السلام عليكم

اتمنى تساعدوني وللعلم انها اول مشاركه لي لاني والله مدري ايش بسوي

زوجي يحبني ومدلعني ومايبخل علي بشي واذا زعلت يراضيني ومو مقصر معي الحمدلله
ودايم يقول لي انا مالي غيرك ومقدر اعيش من دونك وانتي احلى وحده .. وانا فرحانه ومصدقه كلامه

الا يوم بديت اشك ان عنده ايميلين واحد تلقائي مفتوح والثاني مقفل ومو راضي يفتحه واذا سألته ليه
يغير السالفه او يمزح معي حتى تتغير السالفه وانسى

وسوس لي الشيطان وراقبته مره وهو يلعب لعبه في النت ومن شروط اللعبه انه لازم يسجل ايميله
وكنت اراقبه من بعيد وشفت ايميله الي سجل فيه هو نفس الايميل المقفل

بعد كم شهر سجلت باللعبه وبحثت عن ايميله حتى حصلته وصرت العب معاه واسولف معاه عساس اني بنت فاضيه ومن اول محادثه طلب ايميلي وعطيته ايميل جديد وصرت احاكيه حتى طلب رقم جوالي وقلت له انت عطني رقمك وعطاني اياه وهو يابنات رقم جواله الثاني ماله الا 3 شهور مطلعه ويقول امنية حياتي اسمع صوتك وانا سكرت المحادثه مدري شسوي قلت له اكلمك يوم العيد وانا للحين مدري شسوي

مدري مو مستوعبه كلامه انه انا بحياته ومافيه بنت غيري ويحبني ومستحيل يخونني
مدري وش اسوي اكمل معه المسلسل او اترك الايميل مدري هو مسويها مع بنات ثانيات ارجوكم ساعدوني

مع العلم انه باقيلي ايام معدوده واكمل سنه زواج يعني تونا ما امداه يمل مني مايخلو اي زوجين من المشاكل مدري هي مشاكل اول زواج ولا مل مني مايبيني ؟

تكفون مساعدتكم وربي يدخلكم الجنه باسوع ابوابها

اصلا انت غلطانة وسامحينى هذه نهاية التجسس ونصيحتى تقربى اكثر من زوجك ولاتسوين اى شى عشوائى لانه حياتك لااح تنقلب

__________________

و الله امرا عجيبا ..

يفتن الرجل بامراة لم يراها ..

و الاصعب انه متزوج و لديه امراة يراها و يسمعها و يحسها ..

ما الذي ينقصه ليفعل ذلك ؟؟

هل هو متخيل انها اعجبت به لصفاته الخارقه التي لا تعلم عنها اي شيء لانها مجرد محادثة علي الانترنت لم تراه و لم تسمعه ؟؟
ام انها تريد مجرد ذكر و خلاص .. مثل اي ذكر في الدنيا .. ؟؟ في الارياف عندما تريد البقرة ان تحمل يقولوا لازم نحضر لها طلوقة (ثور ذكر) فهل يفرح الرجل انه يقوم بدور "الطلوقه" ؟؟

.. و لقد كرمنا بني آدم و حملناهم في البر و البحر ..

ما طلبت تلومينها

طلبت حل


ولو مكانها انا لا قدر الله

باسوي مثلها واكثر


لا قدر الله ويا اختي صاحبه المشكله لا تاخذين رايي
ما اكمل المسلسل باقوم انصحه بطريقه اني بنت ثانيه وغير زوجته احاول فيه لييين احسه تغير بالنت وعندي

بس نصيحه اتصال لا تتصلين

بتكون وراها مشاكل اكبر

خلج عقلانيه

حاولي فيه بالنت ع صفه انج بنت غريبه وبالواقع ع انج زوجه له


انصحيه لا تتركينه ما هو حل ان تركتيه


ترى الحل انج تواجهين المشكله بعقل وتفكير عدل

اعتقد تتركين السالفه فترة عشان تفكيرين وفكري مع الاستغفار والاستخاره قبل لا تتخذين اي قرار شتسوين


الله يسعدج اختي هذي تجارب الحياه فيها صدمات وعقوبات وعوائق
سواء بدايتها او نهايتها
وترى مو معنى انه حاجى ورقم غيرج يعني مل منج
لا يا اختي لا تخلين تفكيرج جذي وترى هذي هوايه الشيطان

كان الله يعونج والله يقويج ع حل هالمشكله وينهيها ع خير ويبعد الشيطان عنكم

موفقه

لاتكملي ولاشي والي سويتيه غلط
اي رجل ممكن يقع في الي وقع فيه زوجك وانتي الي بديتي معاه والرجل يحب النساء وهذا الي ربي خلقه عليه
لاتخربي بيتك بيدك واتركي عنك التجسس وتقربي منه واشغليه بوجودك معاه ولاتتركي له فرصه يكون مع غيرك
الله يهديه ويسخره لك يااارب

موقف لاتحسدين عليه ماراح اتكلم عن طريقتك صح ولا لا المهم الحين انك عرفتي وطاح الفاس براس فكري بعقلك وطلعي كل الافكار عشان ترجعين زوجك لكو هو مقتنع وخليه هو الي يترك مو انتي يعني لايعرف زوجك ولا يشك بأي شي انك انتي مهما صار لاتبيني انك عرفتي شوفي لو ضيعتي الفرصة من يدك وعرف انك انتي بتخسرين كثير .. حاولي تفكرين بطريقة تخلين زوجك يندم على انه فكر يسوي علاقة محرمة شوفي جاء في بالي اكثر من فكرة .. ممكن تفهمينه ان البنات الي يتعرف عليهم عن طريق النت استغلاليات خليه يرسلك صور له. فلوس وشوفي هل زوجك ممكن يوصل لمرحلة انه ممكن يرسل صورة اسأليه متزوج ولا .. حاولي تعرفين زوجك وش ناوي عليه بهل علاقة يعني بس بيمشي الوقت او مال منك ومايبك واعذريني على الكلمة على فكرا اعتقد ان اذا تصرفتي كذا ماعليك اثم عشان انتي تكلمين زوجك وتبين تمنعينه من الحرام .. شوفي في جهاز يغير الصوت حاولي بأي طريقة تجيبينه عشان تكلمينه اهم شي لاتخلينه يكلم وحده ثانية يعني زين انه طاح فيك مو في وحده ثانية .. الحين الهدف المهم انك تعرفين زوجك وش يبي من هل علاقة وبعدها فكري وش ممكن تسوين على اساس زوجك وش يبي
الله يرده لك عاجل غير اجل

قبل الرد حطي نفسج مكانها

تتركين السالفه ؟؟؟
ما اعتقد
تكملين الفلم ؟؟
ما اعتقد
ما تخرب على بيتها بالتجسس

بس بتخرب ع بيتها بتركه يلهو بالشبكه العنكبوتيه صح

يعرف بنات ويطيح بحبهن ومنها تواعد بالزواج وطلاقها عشان الحب الوهمي شئ حلو صح

والتقرب منه ما يحسسه ان في شئ ما بيحسسه ان مرت حست بشئ او اكتشفت شئ

بس اوكي هي بتتقرب منه بس ما يمل بتقربها واحتلالها لوقته

نصيحه الحين حاولي ترتاحين من التفكير وغيرها واستخيري وشوفي الاحلى لج لا تستعيلين بقرارج



وراي barakah22 عجيب بس سما اتوقع كل الرياييل يتقبلونها


لازم تشوف زوجها يتقبل ولا

كان الله بعون الجميع

ايش اقولك يابنت الناس اعتقد انه مافي رجال الا ويخون قلبوهم صارت فنادق يحب ذي وذيك
لانهم ماجربوا انهم ينخانو والا عشانا حريم الغلطمة محسوبة علينا وهما عادي نسامح لهم ونغفر لهم
يلا الظاهر ان الخيانة بتصير موضة 2010
الله يعينك

__________________

موضوع ذو شجون..
الله يوفقك و يحميك انت و زوجك

انا متابع معاك اختي على الآخر...
احكينا مستجدات اول باول...