السلام عليكم ورحمة الله وبركاته
انا من متابعات موقعكم اسأل الله ان ينفع بكم

مشكلتي تخص حياتي مع زوجي والمسكن !

انا متزوجه لي ثلاث سنوات وعندي طفله ومشكلتي الشقه اللي انا ساكنه فيها من اول يوم دخلت فيها تضايقت منها نفسياً وهي قديمه اصلن
وماارتحت فيها علماً اني صبرت ثلاث سنين
فيها وانا اطلب زوجي يغيرها واقتنع اخيرا ف لقينا شقه جديده
ونوينا ننتقل فيها وام زوجي ساكنه بعماره ثانيه بس قريبه من شقتنا الحاليه
والشقه الجديده بحي ثاني بس مهي بعيده المهم
ام زوجي لمن قالها زوجي راح ننقل عصبت وصارت تدعي على زوجي
وعليه وعلى بنتي وتدعي دعا يخوف ودعت علينا بالحوادث وبالموت
وانا قلت مالها حق تدعي ولا لها حق تمنعني انتقل بشقه ارتاح فيها
وصارت تتكلم فيني وتقول بتتركوني لحالي وهي مو لحالها معها ولد اعزب ساكن معها
وهي بالاصل مطلقه
وزعلت منا وانا نفسيتي تعبت من هالحاله طلبت زوجي يستاجر لها معنا وزوجي مايقدر
يستاجر شقتين وعليه قرض وهي رافضه ان اخوه يساعده
انا والله نفسيتي صارت زفت من ذا الشقه اللي يبي لها ترميم من جديد
زوجي طفش يبي ينقل وهي واقفه لنا دعاوي كبر الجبال

افيدوني هل هي على حق يوم تدعي وش تشوفون التصرف السليم

انا والله تعبت من النفسيه والزعل والطفش صارت حياتي كلها كذا
هل ننتقل من ذا الشقه حتى لو مارضيت والا اش اسوي ؟؟💔