أختي الكريمة أنا سأتعامل معها بطيب بس لن أتحمل خطأ 1٪ ولن أصبر بل سأصفي حساباتها أولا بأول وانا لن أتغير مع الطيبة ولكن وعد يا قلبي ما عاد يحس بغبنة او قهر او اهانة او اي غلط واسكت بل علي طول سأطبق القاعدة الفيزيائية "" لكل فعل ردة فعل مساوية له في المقدار و معاكسه له في الاتجاه "" يعني سالفة الصبر التحمل الانتظار صارت في خبر كان و اول طريقة راح احطها ببالي وانصح بها زملائي اذا صارت مشكلة من طرفها مالها داعي بدون ما تكلمها روح يا عم وتكشخ و اطلع برا البيت ساعة او 2 او 3 او 4 الين ما تشوف انك ترجع وارجع ونم و خلك كذا

الله يحيك يا عسل .

والله اني احمد الله تعالي . شايف اخوي ومع كذا كنت مدلعها لاني حاااااس انها تغربت معي و انا وعدت ابوها انها مثل عيني والحمد لله وفيت بوعدي. انا والله عارف اخي اني ملخبط و منحاس ومتلخبطه اوراقي .

أنا مشكلتي كلام بدون فعل . يعني احب اكون طيب مع الكل مو زوجتي واهلي اكون مع الكل .

نسيت شيء مهم كان في قصة الفناجيل

المهم نورة سحبت عليها وما جابت الفناجيل طبعا انا كنت ارسل لها تستاهلين سحبت عليك وانا اقولك بأجيب لك الفناجيل الي تبين واقول ما حك جلدك مثل ظفرك . سبحان الله شفتوا كيف خذلتها ومع ذلك جالسة تمدح زوجها هههههههههه عجيب امر هذه الفتاه

والله إذا ناوي تصفي حساباتك القديمة وتحط حرتك في بنات الناس إلي مالهم ذنب
أنصحك لاتتزوج وطلع هالشخصية الجديدة على زوجتك الأولى بعد ماترجعها
وبالمرة تكسب أجر تأديبها

لكن تبي تأخذ وحده عشان تظلمها بجريرة وذنب غيرها
فأسمح لي هذا شيء ماراح نشجعك فيه أو نسكت عنه
ونجاملك
أسمح لي يا أخي أنت الآن في حالة ثورة وغضب
ومازالت جروحك لينه فكل هذا الحديث حديث قلب مكلووم

اتمنى أن لايستمر هذا التفكير معك ولايصبح أحد مبادئك الجديدة
لأنك بهكذا فكر ستسعى لفشل زواجك الثاني وبقوة وهذه المرة
ستكون هناك فتاة ستسمي نفسها (حياتي بدونه كانت أفضل)

::

أنا أقف ضدك في تصفية حسابات متراكمة مع شخص آخر.
يقول الله تعالى (ولا تزر وازرة وزر أخرى).
الناس مختلفون يا رعاك الله.
لا تدخل في مظلة الإسقاط النفسية فتسيء للآخرين من حيث لا تشعر.
من زاوية أخرى لا ألومك لأنك في شبابك، وبداية زواجك تعرضت لهزة عنيفة وزلزال قاس على نفسيتك.
نعم! استفد من الدروس الممكنة قيد الإمكان، واعمل على تلافي الأخطاء، وطوّر للأفضل.
:::
لماذا لم تعطني وعد للتحدث معك في ذلك المكان؟
لقد تلقيت رسالتك، ومازلت بانتظارك.

اختي سيدة الموقف....

وش رايك تصيرين صديقتي...

هههههه والله تعجبني مداخلاتك....تذكريني بصديقة لي فرقتنا الدنيا...

عالعموم....
انا مااتفق مع الاخ حياة افضل....بس فاهمة وش يقصد....يعني لو تزوج وجاء من زوجتة الثانية تصرف او كلمة قاسية نفس اللي سوتة فية الاولى....هنا بينفجر عليها....حاسة فية بالظبط....لانة بااختصار ماعاد يتحمل الخطاء وصبره نفذ...

احذر اخي تخطي خطاء ثاني...خليك وسط.....لاتعطي كثير لاتدلع كثير...

ماازيد على كلام اختي سيدة الموقف واخونا....البليغ.....

والله يوفقك...

يمكن أطلع صديقتك إلي فرقت بينك وبينها الدنيا


ههههههه
ياليت...
هي من خيرة البنات
وانت كذلك ياسيدتي....

ومازلت اتعلم من ردودك الكثير....

معقوله زوجتك ما تصرفك معك ولا تصرف جميل ؟؟ ما عمرها اهدتك هديه ؟؟ ما عمرها اعتذرت عن خطأ سوته ؟؟
صرت صراحه اشك انها مو مو طبيعيه او مسحوره ؟؟؟
والله البنت الطبيعيه اللي توها متزوجه وزوجها يدلعها تمووووووووت بالتراب اللي يمشي عليه زوجها .. ونقول ممكن تتغلى عليه بتصرفات بسيطه بس مو للدرجه هذي ..

فيه بعض التصرفات نبهتني لشئ ..
اذكر مره زوجي بيسافر برا ورفضت رفض قاطع ,قال لي ليش ؟؟ قلت فيه حريم برى, قال وزميلي هذاه بيروح معي
قلت زميلك مطوع ..
طبعا انا مقصدي من الكلام انا يازوجي تراني اغار عليك واحبك واخاف عليك من اغراءات الحريم , وانا اساسا عارفه انه مو راعي حرام وواثقه فيه..
المهم رجع وكذا وقاعدين نتكلم قال انتي جرحتين , ومازالت الكلمه هذي طعنه بقلبي .. قلت اي كلمه ؟؟ وذكرني بالموقف
قلت مو قصدي كذا , رد علي بليز لا ترقعين ..

أحبابي الجانب الاخر gawlp و سيدة الموقف والبليغ و forgiveme و اصيلة 3 .

أنا لما أكتب لكم مواضيعي ومواقفي السابقة أشعر و كأني اعيشها اللحظة . فأكون مندفع في الكلام و أتوعد وأهدد ولكن فترة بسيطة و أعود أحمد الشاب الطيب صاحب الكلمة اللينة الشخص الذي يعلم أن الطيب من الصفات الجليلة في الرجال الشخص العقلاني الشخص المرن .

أن شاء الله تكون زوجتي القادمة:14::14::14: صاحبة المعرف ""من أجلة حياتي أفصل "" واشكركم لتفهم مشاعر المجروح فقد يقول اشياء غلط من باب ان الجروح لم تلتأم بعد ولكن أنا أعرف اني لن أظلم بنت الناس وقبل اي عقاب والله اني اعتبرها اختي ولا أحب تتعاقب الا ما ارضي ان اختي تتعاقب زيه .

والله أني أندم أني ضربتها و زميلي قال لي انت أخطأت وقال انا لو أشوفها في حضن رجال ثاني ما اضربها اشيلها واوديها بيت أهلها . فالحمد لله أني مع رجال أتمن آرائهم واصحاب زي الدرر "" ما احد يدري عن مدت اليد إلا أنتم "" ودائم اخفي سبب ضربها لاني ما اقدر اقول ضربتني كف والله استحي من الناس بيقولن ولس معاك ؟؟؟؟ فين أحط وجهي بعدها .

أنا قد أخبرتكم أني كنت أدخل مع أمي وأخواني بنقاشات قوية . و مصادمات مالها داعي من شخص كان متغرب من اهله سنة المفروض يكون معاهم مرة مبسوط .

أنا أذكر لكم موقف صار لي .

أخوي رقم 2 من الرجال من أول ما توظف وهو يصرف وما يبخل علي بشيء والحمد لله الذي قدرني ورديت جزء من جمايلة

أرجع للموقف . ذكرته مرة بموقف كنت ابي أحد يتدخل فيه في المدرسة وهو طنشني . فجلست أقول لو كنت مكانك ما سويت الي انت سويته أخوي جاء بخاطرة و رد وانا رديت وهو رد والموضوع تأزم لأني صرت أصادم بقوة وعنف المهم الوالدة كانت جالسة و زعلت علينا أنا رحت و لما رجعت بعد 3 دقائق وجدت الوالدة تبكي وتقول لأخي أخوك متضايق من موضوعة وانت ما تعاطفت ولا تحملته وهو الحين صاير عصبي علشان الطلاق ومن هذا الكلام أنا سكت و ندمت اني تكلمت .

فهي الله لايحللها ولا يبيحها أوغلت صدري موبس علي الناس حتي علي أهلي .


قصة من قصصي (( شكلي بألف كتاب "ضحية منيرة في بلدته الدراسية" ))


أول مارجعنا للسعودية استقبلونا اهلي و جلست من الظهر الين العشاء . تدرون هذه ثاني زيارة لها بيت اهلي يعني لس جديدة وغريبة عليهم شويتين . وش صار ؟؟؟؟؟؟ انا ماني متوقع أنها كانت سيئة كذا الزبدة المفيدة قالت لأهلي قصة الرحلة الي فاتتنا مع اني اتفقت معها ان ما احد يدري ولكن سردها للقصة كان من باب إغال قلب اهلي علي "" قالت ولدكم"" لاحظوا ولدكم ""جالس يلعب ويضع الوقت لين نمنا متاخرين وفوت الرحلة . طبعا ما احد علق من اهلي . و بعدها قالت الله يهدي احمد خلص عودة امي الي اعطتني كل ما جاء ضيف يقول العودة العودة . اخواني انا جايب معاي عودة وهي جابت عودة و قالت عادي نستخدمها و حسيت ان قلبها كان عادي لكن الحين عاهدت نفسي ما عاد أخذ من زوجتي ولا شيء حتي قطنة الآذن خلاص الحمد لله ربي فاتح علي رزق من ينتهي الرزق الاول ينفتح باب احسن منه هذا أبشركم ربي . اما سالفة فلوس الحريم انا حرمتها علي نفسي . منة الله ولا منت الناس .


بالنسبة للأخت أصيلة تقول انت ما عمرك شفت منها شيء كويس ؟؟؟؟


أنا أقول أختي ايه فيه اشياء كويسة لكن ليس بقدر ما عانيت من مشاكل اذا كنت مطلعة علي موضوعي السابق . " هكذا كنت وهكذا كانت فمن المسؤول؟؟ " ستعرفين اشياء كثيرة لربما يصعب ذكرها الان . البنت طبيعيه و مافيها الا العافية لكن هي انسانة سيئة و تعلمت معها اني توبة أمشي أي شيء قد يخدش باب الاحترام وان اذا صار الموضوع وقرب يخدش الاحترام لابد من علاج وتاديب والا فالكي اخر الدواء وبعدها كل واحد في سبيلة اذا ما صلح الحال .


و أشكركم واشكر كل المداخلين والمداخلات الله يعطيكم العافية . وكل من يقرأ ردودي الله يعطيكم العافية