لا أعلم؟؟ - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

إضافة رد
قديم 09-06-2013, 01:31 AM
  #1
زهرة الجاردينيا
عضو مثالي
تاريخ التسجيل: Nov 2012
المشاركات: 1,807
زهرة الجاردينيا غير متصل  
مسلسل الخيانه مازال مستمرا لماذا لا أعلم؟؟

السلام عليكم ورحمة الله ،، من زمان مادخلت المنتدى بس مريت بعدة ازمات ومشاكل وجيت هنا أطلب المشوره،، عند اهل العقول النيره.. متزوجه من عدة سنوات زوجي يحبني وانا أموت فيه..تحطمت بعد اول مره شفته فيها يكلم وحده ع المسن تصارحنا وتاسف وانتهينا مع اني احس بجرح.. مرت سنه وحصلته يكلم وحده ثانيه مكالمة جوال انهرت وهو خاف من ردة فعلي وارسل لي انه نأدم وانها غلطه ماراح تتكرر. . غيرت تعاملي معاه وماصرت ابين له حبي له زي قبل قلت يمكنه يحب اللي تصده ،،بس انها فتره ورجعت لطبيعتي ادلله كنه طفل صغير ،، قبل فتره اكتشفت انه على علاقه بزوجة صديقه الحميم لقيت رقمها عنده ورسايلها وصورها مع انها عجوز والحمد لله مافيها جمال ابدا بالعكس بشعه ،،تحطمت مره وماسكتت تواجهنا وحطني غلطانه قال انتي شكاكه وانا مالي علاقه فيها ،، وهذا اللي خلاني انقهر زياده. . مو حاس بالغلط الشنيع اللي يسويه خيانة صديق وشريكة عمر بوقت واحد،، لي منه اطفال ، حاليا تغيرت معاملتي معاه وهو جفاني. .مأشوفه يمسك جواله زي قبل ،،تعبت مليت من عيشة الشك ،،وربي يشهد اني ماقصرت معه ولا بجانب ليش يسوي كذا جاب لي المرض..احيان افكر اروح لاهلي وما ارجع مادري هالحل يريحني او لا انا ضايعه دلوني شسوي؟؟
رد مع اقتباس
قديم 09-06-2013, 02:11 AM
  #2
كرهت الانتظار
قلم وفي
تاريخ التسجيل: Dec 2009
المشاركات: 164
كرهت الانتظار غير متصل  
رد : مسلسل الخيانه مازال مستمرا لماذا لا أعلم؟؟

الله يكون بعونك أسأليه هل يرضى يشوف رسايلك وصورك بجوال صديقه؟الي يخاف على عرضه مايلعب باعراض الناس.
ذكريه بعقاب الله والله لمااقرا أي موضوع فيه خيانة قلبي ينحرق لا اله الا الله
رد مع اقتباس
قديم 09-06-2013, 06:23 AM
  #3
حكاية الم
عضو جديد
تاريخ التسجيل: Jun 2013
المشاركات: 25
حكاية الم غير متصل  
رد : مسلسل الخيانه مازال مستمرا لماذا لا أعلم؟؟

اختيي الله يكون بعونك وصدقيني هذي مشكلة منتشره باوساط الرجال الا من رحم ربي وما انتي الوحيده اللي تعاني من هالشي يعني مثلك كثيييييييير والسبب يرجع لضعف الوازع الديني عنده فـ الحل :
انك تذكريه بـ الله وتجيبين احاديث من السنة وتذكرينه ان هالشي اللي يسويه عيب يصدر منه وهو انسان محصن ومتزوج وعقوبتها عند الله ماهي بالشي الهين لعل الله يفتح على قلبه .. ولو تاخذين لك شريحه ماحد يعرفها وترسلي له كم رسالة اذا كنتي عند اهلك بس بشرط انك ترسلي الرسا ئل وتكسري الشريحة بعدها على طوول ولا تدخلي بنقاشات معه لانو اكيد بيسال انت منو؟؟ بس تتاكدي ان الرسائل وصلته

ونصيحة لا تدخلي معه بنقاشات مالها نهاية وتصير بينكم مشاكل اعرف انه شي مؤلم بالنسبة لك لكن وكلي امورك لله والجأي لالدعاء والوتر
انا رجل واعرف رجال كثير راعين مكالمات وخرابيط فاضيه والله ان بعضهم ليس بنقص من زوجاتهم ولكن ضعف الوازع الديني
أسأل الله ان يسخر لك ويألف بينكم ويهديه للخير
رد مع اقتباس
قديم 09-06-2013, 04:23 PM
  #4
زهرة الجاردينيا
عضو مثالي
تاريخ التسجيل: Nov 2012
المشاركات: 1,807
زهرة الجاردينيا غير متصل  
رد : مسلسل الخيانه مازال مستمرا لماذا لا أعلم؟؟

الله يجزاكم خير ع الردود ،،،
رد مع اقتباس
قديم 09-06-2013, 05:12 PM
  #5
أم دان
عضو مثالي
تاريخ التسجيل: Feb 2013
المشاركات: 1,832
أم دان غير متصل  
رد : مسلسل الخيانه مازال مستمرا لماذا لا أعلم؟؟

كنت مفكرة هذه المرة مثل المرات السابقة لما تواجهيه يندم ويعتذر،،كنت مكتفية بهذا القدر من اﻹرضاء من طرفه
لكن حصل عكس ماتوقعت،،لذلك أنت محبطة ومتألمة...
الحل بنظري
كلمي أحد أخوانك أو والدك (من تلمسين فيه العقل والحكمة)
يكلم والد زوجة الصديق ويهددوه،،وإن لم تبتعد عن زوجك،، الخطوة الثانية عن طريق الهيئة ينادونها مع والدها
وياخذون عليهم تعهد.

أولا وأخيرا الخلل من زوجك لو هو مايبغى مافي واحدة تتجرأ وتكلم معاه..وإن استطعت تبعدين هذه عنه،البدائل
موجودة وبكثرة،،
اعملي على تقوية الوازع الديني لديه،،والجئي لربك بالدعاء والصدقة والزمي دعاء تفريج الهم والحوقلة.
رد مع اقتباس
قديم 09-06-2013, 06:44 PM
  #6
بنت بوظبيxAD
موقوف
تاريخ التسجيل: May 2013
المشاركات: 1,151
بنت بوظبيxAD غير متصل  
رد : مسلسل الخيانه مازال مستمرا لماذا لا أعلم؟؟

السلام ورحمه الله

الموضوع شوي يخوف .. مساله علاقه مع زوجه الصديق القريب له مساله تعدي على العرض والشرف لو غضينا النظر عن المراه اللي يكلمها وركزنا شوي على زوجج وموقفه في حال درى ربيعه بخيانته تتوقعين بيسكت عن زوجج؟؟

انا اسفه لكني مضطره اقولها راح توصل لجريمه قتل انظري للموضوع نظره بعيده وحطي الف احتمال بالاحداث اللي بتصير مستقبلن اذا استمر زوجج في طريق الغلط
وايد ناس في الدوله راحت انقتلت ضحيه شرف واخلاق وخيانه عرض ..

انا من وجهة نظري الشخصيه تكسرين كرت زوجج واطلعليه كرت ثاني عادي تصرفي بكل برود وبدون اي زعل وضيج الامر وايد بسيط قوليله احبك وابا احافظ عليك ..

وبعدين اذا زوجه ربيعه مافيها خير لاتنزلين مستواج لها وتاخذين وتعطين معاها .. ولاتتركين الجمل بما حمل بيتج وزوجج وعيالج تذكري فتره طيش وبتعدي ان شالله

التعديل الأخير تم بواسطة بنت بوظبيxAD ; 09-06-2013 الساعة 06:51 PM
رد مع اقتباس
قديم 09-06-2013, 08:10 PM
  #7
مهنــ ابو ــد
عضو مثالي
تاريخ التسجيل: Aug 2011
المشاركات: 238
مهنــ ابو ــد غير متصل  
رد : مسلسل الخيانه مازال مستمرا لماذا لا أعلم؟؟

تغير الحال .. ..

اصبح الامر عادي .. وان حصل فحله سهل ..


اللهم استرنا ياكريم ..

اللهم لاتفضحنا علئ رؤوس الخلائق .. وادم علينا حفظك وعافيتك ..


زوجك محتاج لمحاضرات توعويه عن اهمية الشرف وعظم امر الخيانه


ينقصه الشيء الكثير عن الوفـاء مع الصديق..

وغيره الكثير .. نسأل الله السلامه ..


اسأل الله ان يهديه ويكتب لك الاجر علئ صبرك
رد مع اقتباس
قديم 10-06-2013, 01:33 AM
  #8
زهرة الجاردينيا
عضو مثالي
تاريخ التسجيل: Nov 2012
المشاركات: 1,807
زهرة الجاردينيا غير متصل  
رد : مسلسل الخيانه مازال مستمرا لماذا لا أعلم؟؟

مكلومه وبنت ابوظبي ردكم ريحني شاكره لكم حلولكم ،،ابو مهند كلامك بلسم ماتتخيل كيف ارتحت لما قريته،،الله لايوريكم مكروه ولاتذوقون ماذقته يارب
رد مع اقتباس
قديم 26-06-2013, 03:14 AM
  #9
السواد الأعظم
عضو جديد
تاريخ التسجيل: Jun 2013
المشاركات: 29
السواد الأعظم غير متصل  
رد : مسلسل الخيانه مازال مستمرا لماذا لا أعلم؟؟

(من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون ).


سورة النحل.
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:04 AM.


images