كم نفقة الولد ؟ - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

إضافة رد
قديم 20-11-2016, 03:11 AM
  #1
مشاعر مكبوته 14
عضو دائم
تاريخ التسجيل: Sep 2016
المشاركات: 63
مشاعر مكبوته 14 غير متصل  
كم نفقة الولد ؟

السلام عليكم ورحمة الله
انا انتهت عدتي لكن طليقي ماخلص صك الطلاق كلمت اخوي يتصل فيه ويطلب منه يخلصه اتصل فيه وقال الاسبوع الجاي اخلصه انا بصراحة نيتي ابي الصك عشان ارفع عليه قضية نفقه انا عندي طفل لسى عمره 6 شهور فترة العدة ابوه يحول له 500 ريال شهريا بصراحة انا اشوفها ماتكفيه يعني البامبرز والحليب تقريبا 350 شهريا هذا غير متطلبات كثيرة احيانا اضطر أودية مستشفى خاص او اغراض من الصيدلية تعرفون الأطفال ومستلزماتهم غير الملابس اللي ما عمري شريت من 500 شي لانها ماتغطي .. جاء الشتاء والبيبي اصلا ناقصه اشياء كثيرة ( اهلي مايقصرون بس استححي مرره والله ماودي اخذ منهم له يكفي انا ومصروفي ) المهم امي تقول لا ترفعين قضية ولا شي انتي ماتستحين 500 تكفي ولدك والقاضي ماراح يحكم لك ب اكثر بالعكس يمكن تنقص
رحت ابحث بالنت قريت ان النفقة ع حسب وضع الاب المادي أبوه راتبه بحدود 10 الاف بيته ملك ماعنده اجار بس عليه اقساط وعنده حلال أبل يشتغل فيها هو مره راتبه يروح ع الابل ف انا اشوف ولده احق من ---
عموما اللي يقدر يفيدني كم نفقة الولد ؟
ارفع قضية ولا اسمع كلام امي ؟

التعديل الأخير تم بواسطة ويبقى الحنين ; 20-11-2016 الساعة 06:13 AM
رد مع اقتباس
قديم 20-11-2016, 08:21 AM
  #2
الـــوحيد
عضو نشيط جدا
 الصورة الرمزية الـــوحيد
تاريخ التسجيل: Sep 2014
المشاركات: 2,512
الـــوحيد غير متصل  
رد: كم نفقة الولد ؟

اول شي يكلم ابو الولد مره ومرتين واذا مانفع هذيك الساعه روحي اشتكي

اما عن مبلغ النفقه فـ يختلف على حسب الراتب والدخل والمصاريف والديون
ولكن بصراحه 500 اشوفها مناسبه

التعديل الأخير تم بواسطة ويبقى الحنين ; 20-11-2016 الساعة 07:48 PM
رد مع اقتباس
قديم 20-11-2016, 09:04 AM
  #3
المتواضع305
قلم وفي
 الصورة الرمزية المتواضع305
تاريخ التسجيل: May 2008
المشاركات: 1,187
المتواضع305 غير متصل  
رد: كم نفقة الولد ؟

انا طليقتي احول لها مصرف العيال 5 الاف ريال وموفر لها سكن وسياره وفوق هذا رافعه علي 4 قضايا الله يهديها ويكفيني شر من فيه شر...!
__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي
رد مع اقتباس
قديم 20-11-2016, 10:00 AM
  #4
مشاعر مكبوته 14
عضو دائم
تاريخ التسجيل: Sep 2016
المشاركات: 63
مشاعر مكبوته 14 غير متصل  
رد: كم نفقة الولد ؟

اقتباس:
المشاركة الأصلية كتبت بواسطة الـــوحيد مشاهدة المشاركة
اول شي يكلم ابو الولد مره ومرتين واذا مانفع هذيك الساعه روحي اشتكي

اما عن مبلغ النفقه فـ يختلف على حسب الراتب والدخل والمصاريف والديون
ولكن بصراحه 500 اشوفها مناسبه
شايف أسعار الحليب ؟ أسعار البامبرز؟ الملابس ؟ العلاج ؟
والقضية انا ابي المصروف ينزل دايركت ويكون اكثر من هالمبلغ لان ابوه مايرسله ع طول وايضاً المبلغ مايسوي شي وهو ملزوم يصرف على ولده

التعديل الأخير تم بواسطة ويبقى الحنين ; 20-11-2016 الساعة 07:49 PM
رد مع اقتباس
قديم 20-11-2016, 10:04 AM
  #5
المتواضع305
قلم وفي
 الصورة الرمزية المتواضع305
تاريخ التسجيل: May 2008
المشاركات: 1,187
المتواضع305 غير متصل  
رد: كم نفقة الولد ؟

المفروض الاب يتكفل بالحليب وحفظات الولد بحيث يشتري لولده مايكفيه حق شهر شهرين ، ويمشي ال 500 ريال كما هي شهرياً عبر استقطاع او اونلاين بالهاتف النقال هذا المفروض الي يحصل ، اشوف انك تكلمونه يزيد المبلغ ل 700 ريال او يتكفل بحليب الولد
__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي
رد مع اقتباس
قديم 20-11-2016, 10:06 AM
  #6
Lofty
المشرف المميز
 الصورة الرمزية Lofty
تاريخ التسجيل: Dec 2015
المشاركات: 6,283
Lofty غير متصل  
رد: كم نفقة الولد ؟

كان الله في عونك ....
ارى ان تجتهدي في هذه الحياة و تبحثي عن عمل ...!
لم و لن تكتمل الحياة لاحد !
__________________
أشهد أن لا إله إلا الله و أشهد أن محمدا رسول الله صلى الله عليه و سلم
رد مع اقتباس
قديم 20-11-2016, 10:19 AM
  #7
شاطى الراحة
عضو نشيط جدا
 الصورة الرمزية شاطى الراحة
تاريخ التسجيل: Apr 2015
المشاركات: 3,671
شاطى الراحة غير متصل  
رد: كم نفقة الولد ؟

بدل ما انتي تسعين للمحاكم والشكاوي وطلايب
خلي اخوك يكلمة لصلح فصلح خير لك ولة وللولد
ودائما في قضايا الطلاق المراة هي الخاسر الاكبر والضحايا هم الابناء
طبعا اذا استثنينا صاحب المخدارات والخيانات والضرب المتكرر
وتارك الصلاة والاصرار على ذلك مع المناصحة هنا انا مع المرأة
بطلاق لانها اسباب قوية لاتجعل الحياة الزوجية مستقرة غير ذلك
كلها خرابيط وكرامة حريم على غير سنع
__________________
سبحان الله وبحمده سبحان الله العظيم
رد مع اقتباس
قديم 20-11-2016, 03:23 PM
  #8
مشاعر مكبوته 14
عضو دائم
تاريخ التسجيل: Sep 2016
المشاركات: 63
مشاعر مكبوته 14 غير متصل  
رد: كم نفقة الولد ؟

اقتباس:
المشاركة الأصلية كتبت بواسطة Lofty مشاهدة المشاركة
كان الله في عونك ....
ارى ان تجتهدي في هذه الحياة و تبحثي عن عمل ...!
لم و لن تكتمل الحياة لاحد !
انا لسى طالبة وهذا اخر سمستر لي بالجامعة إن شاء اتخرج وابحث عن وظيفة
رد مع اقتباس
قديم 20-11-2016, 03:29 PM
  #9
مشاعر مكبوته 14
عضو دائم
تاريخ التسجيل: Sep 2016
المشاركات: 63
مشاعر مكبوته 14 غير متصل  
رد: كم نفقة الولد ؟

اقتباس:
المشاركة الأصلية كتبت بواسطة شاطى الراحة مشاهدة المشاركة
بدل ما انتي تسعين للمحاكم والشكاوي وطلايب
خلي اخوك يكلمة لصلح فصلح خير لك ولة وللولد
ودائما في قضايا الطلاق المراة هي الخاسر الاكبر والضحايا هم الابناء
طبعا اذا استثنينا صاحب المخدارات والخيانات والضرب المتكرر
وتارك الصلاة والاصرار على ذلك مع المناصحة هنا انا مع المرأة
بطلاق لانها اسباب قوية لاتجعل الحياة الزوجية مستقرة غير ذلك
كلها خرابيط وكرامة حريم على غير سنع
ماعندك خلفية عن الطلاق وسببه عشان تقولين تسعين للمحاكم والشكاوي والطلايب هالكلام فقط لاني ابيه يصرف على ولده؟ سؤال بسيط ليش دائما المرأه هي المذنبه ؟ عموما سؤالي كان واضح عن حق الولد ونفقته لا اكثر .. هل من العدل ان هو ينجب ويرمي طفله وامي الأرملة كبيرة السن او اخواني اللي كل واحد منهم عندة اطفال وزوجة والتزامات يصروفون على ولده ؟
رد مع اقتباس
قديم 20-11-2016, 03:36 PM
  #10
مشاعر مكبوته 14
عضو دائم
تاريخ التسجيل: Sep 2016
المشاركات: 63
مشاعر مكبوته 14 غير متصل  
رد: كم نفقة الولد ؟

اقتباس:
المشاركة الأصلية كتبت بواسطة المتواضع305 مشاهدة المشاركة
المفروض الاب يتكفل بالحليب وحفظات الولد بحيث يشتري لولده مايكفيه حق شهر شهرين ، ويمشي ال 500 ريال كما هي شهرياً عبر استقطاع او اونلاين بالهاتف النقال هذا المفروض الي يحصل ، اشوف انك تكلمونه يزيد المبلغ ل 700 ريال او يتكفل بحليب الولد
بصراحة الله يجزاك خير حل ممتاز ولا فكرة فيه لو افتك من الحليب والبامبرز بتكفي الولد 500 براحة .. قلت ل امي تكلمة وتقول له هالكلام
بس ماادري تتصل الحين ولا بعد مايرسل صك الطلاق؟
امممم وفية مشكلة ثانية اخواني اثنين الكبير مره مشغول وبارد نوعا ما يعني لما اقول كلمة يرسل اغراضي يجلس اسبوعين مااتصل ينسى ويقول ماعليك اجيب لك غيرهم او يتصل ويتكلم
عادي جدا اخوي الثاني يقول مستحيل اكلمه لاني لو كلمته بتهاوش معاه خلي فلان يكلمة يقصد اخوي الكبير البارد .. افكر امي هي اللي تكلمة امي افضل منهم كلهم واحد حار بزيادة والثاني بارد .. فيها شي لو امي هي اللي تكلمة عن المصروف؟
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:08 PM.


images