السلام عليكم ورحمة الله وبركاته
رجعت لكم بعد فترة غياب طويله والله العالم كم عانيت بالفتره اللي غبت فيها من مشاكل وهموم واللي منعني من الكتابه والاستشاره هو تشكيك بعض الاعضاء في مصداقيتي وبعض الردود اللي تزيد همي
ولكن الله العالم اني كنت اتابع من بعيد لبعيد كل المواضيع في المنتدى وانفعل معها بس بدون مااسجل دخول
اليوم بعد ماضاقت فيني الدنيا الوسيعه وتعبت وعجزت من التفكير في حالي قلت مالي من بعد رب العالمين الا انتو يااروع اخوان
انا حاليا في بيت اهلي ومعي عيالي وطلبت الطلاق بس هو عاند ومايبي يطلق وقال اذا تبين الطلاق انتي اسعي له وعندك المحاكم والوالد الله يطول بعمره قال مايصير الا اللي يرضيك واذا تبين الطلاق بكلم المحامي وطلاقك مضمون منه باذن الله
بس بعدين خوي اخوي محامي انصحه بعدم الطلاق لاني مابستفيد اي شي ولاحتى نفقه لان عيالي كبار ومالهم حتى نفقه ومابستفيد من الطلاق الا في حال اذا كنت ناويه الزواج وبس وبالتشاور مع خواتي اايدو عدم الطلاق وقالو ان لوو تطلقتي راح ياثر على بناتك بمعنى من بيخطب بنت امها مطلقه؟ وحتى لو كان الرجال كله عيوب بيبقى اللوم على الحرمه
وانا في حيره من امري هل اطلب الطلاق او ابقى كما انا في بيت اهلي معلقه وخاصة اني متعوده على هذا الوضع حتى لما كنت ببيتي
اسفه على الاطاله وانا في انتظار ردودكم
شاكره لكم مقدما وان شاء الله في ميزان حسناتكم


مواضيعي السابقة
http://www.66n.com/forums/showthread.php?t=238175

http://www.66n.com/forums/showthread.php?t=145495

تم تعديل العنوان ليتناسب مع المضمون

مستجدات
الرد 18
http://www.66n.com/forums/showpost.p...0&postcount=18

__________________

بنتك رزقها مكتوب من الله محد يقدر يرده أو يمنعه عنها،
شوفي اﻷصلح لك واستخيري ربك وأقدمي وأنت متوكلة ع الله رامية حمولك عليه وحده.

والنعم بالله وهذا ردي لهم في كل مره ينفتح فيه الموضوع
جزاك الله خير على الرد اختي

__________________

وحبيت اوضح للاخوان اللي مايعرفون قصتي اني كنت منفصله عنه لما كنت ببيتي (معلقه) فوق ال16 سنه تقريبا وكنا عايشين مثل الاعداء في البيت وما بينا حتى الكلام

__________________

الله يقدم لك كل الخير اختي فوضي امرك لله وحده اللي قادر على اعطائك القرار الصائب لك ولاولادك واستخيري اختي
ما خاب من استخار
وشوفي ما نتائج بقائك في منزل اهلك بدون طلاق او حصولك على الطلاق منه
الله ينور بصيرتك ويعطيك كل الخير
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبتي ليش ماترقين نفسك..وترسلين احد يقنع زوجك يروح للرقاة..لان وضعكم كانه مس او سحر...وبالنسبه لسؤالك انتي فكري هل براسك زواج من غيره؟؟اذا نعم تطلقي واذا لا خليك ع ذمته وانتي عند اهلك يمكن الله يفتح على قلبه في يومٍ ما ،،،،

أختي منبع الاحزان فرج الله همك ونصرك على من يعاديك
ولكن نحتاج أن نفهم مشكلتك قبل أن نفتيك
ضعي الروابط مشكورة..

نتائج بقائي بدون طلاق هو اني بورثه فقط ونتائج حصولي على الطلاق هو الزواج فقط
والله يجزيك الخير اختي على تكرمك بالرد علي والدعاء لي

__________________

لو بتقرين مواضيعي اختي بتعرفين انه ما يعترف بالدين ويقول انه يكون يهودي افضل من مسلم فكيف تبين يقتنع بالرقيه الشرعيه؟
بالنسبه للزواج انا اتمنى وودي بس فيه احراج لي من اهلي وجماعتي اني افكر بالزواج بعد مااوصل لسن الاربعين مع اني ما تهنيت بالزواج ابددددد وودي اعيش حياة زوجيه مااقول مثاليه ميه بلميه يكفيني 50 بالميه فقط وبعدين من بيتزوج اربعينيه وعندها عيال كبار؟؟
مستحيييييييييييييييييل واحد مثل هذا يتوب واستغفر الله العظيم انا يئست منه ومامنه امل ابدددددد
كل عيوب الدنيااا فيه وميزته الوحيده هو انه مهملني ومخليني اروح واجي مع اهلي واسافر وحتى مايسال وين وليه
الله يجزيك خير اختي على ردك

__________________

اللهم امين
اعذريني اختي مااعرف كيف انزل روابط مواضيعي ياليت الاداره لو تكرمو تنزل روابط فيها بعض مشاكلي
والله يجزيك خير على الدعاء والرد

__________________