بسالكم بنتي باجر بتكمل سنتين وفكرت اسوي لها حفلة بس انا وهي وأخوانها يعني بروحنا اليوم الصبح طلبت من أبوها يطلب كيكه بصورتها هي وأخوها فقالي شنو رايج أحجز لهم صالة العاب واعزمي خواتج وخواتي أول شي وافقت

بس بعدين فكرت وقلت له لا لاني مابيك تحضر قالي شنو يعني ليش انا مب أبوهم
قلت له خلاص بسويها هني بجناحنا وانت لا تحضر

قالي ولا يهمج مب حاضر ولكن بردها لج
وبطرش لج كل الي تحتاجينه للحفله وبتصل على الوالد والوالده عشان يردون البيت ويحتفلون ويا اليهال لانه امه وابوه لهم يومين بيت ولدهم الكبير

أنا غلطانه لاني منعته يحضر او عادي

لو الحفل عيد ميلاد فهو بدعة والأفضل تركه
ولو كانوا أخواتك سبب لعدم حضور زوجك فالمبرر طبيعي وموقفك سليم
لكن ممكن تكسبين الحسنيين ابدؤوا مبكر انت وزوجك وأولادك
ثم كملي الحفل مع أخواتك وعمات بنتك
أو اعملي حفلتين
دام هو حاب يحضر فمن حقه
إنت غلطانة أو لا يتوقف على سبب المنع
هذا الي أشوفه

__________________
## مهم ##
هل تتعرضين للابتزاز في الانترنت؟


هنا من ينقذك

هيه حفلة عيد ميلاد واول مره ادري انه حرام
عادي اسوي الحفله يوم السبت مثلا
لا مب عشان خواتي لانه هو يشوفهم عادي لانه نحن عيال عم
مابيه يحضر لانه زعلانه منه وبس
شكرا

أها
طيب خليها مناسبة للصلح
واشرحي له سبب عدم حضوره بشكل لطيف
ممكن يعتذر ويراضيك وتكون حفلة مصالحة ..
الله يسعدك ويصلح شأنك

__________________
## مهم ##
هل تتعرضين للابتزاز في الانترنت؟


هنا من ينقذك

زعلانه منه وتطلبي منه كيكة؟
ليش ماتخليها فرصة تتصالحوا فيه وتكون هدية لبنتك انكم تصالحتوا :-)
بعيد عن حكم الأعياد الميلاد ماتشوفين من حقه يحتفل بعيد ميلاد بنته قبل الباقين ...

__________________
لآ تـتـعـلـق بـ أحــد كـثـيـرآ ..!!
فــ مـهـمـآ كـآنــت عـلآقـتـكــ بــه قـويـة
سـيــأتـي يــوم ,, و يـجـد بـديــلآ عـنــك ,,,, و يـقـل الـســؤال و الإهـتـمــآم بـكـ ..

لجين تواصلي وياي عن طريق الادارة

__________________

برأيي لازم نفصل بين مشاكلنا كأزواج وبين أولادنا وما نحطهم بالنص

الطفل يحس بجو العائلة وأمان العائلة وفقد هذا الشعور يخل بنفسيته .

لج الحق بالتعامل مع زوجك بحسب ما تشوفي بداخل حجرتكم وبينكم ... صد .. هجر... بكيفك لأنه النتيجة بتنعكس عليكي وعليه لكن الاولاد خلوهم بعيد.

انتي خايفه انه هو وأهلكم يفهموا موافقتك على حضورهم على أنه تقبل منك لمواقفهم معك انتي ولزواجه ؟؟؟

مع اني مع تقبل تعامل زوجك معك واحتواؤه لك والتجاوب معاه عشان ما يندم عليه ... لكن هذا رأيي أنا ويمكن البنات هنا لهم رأي ثاني
ويمكن المجتمعات تختلف
ويمكن اللي يناسبني ما يناسبك ..

دعواتي لك حبيبتي بالتوفيق والله يصلح الحال باللي يسعدك ويفرح قلبك

__________________

لجونة حبيبتي كيف حفلة لعيالكم وابوهم مايحضر مو حلوة في حقك ... انت ارقى من كذا الله يسعدك يالجين .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

حبيبتي مايجوز عيد الميلاد حتى لو قدمتيه يوم او اخرتيه يوم هو نفسه الحكم..


اما عن مشكلتك مثل ماقالت خاله بيتا لازم مشاكلكم تفصلونها عن الاولاد
بيكون لها طعم غير لما يشوفون امهم وابوهم معاهم..
وردك كان فيه قسوة شوي لو دورتي لك تصريفه افضل مثلا تقولين
اهلي بيصيرون موجودين ومايمديك تدخل افضل من انك تقول ماابغاك تحضر
احسها قويه وبتصير بنفسه وشوفي قالك ابردها لك


وعسى الله يوفقك ياقلبي وييسر امورك ويرزقك ماتتمنين.
ويصلح مابينكم ويسخركم ل بعض يااارب.

__________________
اللهم اجعلني ل زوجي كما يحب
واجعله لي كما أحب
واجعلنا جميعا لك كما تحب.

خلاص طالما قلتي له كذا
انتهى الموضوع ولا ترجعين بكلامك
بس والله يا لجين ان حركاته وتصرفاته تقول انه معمي القلب فيك

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.