رد : محبتكم روح الطير..محتاجتكم
السلام عليكم ورحمة الله تعالى وبركاته
ياجماعة الخير ، الله يرحم والدينكم ، ويجزيكم الجنة ومن تحبون ، ياتاج راسي كلكم
أختكم روح الطير بشر وعندها مشاعر وأحاسيس ، وعندها كرامة وكبرياء وتحس .!!
الرجال خان فراشها + انه مايصلي + أنه مايصوم + انه مايخاف الله ولاهو معبر احد!!
شلون تبونها تصبر على كل هذا ؟ والله ماتتحمل كل هالهموم !!
واللي يقولها أصبري؟؟ تصبر على شنو ؟؟ تصبر على إنهدار كرامتها وعزة نفسها؟؟ وإلا تصبر على ذلها وإنكسراها له؟؟
والله ولاسمح الله لو كل الحريم اللي شاركوا هنا صارلهم مثل ماصار للأخت روح الطير بتتغير أرائهم والجميع بيقولها تتطلقي!! لأن اللي أيدة بالماي مو مثل اللي أيدة بالنار!!
محد سأل نفسه منكم ؟؟ ليه الله سبحانه وتعالى حط حد الزاني المحصن رجم حتى الموت ؟؟؟
لأن الله سبحانه وتعالى يبغض الخونة ، ولايحبهم ، إلا إن شاء الله وصفح عنهم وتاب عليهم.
الحرمة إذا خانت فراش زوجها كلنا راح نتفق ونقول للرجال طلقها ولا تتحسف عليها حتى لو عنده اولاد منها
بينما الرجال اذا خان فراش زوجتة تجون للزوجة الفقيرة وتقولون لها أصبري عشان عيالج وبيتج وووالخ!!
ليه أنسيس الحرام ونتساهلة للرجل ؟؟ بينما لانقبل تسييس الحرام ونستصعبة على المرأة!!
ترى المرأه ماهي أسمنت ماتحس !! إلا تحس وعندها مشاعر وأحاسيس وعواطف وشعور وكرامة وعزة نفس.
والله ياروح لو انج أختي فلا تقعدين عندة دقيقة وحدة!! الله الغني عنة وعن أشكالة
واللي يترك شي لوجه الله ، بيعوضة ربي باللي أحسن منة ، ويرضية إلين يكتفي.
والقرار الأول والأخير لج ، وأنتي حرة وسيدة نفسك وقرارك.
__________________
استغفر الله واتوب إليه