السلام عليكم
عندي موضوع وعجزت افهمه ..عندي خال موظف من 8سنين وعمره تقريبا 28سنه ..أصحابه كلهم تزوجوا الا هو رافض الزواج ..طبعا هو جالس يعمر بيت له ..بس جداني مقتدرين وبيساعدونه في الزواج ..سبب رفضه ماهي الفلوس ولاشي كل مره بعذر اعتذاره تافه جدا ،،جدتي وجدي كبار بالسن ونفسهم يفرحون فيه ..كل ما حاولنا نقنعه نخطب له يرفض ..هو مايكلم بنات ولاشي إنسان محترم ..ما تصدقون كل رجال العائلة حاولت تقنعه بالزواج وهو يأجل الموضوع طبعا كانوا بيخطبون له ذاك اليوم سافر وسحب عليهم بس الحمدلله ماقد كلمنا اهل البنت ..إحساسي انه في شي للرفض ما اعرف ايش هو. .مره يصير مهموم اذا احد كلمه عن الزواج ،،احسه حزين ..بصراحه ما عرفت ايش ممكن يكون سببه للرفض ..أتمنى من الرجال يقولون ليش الرجل ممكن يرفض يتزوج؟ايش الأسباب

على كيفه!

يوم يحس إنه حابب يتزوج بيتزوج.



ومهما كانت وجهة نظركم .. ما توصل إنكم تخطبون له بدون علمه أو موافقته.

هو مب نونو ترا .. والزواج مب بالغصب.

__________________


اللهم طِيبَ الأثر .. وحُسْنَ الرحيل.

هو أكيد الزواج برضاه ..احنا تركناه 8سنين من يوم توظف ماقلنا له شي ..بس هو ساكن مع جدي وجدتي في البيت وحدهم ولايأكل من طبخ الشغالة البيت بس يجي ينام فيه تحسينه مثل الضائع ما يخلي احد يهتم فيه ...نسيت حاجه مهمه ..كان يزعل اذا انخطبنا .،أختي قالها مو لازم تتزوجين ،،وفي يوم زواج خالتي بعد الزواج سافر ومره زعلان بس ماتكلم ،،وليله الزواج مانام بس جالس بالغرفة مقفل ع نفسه الباب ،،

والله ماله داعي
تتضايقوا
خلاص مافيه فكرة زواج براسه هو بكيفه
خلوه بكرا تجي الفكرة ويتزوج

بعدين ترحون تخطبون له مثلا
والرجل مو مقتنع بالزواج
وع قولك يتضايق
اذا سمع احد يتزوج
ماله داعي تَحُطُّون بنات الناس بذمته ثم يطلقها وهم نيتهم يدخلون ع مرحلة الزواج لبناء حياه كويسه
ويستانسون
اقدر ضيق صدركم عليه بس عقده مفروض ماتعالج ببنات الناس

وضع خالك ليس طبيعي معليش أذا كانت الكلمة قوية الشاب الطببعي أذا توفر له كل مايلزم للزواج لن يتأخر دقيقة ولاكن يوجد بعض الشباب يرى أن الزواج هم و ثقل و مسؤولية كبيرة و قد لايتوفق في بنت الحلال فتصبح حياته جحيم خاصة أذا كان شخص حساس (حتى احنا يابنات يوجد عندنا احساس &#128514 وشخص يحسب كل شيء ويحاول أنه مايخطي لا على نفسه ولا على بنت الناس

حالتين لاتخلو منها 1- اما له علاقات مستمتع بيها مقفل الباب على نفسه اتوقع له علاقات 2- مشكله جنسيه يمكن عقم مايجيب اطفال

الخيار الاول مستبعد جداً خالي جداً محترم وما يكلم بنات ومن الناس اللي فيه شهامه ومايرضى ع بنات الناس
الخيار الثاني ما أتوقع ،،كان شرط انه يتزوج وحده ما تنجب وتنتهي السالفة

لا مستحيل نخطب بدون رضاه ..حتى احنا عندنا بنات وما نرضى عليهم ..

ترا بعده مو كبير عشان تقلقون وتلحوون عليه ،،
وتاركينه 8 سنوات عادي بتزوجونه مثلا وعمره 20 ولا 22 !!

اذا فيه شي يستغرب هو زعله اذا ان خطبت وحده فيكم ،،
ممكن شخص مقرب له يناقشه ويفهم منه ليش وايش يضايقه فالموضوع ،،
وان شاء الله مافيه شي بس حاب يخلص أموره ويكون مستعد للزواج ،،

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]