مساء الخيير ..

عندي سؤال، إش الشيء اللي يخلي واحد يتقدم لوحدة مرة واثنين وثلاثة مع العلم إنه مافيه صلة قرابة بينهم ولا معرفة مسبقة بين العائلتين فقط شافها في النظرة الشرعية وبعدها حصل رفض من طرف أهل العروس ؟

هل تكرار الخطبة شيء عادي عند بعض العوائل لأن هالشيء من سابع المستحيلات في شريعة بعض الناس .. أقصد مستحييل يرجعون لناس رفضوهم ! وإش ممكن يكون سبب إصرارهم ؟!

خلينا نشوف وجهات نظركم .. بحكم إننا من مجتمعات مختلفة ..

ملاحظة :
الموضوع مو شخصي 😇

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

احتمال عجبته و وقعت في قلبه
يعني لقى فيها المواصفات اللي يدور عليها
في ناس كذا ترفض الاستسلام و يحاول مرة و اثنين لعل و عسى تقبل فيه اذا شافت الحاحه عليها

او فيه مصلحة مادية منها

بصراحة مااحب النوعية هذة من الناس
واستغرب الرجال اللي وصل لمرحلة الشوفة الشرعية يعني البنت شافتك وبعدين رفضت خلاص اتركها حتى لو كانت عاجبتك!
احس النوعية ذي ياخذونها تحدي او كسرة خشم
او احتمال انة من زمان وهو يدور عروس وماحد استقبلة
او احتمال يكون عارف انة موب لاقي مثل هالبنت واهلها فيتمسك فيها
المهم انا اشوف هالحركة ماهي حلوة ابد
وانصح البنت اللي يشوفها رجال وترفضة ويرجع يخطب ثانية انها تنتبة من عينة ونفسة
اعرف وحدة خطبها رجال متزوج وعمرها 35 وماشافها رفضتة على طول
تخيلو 5 سنين وهو يكرر الخطبة ! الين وافقت يوم صارت اربعين
اتوقع نفسة كانت فيها من كلام الناس او مدح احد

الدافع الوحيد الذي يمكن أن أتفهمه هو أن يكون بينهما مشاعر.

أما غير ذلك فلا أراه وضعاً طبيعياً!

__________________


اللهم طِيبَ الأثر .. وحُسْنَ الرحيل.

من جد لازم ينتبهون من نفسه هذا نفسه فيها

انا لاا اجد فيها شخصيا

ولكن في مجتمعي مايصير هالشي

بس انا صارت لي مرتين
وحده خطبتني لعيالها الثلاثه الكبير رفضه ابوي وتزوج وبعدها بسنه جات خطبتني لولدها الثاني واهلي رفضوا
وبعدها كمان بسنه خطبتني لولدها الصغير وابوي رفض يستقبل الرجال ابدا ابدا

عرفتي الي نفسها هي ونفس ولدها الاخير لانه عمل المستحيلات
لدرجه كان يصلي بمسجد الحي عشان ابوي يشوفه

ومن بعدهم وحياتي ملخبطه وجلست من بعدهم ارفض كل الخطاب

وفيه واحد كمان خطب وابوي وافق وانا رفضت وسافرنا ولحقنا سافر ورانا 😂😂

ابوي انبسط انه شاريني الرجال وانا كرهت الحركه ورفضت تماما

وانخطبت بعده لشخص قريب من مواصفات الي كنت اتمناها ووافقت وتم كل شي
فجاءه افترقنا قبل الدخله الحمدلله

اقسم بالله اسبوع رجع الخاطب الاول عرفت نفسه فيني ووافقت وتمت النظره والتحاليل وكل شي واتفقنا ع كتب الكتاب
وجهزنا الحفله بس اخر ليله قبل الملكه قمت الليل كله ادعي اذا شر لي يصرفه ويكرهني فيه
اليوم الثاني من طلعة الشمس وبالليل بيكون الملكه
رحت لاابوي وقلت اعتذر للرجل وعائلته اهلي كلهم انصدموا وزعلت امي والشباب اخواني
وفجاءه خالتي اخت امي قابلت الحرمه الي كانت قد خطبتني وقامت تتحسر انه ماوافقت ع احد منهم خالتي عرفت ان نفسهم فييني

وامي اليوم الثاني جابت لي شيخ
قال فيها نفس متعلقه

وانا عارفه انه من الي شافني ومن هذيك العائله وتعالجت 21 يوم فقط
وانخطبت من اربع اشخاص بنفس الاسبوع وماتعبت زي قبل بالعكس اعطيت رايي بكل اريحيه

ووافقت ع زوجي وتم الموضوع بسهوووله

الي يترددون نفسهم معلقه ع البنت تاخذ الخذر

مرحباً أختي

حدثت تكرار الخطبة حسب ما عايشته في حياتي من ناس أعرفهم

بسبب سمعة الأهل العاليه وبسبب السماع عن مواصفات ممتازة جداً عن الفتاة وأنها فرصة لا تعوض والخطاب عليها وياحظ من تكون نصيبه



بارك الله فيك

تنطبق السماء على الارض

ولو يقولون خذها بمهر ريال مارجعت اخطبها

مهما بلغت من الجمال والادب والاخلاق والنسب الرفيع والخلق الحسن

مستحيل ارجع اخطبها

دام تم الرفض من اول


خلاص يعني مو غصب هو اللى وافقوا على المعرس !

وفي النهايه كل واحد بياخذ نصيبه
لو يتقدم لها عشر مرات ربي مو كاتب يكونون نصيب بعض !

أتوقع هذا سبب .. بس معقولة فيه حد يهين نفسه ويخطب كذا مرة بس عشان عجبته ! البلد مليانة من هالمزيونات ماوقفت عليها يعني !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

حتى أنا يا أوراق ما أحب هالصنف من البشر ! أحسهم مزعجين ومن الأخير كذا ماعندهم كرامة !

بس جزء من كلامك يخوف .. نفس كلام جدتي .. تقول ممكن البنت يوقف نصيبها من ورى عينه إذا هو نفسه متعلقة فيها .. يوم سمعت هالكلام منها جاء في بالي إنه هالشيء خزعبلات وكلام فاضي .. بس إنتي وملكة حكيتوا عن هالنقطة يعني ممكن يكون صدق .. البنت تتعرقل حياتها من بعده !!

أعوذ بالله !!

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔