بقولك رأيي في كلامه
والقرار طبعا بالنهاية لكِ. عندي عدة علامات استفهام/ أولا كلامه لما يقول : يالغالية ! عليه علامة استفهام ؟ ثانيا: دعواته : الله يحفظك و يسعدك فين ماكنتي! إلخ ... ! برضه عليه علامة استفهام ؟ ثالثا: تركيزه أنا صريح وما أبى غير الصراحة ويكرر ! يدل إنه العكس ! مثل الكذاب اللي يكثر من الحلف ! رابعًا: ماهو الأمر الخاص اللي بيتكلم معك عنه! ماهو الجنس ؟! أتحدى لكن بيسحبك فيه حبة حبة وبدون ماتشعري ! خامسا: بشكل عام كلامه كثير وواضح بيحاول يغطي على شي! وغالبا اللي مثل كذا مايستمر بسبب الكذب ! نعم يكذب كثير و لا هو صريح ويحاول يستميلك بشتى الطرق! رأيي بشكل مختصر جدًا لو كنت مكانك بعد كلامه هذا الكثير بأزداد رفض يشوفني في مكان عام، لأنه حتى لو شافني وانا ملكة جمال مابيستمر معي ، اللي مثله مايبى زواج وبقولها لكِ بصراحة! مايبى زواج .. يبى شي تاني لكن مستحيل يصرح فيه عارف راح ترفضي! وبالنسبة للشوفة في بيت أهلك إنتِ يا أختي كبيرة أصري تكون الشوفة قبل السؤال لو مرة حابة تشوفيه بالأول أصري بقوة و لاتقولي عاداتنا ومدري ايش! إنتِ كبيرة ولكِ رأيك بالموضوع ' خليكِ شخصية قوية في حقوقك خذيها بكل الطرق والوسائل ولا ترضخي أبدًا ! وبالتوفيق |
طيب اش سبب استفهامك من كلمة غاليه؟؟
وش وجهة نظرك فيها؟؟ ولعلمك كان يقولي يا اختي اول محادثاتنا؟!! بعدين قلتله لا يقول يا اختي وصار يقول يا غاليه! بس ودي اعرف وجهة نظرك انتِ؟؟ وايضا وضحي سبب استغرابك لكثرة دعواته؟؟ انا استخرت في رمضان وبستخير كمان والله يكتب لي اللي فيه الخير والله انا بشكل عام ماني متلهفه عليه غير لكونه بنفس مدينتي هذي بس ميزته |
خذيها قاعدة : الرجل الصادق الجاد مايكثر كلام
بيثبت جديته بالأفعال! ولو تكلم 1+1=2 بدون مايزيد ويحاول يثبت صدقه بالكلام! على طول ينتقل للأفعال ! ولا تقولي إنه طلب يشوفك هذا فعل ! لو كان شخص كويس وصادق وواضح وصريح مثل مايقول كان دخل بيتكم ولا أقلها كلم أخوكِ أو حتى أخته تكلمك ! ترى ممكن كم وحدة غيرك طلب منها نفس الشي، وخرج مع كثير ولا وحدة ما استمر معها. وحكاية قلتي له لايقولك يا أختي وصار يقول ياغالية الصراحة لاتعلييييق ! الله يهديكِ .. يعني عاجبك يقولك ياغالية! ؟ وكثرة دعواته مابلعتها لأنه أسلوب بعض الرجال حتى تتطمني له إني انسان كويس و خيّر ! شوفي يا حظي حلو احنا البنات مهما كانت احتياجاتنا العاطفيّة المفروض احنا مانسمح لأحد بستغلنا ولا يضحك علينا ولا يفكر إنه أذكى مننا و يلعب بمشاعرنا واحتياجنا العاطفي للزواج ، خليكِ قوية حتى لو في الحقيقة إنتِ ضعيفة عاطفيّا تظاهري بالقوة وإنه الكلام الحلو مايجيب راسك ولا يحرك فيكِ شعرة لو من داخلك حابة الموضوع! قوي نفسك و حاولي رغباتك العاطفية ماتعطيها إلا للي يستحق حتى لو كان كلام! تعاملي مع نفسك إنك جوهرة وكلامك غالي مايطلع لأحد .. انا مقدرة وضعك ممكن احتياجك شديد بس هذي الطريقة لتنجو وسط هذا العالم الناس مو بس الرجال لو عرفوا نقطة ضعفك راح تتعبي معهم . الله ييسرلك أمورك و ينور بصيرتك بالقرار السليم |
انا أؤيد ما قالته فجر الهوى
الراجل يحاول اثبات انه جيد وصادق خاصة انه يتعرف على وحدة للزواج ويقول يا اختي مبالغة في محاولة اثبات انه بريئ و انه يقول اشوفك فقط خارج البيت و بعدها نتكلم فقط و مو على الجنس انه تكلم فالموضوع و طرح هذه الكلمة فهذا هو هدفه يريد حورية يريد ام و اخت وصديقة ومادري ايش بدو كمان فهذه الشعارات و الجمل تبع مسلسلات تركية ظاهر انه هدفه مو الزواج وانما التعارف و زيادة كلام و فقط انت كوني صارمة خاصة في هذه المواقع لان اغلب الرجال اللي فيها مو هدفهمالزواج وانما استغلال النساء اللواتي يسجلن ابتغاء الزواج اذا يريد الزواج يتقدم لبيتكم و يشوفك النظرة الشرعية اما اشوفك اكلمك و بعدها مواضيع خاصة فهذا رجل مشبوه 😒 ونصيحة انت تضيعين وقتك في هذه المواقع |
مرحباً أختي
عندي إحساس أن الرجل يريد الزواج بك مسيار وربما يرى نفسه أنه عنده قدرة عالية على الإقناع وواثق من نفسه ومن خبرته ربما هو ذكي ولايريد الإفصاح مسبقاً عن طلباته وشروطه حتى لاينفرك بل ربما يريد أن يراك.. فإذا عجبتيه قال لك عن شروطه وربما تنازل عن بعضها من أجل أنك عجبتيه.. أما إذا لم تعجبيه فيعجزك بالشروط لتبتعدي عنه.. وهو لايريد أن يذهب لأهلك حتى لايدخل في الرسميات وربما يتورط بما لايريد كل ماقلته لك سابقاً مجرد رأي والعلم عند الله |
مواقع النشر |
أدوات الموضوع | |
انواع عرض الموضوع | |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|