ماقصر ابوك ورايته بيضاء وكان مايبيك ترجعي له المره السابقه وانتي قررتي وتحملي قرارك بصراحه وصل لمرحله خطيره من الحقد الله يشفيه بس يشوفك معصبه يضحك بشكل هستيري لانه استفزك ويااختي دامك عارفه انه كذا وبس يبي يكسر مجاديفك ليش تتركي الوظيفه عشانه الله المستعان
مدري شقولك بس اتمنى يوم اشوف لك موضوع انك سعيده بس مع هالشخص مااظن الا ان يشاء الله ادعي الله واكثري من الاستغفار ولاحول ولاقوة الا بالله
وتذكري كل لحضة الم باجر اذا احتسبتيها لله هذا اللي يهون انك مأجوره ان شاءاالله وهو حسبك الله فيه

__________________
مضى مامضى والله على المقبلات يعين ..! وعسى الله يزينها على القلب لاشانت~

انا اعترف اني غلطت لما رجعت له
ندمت عدد شعر راسي
توقعت بيعوضني وبيعرف قيمتي
لقيته مرجعني للانتقام بس
حاقد ليه طلبت الطلاق لما ضربني
مريض ومضطرب نفسيا
رجعتي له فعلا كسرت والدي
وصار حتى مايحب يجلس معي
ويسولف معي بتحفظ
لان الهم ينطق بوجهي
قلبي مكسور الله يحرق قلبه

وفعلا سعادته لما فلتت اعصابي
مخليتني اتعجب !!!
هذا اللي يتمناه.. علاقة شوارعية
سب ولعن وتهجم وقلة ادب
طبعا انا لي 7 شهور متحمله
وسااااااااكته
حتى انتم مالي عين اكتب لكم شي
اقول لنفسي انتي اللي جبتيه لنفسك
بس امس فقدت اعصابي
لما قال ابوك جزمه رميت بوجهه النعله
جلس يصفق
وراح نام بالمجلس
وعمل لي حظر بكل وسائل التواصل
واليوم رجع من الدوام مروق
يبوس عياله ويناظرني من فوق لتحت
عايش الدور هالتافه


لكن بقائي معه مسألة وقت لا اكثر
دعواتكم اخواني واخواتي

قلبي معك
وانتي من البدايه حطيتي الطلاق مش حل ولا خيار لك
فمافي شي نقدر نقوله
ولا ابوك
ولا المستشار
عليك بالصبر
بحث عن وظيفه
انشغلي بنفسك
واكثري دعاء

العمر يمشي محد بينفعك اذا خسرتي صحتك

ورقة ابوك وخسرتيها.. وظيفتك وخسرتيها.. صحتك بالطريق الله لايجيب الشر


تشكين لاهله تتوقعين بيوقفون معاك ضد ولدهم؟؟؟؟!!! ان تركتيه هم اللي بيخطبون له تراه من دمهم وانتي بنت الناس

ابوك اذا مانتي راجية منه موقف لاتغثينه وتضيقين صدره وتحكين له عالفاضي ترا يشيل همك حتى لو ماحكى

الله يكون بعونك

__________________

اختلافي عنك لا يعني اختلافي معك

الله يكون في عوني و عونك ....

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الآن روحي افتحي جداره وقدمي على الوظائف الإدارية

.................ز

ولما تستقلين ماديًا وتحصلين لك وظيفة تعزك بتتخلصين من الضعف ، وبتنفتح امامك جميع الحلول واولهم عيالك بيمديك تسجلينهم بمدارس وقت طويل
الان الفرصة قدامك ، اغلب الاماكن فاتحين التسجيل ع وظائف .. سجلي بكل مكان بالمملكة لا تتركين اي وظيفة ماتقدمين عليها حتى لو بسجون ..

الجامعات برضو فاتحين التسجيل ع وظائف .. ابحثي وراسلي الشركات

اما بخصوص زوجك اسفهيه وحطي هدفك امامك ( استقلالك المادي ) وخليه هو يحوس بمعاركه نصيحه لاتدخلين معاه ..

وابوك قد يكون ضايق صدره عليك وما بيده حيله ، فرجاء خلك قوية وتظاهري بالقوة امام اهلك .

__________________
سبحان الله وبحمده ، سبحان الله العظيم

__________________
يا رب خاتمة حســنة ، وزلفى ، وحسن مآب ..

ما شاء الله لا قوة الا بالله
ردك يا غادة في صميم الصميم
جزاش الله خير .. امين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

بعض الردود ابكتني
لانها صادقة جدا
صديقاتي ماشاء الله اكثر استقرار مني
وكلهم موظفات وترقوا وتطوروا
وانا ضاع عمري اصد هجمات هالمريض
ما ادري اذا يمديني اعوض
قدمت الصبح بجداره
رغم اني مالقيت الا 3 وظائف متاحه
وكلها خارج منطقتي.. لكن قدمت

انا اخطط جديا لاخراج هالرجل من حياتي
جالسه اقدم بكذا جهة الان
رضى والا مارضى
هذا كان شرطي من بدايه زواجنا
انا من تنازلت له.. انا غلطانه وبصحح غلطي


الاطفال مضيقين صدري
حاسه بيضيعون.. معي او معه
لكن ابوهم السبب مو انا
بحاول اعطيهم كل اللي اقدر عليه


اهلي مالي عين افتح فمي عندهم
واصلا حاسين وساكتين
غلطه عمري رجعت لهالمريض
لكن يارب عوضني خير يا رب يا رب