كم عدد أطفالك ؟

اسأل الله لك الوفيق



معك حق !

و لكن ابحثي عن حل سلمي كمحاولة اولية ، هذا هو رأي الاعضاء قبلي !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

حل سلمي ممتاز وبصراحة اتمنى حل سلمي .. انا فكرة بالشكوى بالبداية لاني عارفه يا انه ماراح يرد على اتصال اهلي واهلي بعد يرفضون يتصلون فيه اكثر من مره مكالمة وحدة هو مايرد ولا اهلي يرجعون يتصلون او انه اذا رد يقول الاسبوع الجاي والأسبوع يصير شهور الشي الثاني اني مابي بصراحة احد يكلمة قبل اشوف ان لي حق او لا واذا صار لي حق اخذه
عموما خلاص ناوية اخلي اهلي يكلمونه بالبداية لكن مادري اخلي اخوي ولا امي ؟
شايفة ان امي افضل من اخوي

شوفي اختي.. لاتتوقعي تطلعي نفقة تريحك في المعيشة.. والا كان شفتي كثير من النسوان مطلقات.. ايش الي يخلي كثير من النسوان تتحمل الذل والهوان في بيت الزوج غير الصعوبات المادية مابعد الطلاق؟ فلا تتوقعي نفقة كبيرة هذا هو الواقع.. الرجل يطلق ويبدى من جديد وماعليه شي والمرأة تشيل هم الاولاد وكأنها ولدتهم لحالها.. الله المستعان.

حاولي بطريقة ودية يزيد النفقة.. ومادام راح تتخرجي قريب فاصبري وقريبا ان شاء الله تتوظفي وتعتمدي على نفسك.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

وحنا ماقلنا ان ابوه ماهو ملزوم فيه
ولكن قصدي الموضوع يكون بالتدريج
يعني كلموا ابوه مره ومرتين وثلاث واذا رفض او ماطل هذيك االساعه ارفعي قضيه وخوذي حق الولد في المحاكم
ولكن ان توك مخلصه العده وجالسه تنتظرين الصك عشان على طول تشتكين !!

اختي الله يهديك لاتدخلين العناد بينكم دام ان فيه مجال لحل الموضوع ودي

كلامك هذا تمام
فكرت بالمحكمة لان كنت اشوف انه اعدل من اننا نناقش ونساوم على نفقه الولد سالفة زيادة المصروف مابي فلوس انا لو ارتاح من الحليب والبامبرز انا بخير

انا ماتوقعت شي ولا ابني احلام على هالنفقة او الكم ريال انا بس ابي يتحمل مصروف ولده لا اكثر ولا اقل سؤالي كان بسيط وحق من حقوق الولد اخذتوه على انه انتقام او اني قاعدة ابني امال علية

مشاعر
كيف علاقتك مع امه او اخواته
اذا لك علاقة طيبة معهن اتصلي على واحدة منهن و خبريها ان المصروف لا يكفي و الولد يكبر
و تزيد مصاريفه معه و لو ابوه يشيل الحليب و الحفاظات رح يكفي المبلغ

خلي الدعوة اخر حل اذا ما استجاب ذيك الساعه اشتكي عليه

مافيه اي تواصل مافيه الا خالتة وخالته ايام الزواج نكلمها وتقول لنا قلت له ورافض او وافق وبالأخير بطلع هو ماعنده علم هي اللي ترفض وتوافق من كيفها عشان كذا مستبعدة نكلمها
خلاص انا شلت موضوع المحكمة من راسي بنكلمة ودي
لكن متى الوقت المناسب ؟ بعد الصك ولا الآن
بصراحة حاليا الولد عنده حليب ل ثلاث ايام بالكثير والصرافة فاضية اخذ من اهلي وامشي الشهر هذا او نتصل فيه ؟

طيب سؤال ليش ماترضعينه انتي؟
ترى من حق الولد عليك انك ترضعينه