الله يهديه يارب
فعلا اول مره اشوفه بهذا الحال
هو بطبعه هادي واعصابه بارده اول مره اشوف يتكلم بحرقه وقهر وكأن فيه شي غير اللي قاله لي خلاه يوصل زعله على ولده لهذي الدرجه

اختي ام الولد متزوجه وعشان كذا الاب اخذهم من امهم لما تزوجت
وهو مو سبب زعله انه راح لامه ولكن زعلان لتصرفات الولد نفسها
يعني انقطاعه عنه وعن خواته بالشهور وهو اصلا الرجال مريض
ويقول تخيل ولدك تتصل عليه تقوله محتاجك ويطنشك ولايرد عليك وببعض الاحيان اتصل عليه يعطيني مشغول بدون مايرد علي والا اتصل عليه عشرات المرات مايرد
يقول عزة علي نفسي عندي ولد رجال وجاري هو اللي يوديني المستشفى ويجلس عندي ويداريني وولدي مايدري عني وحتى لما درى اني بالمستشفى ماكلف على نفسه وجاني وقال خليني اشوف ابوي وش فيه
يااختي احساس الجحود والنكران يوجع وخصوصا اذا جا من اللي انت كنت شايله لوقت الحاجه

شوف أخوي اعتقد إنه الأب كان حريص جداً ع أبنائه بدليل إنه ماتزوج عشانهم وبدليل إنه طلب منه يهتم بأخواته

والاولاد في هذا السن يبغو فسحه يبغو يحسو بحريه واعتقد الولد وجد عند أهل أمه الحريه الي فقدها عند أبوه ورسالة أبوه بصراحه تمام لما ذكر الأشياء الي قدمها لهم وحرم نفسه منها لكن لما وصل للدعاء عليه هنا الأمور بتسيئ أكثر من قبل
والتحريض بيزيد

هو يعتقد إنه بيسترجع ولده بالرساله هذي

كان بإمكانه الإتصال بولده وأخذ موعد معاه خارج البيت ومناقشته بهدوء

لو إفترضنا إنه رجع الولد رح يرجع بس حامل في قلبه ع أبوه إنه مقيد حريته وسعادته

واذا رجعنا للحق الولد ماسوى شيئ غلط الولد راح لأمه وسبحان الله غالباً الأولاد إذا كبرو يروحو لأمهاتهم لأنه الأم تشعره بأنها بحاجته ومنها يجد حريه اكثر لأنه الأم أضعف من الأب في معاقبته اذا تأخر مثلاً أو ترك الجامعه او اي شي يشوفوه الولدين خطأ

برأيي تقوله لو مارد عليه ولده يطلبه يجي ويتناقشو ويوضح له إنه كان يبغاه يبر فيه ويبر في أمه

الله يهديه يارب

اللهم امين

الدنيا مليانه مصايب الله يرحمنا برحمته
مو قادر عليه الولد يمشي على اللي يقولون له خواله

بالعكس اختي تدرين انه مسوي جناح خاص بالولد وموفر له كل شي
حتى السياره غيرها له كذا مره والولد يطلع ويسافر ويروح ويجي
بس هو عنده بنات كبار ويبي لهم رجال يكون عندهم يوديهم ويشوف حاجاتهم بعدم وجود الاب
وام الولد متزوجه يعني اساسا وين الحريه اللي راح يحصلها ببيت زوج امه
ورسالته مو عشان يرجعه هذا اللي لمسته
رسالته تعزيه له وكان يقول كان عندي ولد اسمه فلان وولدي مات بالنسبه لي
واعتقد ان الموضوع فيه شي خفي اكبر من اللي قاله لانه كان يتكلم بحرقه غريبه

الله يصلحه خله يدعي له
لا يدعي عليه ثم يندم
هذا مراهق انظر لاغلب الازواج وكيف وضعهم
انا لرئيتهم اتحطم على اولاد المستقبل
ولكن اقول الله يصلحهم ممكن يكونون
افضل من ابائهم