والله لو احكيلك عن خالتي وعمتي لتحمدي الله وتشكريه على كل شي
خالتي اصغر مني جابت اول بنت متل الملاك بس صار عمرها سنة اتوفت من دون سبب
رجعت حملت وجابت تاني بنت عالتلات سنين قامت البنت طلبت تشرب وشربت ماي عالفجر والصبح لقتها خالتي متوفية
رجعت جابت صبي والحمد لله صار عمره سبع سنين الله يحميلها ياه ومن بعد الصبي جابت بنت كمان عال2ونص اتوفت ومن دون اسباب
ومن سنة جابت طفلة متل القمر يا رب يحميلها ياها ويقر عينها بشوفتها
اما عمتي من عمري جابت اول بنت عالشهر السادس قلها الطبيب الراس معبي ماي بس ولدتها اتوفت بعد كم ساعة
رجعت حملت ببنت تانية ونفس الشي صار
وعملت فحوصات وتحاليل وارسلتهن على فرنسا كلهن يقولولها كلهن سليمين
وما عادت حملت وصارت تعمل اطفال انابيب ما يزبطوا معها من بعد اربع سنين من وفاة بناتها حملت طبيعي وجابت بنت طبيعية
وبعد ست اشهر عالرضاعة حملت وجابت بنت كمان طبيعية بس وقت الولادة كانت المشيمة معلقة بالرحم اضطروا يشيلولها الرحم وهي عمرها 29
والحمدلله على كل شي
عايشة حياتها هلئ وبتحمد الله وبتشكره على هالبنتين اللي رزقها ياهن من بعد معاناة وعذاب
اقسم بالله انا انهار عن عمتي وخالتي
بس ربنا اعطاهن القوة والصبر
يا رب الطف بجميع عبادك