بعيدة نفس المنطقة مثلاً : من غرب المنطقة الى شرقها

اختي الكريمة اقسم بالله اني ذقت الأمرين من بداية زواجي وصابر والله على ما اقول شهيد ولكن كل تضحياتي تقابل بمزيد من الدلع ومزيد من الطلبات للتوضيح

تزوجتها قالت اهم شئ اذا حصلت وظيفة ماتمانع وشرطتها بعقد النكاح ووافقت

بركز على المشكله واطرافها واترك الامور الهامشية

بعد ماتخرجت من الجامعة بدات المشاكل بوقت فراغها الكبير

قلت نجيب طفل يلهيك ويملى البيت رفضت وقالت ابي دبلوم انجليزي ادرس علشان القى وظيفة اسرع

كانت تداوم صباح فجأه ابوها دبر لها وظيفة ادارية لكن مو بمركز رئيسي كانت قريبه من البيت وظيفة على بند تقريبا ربع ساعة عن المنزل او 20 دقيقة بالكثير

طيب والدبلوم ؟؟ قلت اتركيه خلاص قالت لا ماتركه بحول حصص مسائية

يابنت الحلال حرام عليك مسائي يعني من 4 العصر الى 8 بالليل

شيل وحط معها اتركيه احسن لك لاتتعبين عمرك قالت لا وألف لا احتاج الشهادة علشان لاجا الترسيم يزيد راتبي وكان المتوقع الترسيم يكون بعد سنتين

دخلت ابوها بالسالفة كلمته واجتمعنا تكلمنا وتفاهمنا مايصير ارجع من البيت ما القى زوجتي وطلعت زعلانه من المجلس اكلم ابوها اقوله شوف الاحترام رجال يتفاهمون وتطلع ولاطقت لا لك ولا لي اي احترام

قالي اصبر كلها سنتين وتخلص بغمضة عين وعلشاني لاتخربون حياتكم علشان سنتين قلت طيب

تحملت ارجع من الدوام مو موجوده بالبيت قلت بكيفها هي اللي بتتعب مو انا وكانت تروح بباص للدوام الصباح
وسواق اهلها يرجعها الى ما انحاش سواق اهلها من كثرة المشاوير

كلمتني وقالت احتاجك اوقف معاي طقيت الصدر وقلت ابشري صرت ارجعها بالليل من المعهد

سنتين يا اخوان ويا اخوات وخلصت السنتين وجا ترسيمها

خلك بمكانك رفضت نصحناها وأبت الا بنقل هناك يابنت الحلال بعيد ياعمري بعيد عليك قالت بصره عادي اتحمل

ثم اشتكت ان الباص متعب وانا ماتحمل وانا حامل جبت لها سواق وشرينا سيارة كلها انا متكفل بها

بعدها اشتكت ان السيارة قديمة ومتعبه وتطقطق بالحمل الثاني لأن عيالي الحمدلله جو ورا بعض بينهم سنتين فقط

وشريت سيارة اقساط جديدة وكاله وهي اللي اختارتها وااقرفتنا بصديقاتها الله لايوفق صديقاتها طلعت بتغير السياره مو علشان حمل ولا علشان زفت علشان متفشله من صديقاتها مع ان سيارتها كانت انوفا خاصة بالمشاوير والسواقين الان السواق يسوق احسن من سيارتي

قالت البيت لازمه خدامه توني مستقدم لها من 4 شهور مضت خادمة فلبينيه علشان لارجعت تلقى البيت نظيف وتطبخ براحتها والخدامه تقوم باللازم من شغل البيت

وش تبوني اسوي اكثر من كذا اذبح عمري يعني ؟

اما تقولين لي ابي ننقل جنب دوامي يا نشتري بيت يا تستأجر لنا شف لك حل ماعندي حلول خلاص استهلكتي كل الحلول اللي عندي ونفذت كل طلباتك اول

هذي الاحداث من بداية زواجي بها الى هاللحظة

انا غلطان مفروض من اول قلبت الدنيا وخربتها اقل شئ نفترق دون عيال برقبتي

اشيل هم عيالي لا شافوا العيال مع اهلهم بالالعاب او بالسوق الا هم اقول يارجال اصبر اصلا عادي الحياة ماشية

بس تعبت انا سويت كل اللي اقدر عليه الى هالنقطة وانتهى ....

للمعلومية بعد ماقالها ولدي بابا يقول احبك الحمدلله ارتحت ان ولدي من صوته مرتاح لكن هي ردت وقالت مايهم خلاص قفل

ثم ارسلت رساله تقولي الناس ماهي عند رغباتك وشهواتك وطوعك متى مارضيت قلت احبك مابيها

تحسبني ميت على العلاقة ونهاية الاسبوع بتقرب ابيها اخر اهتماماتي هالشئ الآن

متضايق انها تضغط علي بالانتقال الى جنب دوامها وتطلع دون اذني كنوع من العقاب لعدم تنفيذ رغبتها

فقط

معليش اختي الكريمة انا مامنعتها من وظيفتها ابداً بالعكس انا كنت اقول لها وظيفتك امان لك لاسمح الله صار لي شئ ماتنتظرين صدقه من احد

انتي صادقة طريقتي بالتحامل خطأ بس طبع فيني اشيل اشيل وانفقع من شئ واجيب الاول والتالي

لكن هالشئ خف عن اول بكثير الحمدلله

النقاش مادري شلون افتحه وكيف نتناقش هي فكرة طقت براسها اني اقدر اشتري بيت من البنك قيمته مليون ونص واسدده مليونين ونص مليون فائدة يالله ماتخافون ربكم

عيالي اولى بهالمليون اصبر 10 سنين واجمع واشتري بيت واوفر هالمليون فائدة لعيالي هم اولى فيه

ومابي استأجر مصاريف هالاجارات غاليه وبصرف كثير وماله داعي هذا قراري ولمصلحتنا كلنا مو لمصلحتي انا بس

اخي الكريم مقدر لك مشاركتك ممكن انا من دفعها للخروج دون اذني بسبب عدم ردي انا اعترف

لكن قبل المشكله امورنا تمام حتى لو اسرد لكم الرسائل كلها تمام يعني علاقة زوجية متكامله مافيها اي خلل

تكلمني تشتكي من الطريق اقولها ان العقار على وشك الهبوط بس باقي تكة واصبري شوي وبجيب احسن بيت ولو تبين جنب دوامك 5 دقايق ماعندي مانع بس اصبري حرام البنك ينهبنا لو نحتاج شئ مانقدر نشتريه لانه يلهف نص رواتبنا

بس كلمتني يوم تشتكي الطريق قلت ما اقدر اسوي شئ وفرت لك كل سبل الراحة علشان تروحين وترجعين بأمان

وتفاهمنا يومها وقالت ايش الحلول قلت استقيلي وتنرفزت علي ليه تقولي كذا

قلت خلاص اجل تحملي وبرضوا زعلت

وفتحت موضوع البنك وانا رفضت وتحججت ان كل الناس كذا انا مالي شغل بالناس الناس بتعطي البنك مليون بكيفهم انا مابي اعطيهم

شلون انهي المشكله نهائي

ابي نرجع مثل قبل هي الله يهديها ما تصبر لو تصبر الله بيرزقنا خير وانا مخطط اصلا اسكن بالحي اللي جنب دوامها لانه ممتاز بس لازم تصبر هذا بيت مو كرتون ببسي من بنده

فكرت بكلامك كثير انا وزوجتي نتهاوش بالرسائل اكثر وتزيد الطين بله وبدال ماتكحلها تعميها

وقلت مشاكلنا بنسبة 50 % من بطلنا الرسائل علشان كذا لاتهاوشنا واحد طلع مانتكلم بالواتس

هذا سبب حظر الواتس الأساسي + اني زعلان وهي بعد تحظرني احياننا عادي مشي مشي

اما تكره الارتباط فيني لتعنتي الشديد ؟؟ انا اخالفك بهالنقطة ما اشوف فيها اي تعنت

الاحتياجات الضرورية ليست من مهامها وانا لست بمنعزل عن المدينة ولست بصحراء تلفون يكفي

نحتاج اغراض جيبها معاك وانتهى

المستشفى ليس من مهامها تاخذ العيال هناك تتصل علي واخرج من دوامي للطوارئ

اما ارسل لك بالواتس ترا بكره علي الفطور مع صديقاتي مارديت بكيفك بطلع وتشاو عيب مايجوز

خصوصا اني ما اقول لا الا بهالامور ماحب زوجتي تلف ارفف السوبرماركت وتوقف بطابور تحاسب

وايضا الاغراض من بيدخلها جوا البيت هي ؟؟؟ لا السائق يدخل بيتي معصي

هذا اللي انا اشوفه ولا ارى ان فيها راحه لها ليه الزعل انا راعي البيت ومسؤول عن رعيتي

أسأل الله الكريم رب العرش العظيم ان يشفيك ويشفي زوجك
أسأل الله الكريم رب العرش العظيم ان يشفيك ويشفي زوجك
أسأل الله الكريم رب العرش العظيم ان يشفيك ويشفي زوجك
أسأل الله الكريم رب العرش العظيم ان يشفيك ويشفي زوجك

اللهم اني اعوذ بك من زوال نعمتك الحمدلله والشكر لك يارب

اشكرك جداً على مشاركتك

اختي الكريمة ريتاج احسست بصغر وضئالة مشكلتي مقارنة بما تمرون به من حال
اسأل الله ان يفرج همومكم
حسيت ان الموضوع ماله داعي
جزاكم الله خير

من خلال ردودك وبناء على كﻻمك زوجتك من النوع اللي تحب تأمن لنفسها شي كأولوية بحياتها والزواج شي ثانوي..
لكن شخصيتها ليست بالصعبة
اكرر ناقصكم حوااار عميييق حول هالاشكالات
قل لها كما كتبت لنا
انها تعجبك خلقا وتدينا
وانك حاولت جهدك اسعادها وتحقيق حلمها
وأنك ﻻترى منها نفس العطاء

اخبرها ان مقارنة حياتكم بالاخرين يزعجك
فأنت ايضا لم تقارنها باخريات شاركن ازواجهن شراء البيت
او اخريات اشترين السيارة الخاصة والسائق والخادمة وهذا شاااائع عندنا مجتمع الموظفات

اخبرها بحزم
ان حياتكم لها هيئتها الخاصة تشكلانها انتم فقط وفق معطيات حياتكم واعتقادتكم الشخصية..

ايضا وضح لها انك وحرصا عليها احببت ان يكون عملها قريب للبيت ولكنها ابت وعليها ان تتحمل تبعات قررها على الاقل حاليا لحين شراء بيت خاص هناك..

اشترط عليها بداية النقاش الا ترتفع اصواتكم
ان لايبدأ طرف حتى ينتهي الاخر تماما
واحرص على ابعاد الاطفال حينها...

لا تتسرع في قرار الطلاق .ابتعد عنها فترة.
انا صار عمري 30 وكل يوم ابكي فراق ابوي.من اطلق هو والوالده قرر الرحيل عن حياتنا