كلام من ذهب

راح أنفذه باْذن الله ..
و عن قريب جدا

ليت ..
فعلا تعبت

روح الطير ....

انتي تبغي تتخلصي من هذا الرجل ...أقلك صعب جداً رح يطلع في حياتك بين فتره وفتره عشان أولاده ..

لكن مع الانفصال انتي بتتعبي من سنه الى سنتين حتى تستقر حياتك بدونه لكن لاتحطي في بالك إنه مارح يظهر في حياتك ..
رح يظهر ورح يحاول يرجعك وممكن يستفزك إما يحزنك عليه او ينتقم ...

لكن خليك متماسكه وقويه وأنا معاك لو في أحد جبروت من أخوانك يوقف في وجهه بعد الطلاق ومايخليه يلعب بذيله خاصه في نفسيه ابنائك صدقيني مارح يتجاوز حدوده ورح ترتاحي منه ويعود نفسه انه فققط يشوف اولاده ومع السلامه بدون خطط وحركات مستميته عشان يرجعك ( هذا بعد الطلاق)

أنتي تجرأي واتخذي هذي الخطوه ولا تفكري بنجاحها الا بعد سنين يعني الاستقرار مع الطلاق مارح تلاقيه الا بعد عدة سنوات لذلك كل عثره تواجهك لاتستسلمي لها أملي نفسك بالمستقبل تخيلي أولادك شباب وعوضوك عن السند الي انتي بحاجته دحين ...

البعثه بالفعل وجود زوجك عائق كبير لك حاولي تقوي نفسك وتطلبي المساعده من اخوانك يساعدوك حتى تستقري هناك لوحدك ويروحو اذا صعب جلوسهم معاك وانتي قويه بإذن الله تكوني قادره ع تجاوز هذي المرحله .....

أشعر أنه انفصالك عنه قبل البعثه افضل عشان تبتعدي عنه وتنسي مخاوفك الي بسبها كتبتي هذا الموضوع ...
حتى هو يعجز انه يوصل لك ويزعجك وربما يستسلم ويعيش حياته ....

الحزن امر طبيعي كبدايه
يعني انتي استخرتي واستشرتي وقررتي خلاص توكلي على الله
الله يقول (فاذا عزمت فتوكل على الله )
وتجاهلي المشاعر السلبيه الي تجيك كبدايه لانها امر طبيعي ولايد منه
المهم لاتستسلمين للحزن واشغلي نفسك مع الدعاء والاستغفار بيعوضك ربي خير بابناءك ومستقبلك باذن الله

كيف اقدر ابعد تاثيره !؟

الاخ تلميذ الحياة

قال نقطة مرة مهمة ..
اني اخلي واحد من اخواني بعد كذا هو الي يتواصل معاه ..

.
.

حاليا ابغى امنع نفسي اني ارد على اي اتصال منه ..
هو ترى مو داري دحين انا ايش قررت .. يحسبني مثل زمان اسكت و أعدي له واصدقه

لانه يسرح و يمرح و انا مع الاولاد من كم يوم و هو مو داري عننا ..
و يجي بعد كم ساعة و يتحجج و يكذب كنت نايم و لا كنت توقيف او مستشفى او او .. الخ

مابغى ارد و لا ابغى اسمع منه اي شي ..
خليني كذا لوحدي مع الاولاد ..

بالنسبه للبعثه هل يسمح لك تأخذين الاولاد معك حتى وان كانوا في حضانتك لأن هذا الموضوع يحتاج الى اذن من المحكمه لأنه زوجك او طليقك ممكن يرفع دعوى عليك

روح الطير
الله يكون معاك ويختار لك الخيرة الطيبة
انتِ فعليا وصلتي لقناعة ان وجود هذا الرجل في حياتك بيضرك انتِ والاولاد ما بينفعكم
او على الاقل ما بيكف آذاه و مايخرب تربية الاولاد

بما انه ماشي في نفس الطريق ولا تغير.. بالعكس يزداد خبرة في الاكاذيب والتمثيليات
وانتِ الام والاب واللي تصرفين وتقومين بكل أمورك بعيد عنه .. هو ايش دوره ؟
يستهلك ويستنزف تفكيرك ونفسيتك ويدمر مستقبلك لا سمح الله..

اللي مثله ما يحب يشوف الناس في خير .. يأذي نفسه وأقرب الناس له
وانتِ تقولين يعلم أولادك الكذب وأشياء سيئة .. وهم أطفال بترسخ فيهم هذي الامور
مدام قدوتهم هو اللي معلمهم.. هو بالضبط اللي تعلمه من أهله بينقله لأولاده
روح .. ربي سخر لك ان الصك يكون معاك وهذا شئ ما يحصل الا لما شاف القاضي
كمية الاذى اللي تعرضتي لها وتكون زي إبراء ذمة من القاضي ومنك انكم أعطيتوه فرص كافية لإصلاح حاله
وهو اللي ما استفاد ولا قدر ولا خاف الله في نفسه ولا فيك ولا في اولاده

انتِ قويه ماشاء الله وتعلمتي من كل التجارب اللي مريتي فيها معاه ومع الحياة كلها
استخيري ونفذي بدون تأجيل روحي المحكمة بدون مايدري...
عشان مايجهز اكاذيب جديدة ويستعطفك فيها .. من رحمة ربي ان الصك معاك عشان
ما تتعبين في قضايا ومحاكم من جديد في طلاق ولا خلع

خلصي أمورك بهدوء وبكتمان .. ولا تتواصلين معاه حتى لوحاول ..
قولي له كل شي انتهى وانت اخترت نهايتك معايه بأفعالك ..

الله يفرج همك ويكون معاك..

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

لو القرار بيدي مثلك تركت اللي عندي من زماااااان
نفسيتي هاليومين جداً سيءة ، وما اعتقد اني الشخص المناسب اللي يقدر ينصحك

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

السلام عليكم
يعني ماشاءالله تبارك الله
انسانه مثلك وبعلمك وثقافتك وكمان بكل اللي مرت فيه بحياتها من مصاعب ومن فقد غالين
ومش قادره تطلعيه من مخك
برغم شخصيته والضعف الي فيها وتقولي عنده انفصام عايش بشخصيتين وقادر انه يأثر عليك كل هذا التأثير

يعني شخصيتك هي الاقوى
ليه لحد الان ماقدرتي تحسمي امرك وتعيشي مرتاحه
إِيش العوائق؟
إِيش اللي مسكتك لحد الان
إِيش المخاوف الي مانعتك تقطعي عرق وتسيحي دمه

مش عارفه
احس شخصيتك ماشاء الله متزنه وفاهمه وعندك أسباب كثير تساعدك تطلعيه من مخك بكل سهوله
بس لسا مش عارفه ليه محتاره وواقفه بالطريق مش قادره تكملي مشي

هو يشوفك حرمه يقدر يلعب عليها!!
وهذا اللي جالس يصير حقيقة
لو تدخل رجل ( واحد من اخوانك) رح ينضبط
لكن عني انا ما يمنعني اطلعه من حياتي الا شي واحد الدكتوراة
متاكدة اخوك بيروح معك
لا تعقدين امال كثيرة على الغير
محترة منه الحين ............... ، بيتعدل لان نوعيته يخاف
بس لا تحرقين كرته قبل الدكتوراة

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.