حبيبتي mimomea ربي يسعدك ماقصرتي ..
اللي صار لما جا ..

كان عاقد النااااظر و وجهه مايتفسر وانا كنت البس البنت وماطالعت فيه ولا كلمته لان عيونه شرار .. و البنت فرحت بشوفته وكانت تسولف وتحرك ايديها تبيه يشيلها .. ماشالها .. بدل ملابسه وانسدح وانا كملت شغلي ببنتي ونومتها وانسدحت وكنت ع جوالي و هو ع جواله وكان يتابع هدف وبعدها تحمس وكان بيقول تعالي شوفي >> لان يعرفني لي بالكوره واحب اتابع و اشجع و الخ بس منع نفسه وانا لاشعوريا طليت معه هههههههه وفهييت لما قربت عنده لاشعوريا بسته وقلت انا اسفه < لأني احبه اضعف قدامه والله > قاللي بسيطه حصل خير قلت يعني سامحتني قال ايه وبعدها جلس يلوم علي وقال مادريت انك بتروحين مشي حسبتك بتتصلين ع اهلك لو ادري كان ماخليتك عشان البنت برد عليها والخ .. وقال ان اهله دروا لان اخوانه صغار شافوني وقالوا لاهلهم شفنا فلانه طلعت تبكي و وصلها اخونا والخ وسألوه قالهم امور تافهه وماقالهم شي .. وبعدها قال اللي زعلني بعد رفع صوتك و كلامك قليل الادب كيف طلع منك اول مره اسمعه ماتوقعتك تقولين كذا < قلت له غلطت وحتى استغفرت لان قذفتها بدون قصد > قال طيب حلفت انك ماترجعين لازم اكفر قلت اي عادي 3 ايام .. المهم قال لي لوووو لي عللاقه كان اوريك ؟ لو كنت العب كان اعترف لك؟ وعندي محادثتها من اول ماضفتها تبين تشوفين قلت لا لأن واثقه بس غرت مو بيدي .. المهم شوية دلع مع عتب وكذا تصالحنا وصارت ليله حلوه الحمدلله وقاللي بكره بطلع بدري من الدوام ونطلع نتغدا برا ان شاء الله والخ ..
يعني والله فرحت .. لو كان هو غلطان 100% كان مارجعت بس لما شفت الاراء منكم ومن الاهل وجلست افكر طلعت غلطانه لانه كان يبي يشوف غيرتي وكان يضحك ويستفزني وانا اللي زودتها معاه وغلطت وسبيت وطلعت .. الحمدلله الحين تصالحنا وكأن شيء لم يكن والفضل لله ثم لكم الله يسعدكم يارب ويحقق لكل عضو مبتغاه

الحمدلله إنها عدت على خير .. ربنا يسعدكم ويوفقكم
أختي الكريمة للتنبيه فقط
إطعام عشرة مساكين هي كفارة اليمين .. أما الصيام فهو آخر شيء إذا تعذر الإطعام أو الكسوة أو عتق الرقبة
طبعاً لا أفتي بذلك .. لكن هذا ما نسمعه من الشيوخ .. وأنصحك بالبحث أيضاً
بالتوفيق.

__________________

اهاا شكرررررا للتنبيه وجزااك الله خير يارب

قرارك عين العقل .. بتوفيق يارب

__________________
سبحان الله وبحمده سبحان الله العظيم

ريتاج انتبهي مره ثانيه تطلعين من بيتك مهما كان حجم
المشكله الواضح انك ماراح تتحملين بعده وانتي اللي
بتتنازلين في النهايه وهذا مهوب حلو بحقك لان الرجال
تطيح من عينه الحرمه اللي ماتعز نفسها
ثاني شي زوجك من النوع اللي بيمزح ويستفز ويذب عليك
بس خليه بيني وبينك بعدها يمشي الموضوع عادي
تدرين اذا هو قالك كلام زي كذا ردي عليه بكلام يفشل
منه وفي المقابل يعجب فيك يمكن لو كان جوبك له
بعد ماقالك ابلاك ولا ابلاكه قلتي مايطاوعك قلبك تبلكني
لانك تحبني واعنيلك وهي عندك ولا شي قلبك مايطاوعك وكل مارد كلمه
ردي عليه باطيب منها مثل زوجك تعجبينه بردودك هذي
لو مابين لك وينقلب استفزازه لك دلع لك اسئلي مجرب
وطبعه ماراح تغيرينه كثير شباب هذا طبعهم يحبون
يستفزون اللي قبالهم ويعجبون باللي يرد عليهم باقوى
منها بس بحدود الادب طبعن
غير كذا زوجك عنيد ماراح يعتذر او يجيك بيت اهلك نفسه
اطول منك صدقيني
وقالوها اخوانا مامصريين من طلع من داره تالي مئداره

زين الحمد لله
و لا تطلعين ثاني مرة
اذا المطلقة تقعد في بيتها فكيف بالزعلانة.

ادري بتفكرون هذي مالها كرامه وهذي وهذي ... بس والله لما فكرت عرفت اني غلطت وقلت لكم هو لو انه متأكد انه غلطان كان منعني اطلع مثل مره لما كنت حامل صار موقف وغلط هو وكنت لابسه عباتي لان بزور اهلي وتهاوشنا قبل نطلع و قلت انا رايحه قال ان وصلتي الباب ياويلك و رحت وصلت ونزلت الدرج قال تكملين خطوه بعد بيكوووون هو طلاقك والله .. وقتها رجعت فوق وجلست ابكي < هو قال كذا لان خاف ان مارجع وكان غلط بحقي بوقت عصبيه > المهم لما روق قلت ليه ماخليتني اروح لاهلي قال خفت ماترجعين قلت بس امي سافرت قال ليه ومتى و وين وليه ماقلتي لي قلت امي قالت لاتعلمون احد وكنت حابه اشوفها قال انا اسف < اوووول مره يقولها > وقال لو يعطوني اجازة باخذك لها والخ ... و مرات اكون ماخذه موقف لسبب تافه يجي يعتذر بطريقه غير مباشره يسولف يمدح او يتحرش فيني او يغيضني بس مستحيل يعتذر لسبب تافه مهما كان .. و المشكله هذي الاغلب لامو علي وحطوا الحق علي حتى اهلي وفكرت لقيت معهم حق

سبحان الله تغيرت اقوالك عنه بعد الرضا
مالمناك على رجعتك بل لمناك على طلعتك كانت غلط و تضعف موقفك 🙂

اي طبعا وقت الزعل مستحيل اذكر له مواقف زينه لان همي مشكلتي الاساسيه اللي صارت .. بس الحين بما ان رضيت خلاص راح الكره المؤقت .. وعلى فكرة علقت ع موضوع الاستطلاع هل تختار نفس شريك حياتك < اخترت نعم وكتبت نععععععممم اكيد ومدحت فيه وقلت مع ان حاليا زعلانه ببيت اهلي والخ .. يعني وانا زعلانه مدحته .. وفيه موضوع اخر يقول ان البعض مايكتب المشكله بالتفصيل بل يخفي بعض الشغلات عشان الحق يكون معه وهذا اللي صار للأسف ومع هذا الكل طلعني غلطانه بس خلاص الحين تعلمت

بالعكس .. المفروض تستحضرين المواقف الطيبة وقت الزعل .. على الأقل بتقدرين تتحكمين في رد فعلج .. وبتقدرين تقيمين الموقف بشكل أفضل .. وهل المشكلة الحالية تستحق زعل كبير وهلّيلة .. والا زوجج له مواقف طيبة تشفع له وتخفف حدة ردة فعلج في المشكلة الحالية.

بعدين الزوجة الذكية هي اللي تنأى بنفسها عن كفران العشير قدر المستطاع .. إذا مب عشان الزوج فعشان رضا رب العالمين.


على كل حال ينحسب لج اعترافج بغلطج وإنج تعلمتي من اللي صار.

موفقة.

__________________


اللهم طِيبَ الأثر .. وحُسْنَ الرحيل.