الله يسعدكم على طول يارب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

كل عام وانتم بخير

حاليا انا وزوجي عند اهله عيدنا عندهم .. وتخطيطنا ان اليوم الثالث من ايام العيد نسافر منطقة سياحية يومين نغير جو..

طبعا الامور الى البارح المغرب كانت ممتازة .. ليلة العيد ويومين العيد كنا نعاني من النوم ماننام الا 3او4ساعات .. المهم امس الصباح طلعنا عيدنا خالات زوجي وواحدة من اخواته ورجعنا الظهر على اساس ننام ونصحى قبل المغرب .. المهم انا ماقدرت انام ابد الا بعد العصر .. وارسلت لزوجي رسالة على الواتس اقوله خليني انام ماقدرت انام .. اقصد لبعد المغرب .. المهم صحي وصحاني .. بس من شدة النوم ماقدرت اصحى .. المهم ماحسيت فيه الا يقول قومي قفلي الباب.. بعدها ارسل لي رسالة على الواتس انه جهزي الاغراض بعد ماأجي بنرجع يقول انتي ماتقدرين أحد .. قلت له ليش وش فيه وش سويت الحين وش اقدر مااقدر.. قال اهلي منتظرينا من العصر وانتي لاقدرتيني ولا قدرتيهم .. قلت والله مو كذا بس والله تعبانة وماني قادرة افتح عيوني .. قال كملي نومك بس احنا جايين هنا ننام .. قمت قلت تعال بس الله يهديك ومالك الا اللي يرضيك .. قال ماابي منك رضا ولا ابي شي.. وقال مافي شيء بالغصب وماتعودت اغصبك بشيء.. قلت ادري ان مافي شيء بالغصب .. قال لا في رجال يمشون زوجاتهم بالغصب ومافكرو فيهم رضو ولا مارضو .. قلت وانت ان شاء الله تمشيني بالرضا مو بالغصب .. قلت له انت وينك تعال ومالك الا اللي يرضيك .. قال قومي وكلي والبسي.. طبعا كان جايب ساندوتشات .. وقلت له وانت لو انك يوم صحيتمي قلت اهلي ينتظرونا كنت قمت علطول لكن انت ظلمتني اني مااقدر احد والله يسامحك..المهم قمت ولبست .. قلت يلا انا جاهزة .. قال كلي الساندوتش .. قلت مابي .. قال ماراح نطلع الا لما تاكلين .. قلت والله مالي نفس .. اذا رجعنا ان شاءالله .. المهم طلعنا .. وساكتين طول الطريق .. وصلنا عند اهله .. وبعد ماراحو اخواته .. قالي ها تبين نمشي قلت براحتك .. بعد ربع ساعة كذا ارسلي بالواتس انه بنظل للساعة 2 عشان ننام بعد الفجر للظهر ونعدل نومتنا .. قلت ابشر .. قال تبشرين بالجنة والله يرضى عليك .. قلت له امين واياك .. رجعنا الشقة وسكوت .. كان طول الليل جالس وانا على السرير .. فسألته وش فيك ليش ماتنام .. قال مافي شيء نامي انتي بس.. المهم اليوم طلع الساعة11الصباح على بالي بيجيب فطور .. المهم صحيت علطول وسويت الشاي وانتظرته ساعة الا لكن ماجاء .. فأرسلت له صباح الخير سويت شاي بتجيب فطور ولا كيف؟ .. قام ارسل وشلون ولا كيف.. قلت ولا افطر .. قال شوي وبجي .. المهم فطرنا .. وقالي ماراح نطلع اليوم من الشقة راح نجدد (طبعا المفروض على اتفاقنا اننا نطلع اليوم ونسافر منطقة سياحية نغير جو) .. قلت اوك .. قال بروح اتغدا عند اهلي بتروحين معي ولا بتظلين هنا .. قلت لا بروح معك.. وطلعنا ومر على سوبرماركت اهله موصينه بكرتون دجاج (تذكرت يوم يمنعني اعطي اهلي من راتبي) .. طبعا سكت ماقلت شيء .. وسألني تبين شيء قلت لا سلامتك ..

الحين الشيء اللي قاهرني يزعل ليش ؟!!!

واللي صار امامكم من الغلطان باللي صار؟!! وكيف اتصرف برأيكم؟!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

على فكرة اول يوم بالعيد كنا عند اهله وفطرنا عندهم ومرينا اخواته واحدة واحدة .. وجبت لامه واخواته هدايا وعيد اخواته بفلوس .. وكان مرة مبسوط مني .. ليش الحين يقول ماتقدرين احد عشان كنت تعبانة .. ما راعى هالشيء أبد..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أتمنى من الادارة إغلاق الموضوع ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه كل عام وانت بخير....أحبه عجبتيني في ردود افعالك وكلامك مع زوجك صارت اكثر اتزان ونضج..ارجوك لا احاولي تطلعي ثغره وتزعلي مشي يابنت الحلال ومو كل شيء صغير نكبره ونزعل منه زوجك رائع وخليك من وسوسه الشيطان انه جاب لاهله ومنعك... انت تدرين ليش منعك لانه خاف اخوانك اللي يأخذون الفلوس من امك او هي تعطيهم مو قصده يمنعك تساعدين امك ووضح لك هذا الشيء... افرديها يابنت شوفيه لما كانت ردود افعالك هاديه هو كمان مشى الموضوع ومازعل منك..وهو كمان يمكن انحرج من اهله انهم منتظرينكم..ولا يعرف انك مانمتي الا العصر ...انت قاعده تمشين صح فلا تخربين اللي قاعدة تبنيه ..الله يسعدكم يارب خليك بشوشه ولا تظهرين الزعل لان الموقف بصراحه بسيط ولا يزعل..بالتوفيق

__________________
سبحان الله وبحمده..سبحان الله العظيم

اتمنى تنسخي ردك وتحطيه في موضوعي الجديد لاني طلبت اغلاق هذا الموضوع

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..