ايش الحل مع زوجي

لي ثلاث اشهر متزوجة من واحد ما يقدر شي اسمه زواج يحسب بنات الناس للتجربه وبس اول الزواج قالي اذا ما نفعت الحرمه تروح بيت اهلها وبدالها حرمه

تخيلوا بنصف رمضان طلب مني البس عبايتي واروح عند اهلي وخلاص ننفصل عن بعض والسبب تافه جدا جدا جدا ومو انا المخطئة هو شريك معاي بالخطا بسبب برودة وعدم احساسه بالمسئولية والغلط كان بالأكل تخيلوا


ثاني مرة يقولي انا مستحيل اكمل حياتي معاك وانت كذا بشغل البيت يبغى كل شي يلمع مع اني حامل وتعبانه يادوبني اطبخ واغسل واكوي وانظف تنظيف سريع معقوله يفكر بالطلاق علشان حبتين غبار وكمان انا حامل ما يقدر تعب الاشهر الاولى وما يبغاني اجيب شغالة اهلي تساعدني بيتي فله وكبير واتعب فيه

انا متفانيه معاه بكل شي لكن من كثر انتقاده صرت ما اعرف اطبخ له بعد ما كنت طباخة الحين اذا دخلت المطبخ اتردد وشوي ازود الماء وشوي ازود الملح لاني عارفه انه بينتقد بعد ما كنت اطبخ عند اهلي من غير ما اذوق من حسن طبخي

تخيلوا مرتين يطلب مني بنص الليل اقوم والبس عبايتي لكن ارفض بحجة اني ما ابغى اهلي ينفجعوا بنص الليل لانهم يحسون اني عايشة احلى عيشة معاه لانه هو منافق يعاملني عندهم بحب واحترام وحركات

وبالبيت قسوة كأننا أعداء

احس حياتي معاه على خيط شوي ويقطع قلت معقول تفكر بالطلاق علشان اسباب تافهه يقول اصلا اللي تتهاون بأشياء بسيطة تسوي اشياء أعظم بالله عليكم هذا تفكير

امس يقولي انت سيئة الخلق ليش قال ما تعرفين تتعاملين معاي قلت له من يوم جيت من اهلي قصرت معاك بشي قالي بالله عليك من متى ما نظفت السطح عمركم شايفين وحده سيئة الخلق لأنها ما نظفت السطح لأنها تعبانه

خلاص تعبت معاه صرت اعامله مثل الجدار يتكلم وينتقد ما ارد اعليه اسوي الواجب علي وما انتظر منه شي ويعصب يبغاني اسولف واضحك من وين لي نفس اضحج واسولف معاه بالله عليكم

الله يعينك أختي
زوجك شكله عصبي جدا جدا
و يعصب على أشياء اقل من تافهة
كان الله في عونك
معليش أختي .إذا كان تعصيبه و كلامه عن الطلاق أهون عليه
و مو راضي يتفاهم معك
لازم تدخلي وسيط..أبوك و أبوه او اي احد صالح من قرابتكم

يعني ماشاء الله عليك ’طبخ و تنظيف و عناية و لسة بأول أشهر
عتبي عليك حملك المبكر و الحمد لله على كل حال ,,
سؤالي:
ألا يشعر بالخوف عليك و انت حامل ,, من التعب
ألا يتأثر بحزنك أو دلعك بحيث تقدري تستخدمي هالشي سلاح للتفاهم معه

اشتغلي بوجوده علشان يشوف شكثر الشغل متعب
واطلبي منه المساعدة

والطلاق اعتقد لو توقفين معاه وقفة جد بهالموضوع علشان يترك هالتهديد السخيف


والسطح والحوش الله لايهينه يجيب عامل ينظفهن

عموما تراه طاف بالبداية
كثير منهم كذا
بعدين بإذن الله يخف

الحمدلله على نعمة العقل..
سبحان الله هذا رجل ولا طفل !!!

__________________

((لا إلــــــه الا أنت سبحانك إني كنت من الظالمين))

لازم تنفذين تهديده وتطلعين بنص الليل وتروحين لاهلك ..... ينفجعون مرة ويتادب ولاتموتين انتي من كثر الفجعات ....

هذا ملخبط الاخ يحسب انه متزوج شعاله .... انا مااحرضك عليه لكن فعلا فقع مرارتي ....
انا ما انكر ان بعض الازواج ان شافوا اهمال اوتقصير في البيت لازم ينبهون زوجاتهم عليه .... لكن في نفس الوقت الطلاق وتبديل الزوجات مولعبه .... وموعشان انبهها اروح اطلقهها ... وانتي ماشاء الله مبين من كلامك مومقصرة ....

شوفي اختي هو لانك ساكته يحسب تهديده مخوفك ....اهلك هم سندك .... نفذي تهديده وشوفي ردة فعله .... ترى الانسان اللي ناوي على شئ مايهدد فيه كل شوي ..... جربي وروحي لاهلك تراكي موخسرانه شي ....

هذا يحب يفرض شخصيته من اول الزواج بس فهم الشىء غلط يفرض شخصيته باشياء خطأ حاولي تجارينه وحاولي كلما قال شىء او انتقدك قولي ترضى هالشىء وخاف ربك واذكري من ذكر الله في كل كلام لك عشان يعرف انه الله حق

تدرين هالنوعيات من الرجال الي نافخين نفسهم على قلة سنع والمنافقين

اصحاب مية وجه أكرههم واتمنى ينمحون من الوجود .. بس مستحيل

شلون الواحد يعرف الطيب إذا ما شاف السيء

شفتي رجال عنده فلوس وعيشك في فله بس اخلاق زيروووووووووو وش استفدتي

عرفتوا أن الفلوس ما تجيب السعادة

سمعي يا قلبي انتي حياتك معاه على حافة الانهيار .. وانتي صابرة عشانكم بأول زواجكم

وعندك طاقة لتحمل بكرة طاقتك تخلص وتنفجرين .. وحياتكم راح تنتهي

أنا أعرف وحدة زوجها يشبه زوجك انفصلت بعد 15 سنة زواج

وانجبت أبناء أكبرهم في الثانوية الحين .. لكن سمعته صارت مو شي ولا ابي ادخل في التفاصيل

دايماً يهددها وتعليقات وعصبيه وسخف .. صبرت صبرت لين نفذ صبرها

يا انك تشتكين لأهلك يمكن تتعدل حياتك يا .....

وبصراحه زوجك مراح تعدله الا الدنيا بمصايبها وتخبطه كم خبطه على راسه تكسر الكبر الي فيه

عشان يتعلم أن الدنيا ما تمشي على هواه وأن خلق الله لهم حقوق عليه لازم يراعيها

الاوادم مو حشرات عنده عشان بس يدور الاخطاء دواره ..

ما يخاف من الله هذا..

أمر الله اذا جاء بعد الواحد يتمنى يموت ولا يشوف الخزي والذل من ورا اعماله الشريرة واحتقاره للناس

لكن انتي حاولي

دعواتنا بصلاح احوالكم والله يعينك على ما ابتلاكِ

__________________

الله يعينك يارب يارب يارب

ادعي في آخر الليل

أختي شخصية زوجك غريبة في الأزدواج في تعامله معك

تأكدي انه لايتلقى ضغوط من الخارج

وتناقشي معه بهدوء وانتقدي دايم فتح موضوع الطلاق

وانه تفكير سلبي جدا وهو انسان متعلم

وقولي له العكس يعني اذا انت قصرت بشي بأروح لأهلي ع طول


ادرسي اكثر شخصية زوجك ولاتيأسي

__________________

سبحان الله العلي العظيم


وش ذا البلوى !


كان الله في عونـــك . وش هالعله . اجل السطح مانظفتيه صرتي سئيه خلق . يارب لطفك .


وش لون لو طلبتي خادمــــــــه ؟ اجل وش يقول اكيد !

كان الله في عونك ...كان الله في عونك .... وعسى الله يهديه ويصلح قلبه .

بعض العالم يحسب الرجوله بهذا الشكل ,

يارجال ياكرام زوجتك نصفك الآخــــــــر بمعنى نصف قلبك وروحك وعينك وفؤادك وكلك بااختصار ...... هذا هو المفروض

زوجتك ليسة عدوك فهي سترك وغطاك ...يارجل

عاملها بهذا الشكل واكتشف النتيجه ..... شطحت من القهر عن موضوع اختي الكريمه

ولا املك الا الدعــــاء بان الله يصلح قلب زوجك ويهديه .

الصراحة انتي في بداية حياتك وامامك مشوار طويل جدا ضعي الحوار الهادئ اساس بيتك وامور تافهة مثل هذا لا تنبع من رجل يريد تأسيس بيت صالح

واجهيه اذا جلس هادئ وعبري ما تحتاجينه منه ووضحي له انك جزء منه وهو جزء منك وان امور مثل هذه لا تستدعي جر المشاكل وتهديد بالانفصال

واستعيني بالله بالدعاء والاستغفار واذا زاد الامر عن حده كلمي احد حكيم من اهلكم

اعانك الله وفرج كربتك وسخر زوجك لك