بالنسبة لي ماعاد تسبب الامور المادية اي مشكلة .. ريحت راسي من هالموضوع لاني قلت له بالحرف انا ومالي امانة عندك وربي هو اللي بيحاسبك .. والشهادة لله ماياخذ شي من فلوسي لنفسه ابد .. بس اللي قهرني ليش يحاسبني على فلوسي اسحبها إن شاءالله احرقها مايعنيه..

بعدين إن طلبت البطاقة الحين بتتعقد المشكلة اكثر .. وهو بيحتاج الفلوس في البناء .. هي فيها المبلغ اللي يكفي البناء .. إذا خلصت على بيتي خلي البطاقة معه ماعاد تهم

ومتى يخلص البناء

مبدئيا بعد شهر

اول شي شو سبب الخلاف بينكم..
هل انتوا على هالوضع قبل حملك وانجابك للاولاد..
لازم تعرفي سبب غضب زوجك لانه مافيه شي بدون سبب...
هل انتي من الناس اللي يعاير زوجه ..يمكن عنده احساس بالنقص..لانه انتي اللي بنيتي البيت وهو راح يسكن ويكون زوج الست..فقاعد يراويك انه لسه هو رجال البيت...
لاتمسين كرامة زوجك باي كلمة...اول شي اكيد هو مو كله سلبيات بعدين وجود الاطفال يستدعي منكم انتوا الاثنين انكم تبذلون جهد في اصلاح الزواج..
واهم نقطه اعرفي وين السبب في غضبه

فعلا احس انه يشعر بالنقص لذلك يبي يحسسني برجولته عن طريق كلامه والتنقيص مني وتحطيمي .. هو اسطوانته اللي دايم صدعني فيها إني مااحترمه كزوج .. وانا يعلم الله ماأسوي شي الا بشوره ..

رغم إني أحبه وله مكانة عالية بقلبي بس ماني قادرة اتحمل وانسى تجريحه لي .. لدرجة حتى اخواني ماسلمو منه .. يقول أتاريكك كلكم ياأولاد فلان كذا .. لاحول ولاقوة إلا بالله

ودي اتعامل معه بأسلوب يخليه يتراجع ويعتذر وماعاد يكرر هالشي بس ماني عارفة كيف .. دلوني جزاكم الله خير

بالنسبه للبطاقه إذا بنكك الراجحي طلعي بطاقه إئتمانية من مباشر ويرسلونها لك لباب بيتك
وصيري ادخلي المباشر وحولي لها كل مابغيتي مبلغ إلى ماتخلصون البناء واسترجعي بطاقتك
أو العكس تكون معك بطاقتك الأساسيه ومعه البطاقة الإئتمانية


وأما بقية مشاكلك فهي تصير في كل بيت
وترا الهرمونات بعد ولاده التوأم تلعب لعب ونفسيتك تصير حساسه جدا مع المسؤوليه المضاعفة فإهدأي كل شي سيكون بخير

ليش اخترتي هذا العنوان؟؟
ايش الاسباب خلتك تفكري كذا

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

انتي ليه حاطة دوبكً دوب كلامه و تتحسسين
خلاص طنشي هو ابو عيالك وتحمليه حسن كلامه ما حسنه بكيفه
انشغلي باطفالك وعيشي احلى ايامهم ما بتتكرر
لا تشتكين من تعبهم ابدا
قومي بعملك معهم وانتي بغاية الاستمتاع
اصرفي نظرك عنه وعطيه حقوقه شكر او ماشكر
الا اذا كان ياخذ فلوسك
ويمنعك عنها
هنا يحق لك تزعلين بصراحة و ما الومك
وقلتها لك كثير احسك مقصره جدا بشأن نفسك هنا اقول لك اذا عرف السبب بطل العجب
لاتحطين كلامه تحت المجهر دامه مو مسبب لك ضرر او مانع حقوقك
الحياة قصيرة و تمتعي بشبابك حتى نفسيتك تنبسط اصلا