::

مع هذا الرد
PPP

الله يصبر زوجك ويعظم اجرة يارب
والله لونك عند غيرة كان من زمان ورقة الطلاق بيدك

__________________
سبحان الله وبحمده سبحان الله العظيم

هل اول مرة يمد يده عليها؟

لا

اذن لماذا الاستمرار في شغل المراهقة والتطرف في التدلع والمشاعر!!!!

انا اتكلم عن جزئية معينة ولست اتكلم عن السماح لضرب الزوجات.

اخت منفردة راجعي اخصائية اجتماعية او مرشدة اسرية عشان تنضجي اكثر من كذه

وزوجك غلطان في امور معينة ولكنه ليس موجود هنا عشان ارشده للافضل

معلومة اضافية :

الزوجة ليست مثل الزوج في جزئية الضرب

لأن صوتها العالي يستفز ويحرق الرجل من داخله (صوتها خرج منها لاشعورياً)

بينما هي الضرب هو الذي يستفزها ويحرقها من داخلها (الضرب خرج منه لاشعورياً)

انت دلوعة وعنيدة
وهو اذا تماديتي يسكتك بطريقتة
وهي العنف
في كلمة مخيفة ذكرتيها بموضوعك
وماحد القى لها بال
مع انها مهمة وخطيرة
وهي تهديد بالقتل
واكيد الاعضاء اعتبروها لحظة غضب وعدم جدية
ولكن كل الجرائم تبدأ كذا
اخاف بكره نلقى خبر ..... لايسر
علشان كذا لاترجعي له ابدااا الا اذا تخلصتي من فكرة اذا ضربني اضربه
بالة حادة او غيرها
لانه اقوى منك. . . كاراتية يابنت ماهو لعبة

__________________
الحمد لله الذي اذهب عنا الحزن

ماله حق ابد ابد بالضرب أهم شي اشرطي عليه مايمد يده وخلي اهلك يعلمونه انه لو مد يده عليك بعد كذا بيكون لهم تصرف ثاني معه.
وين حكمة الزوج وصبره؟؟؟
إذا مواقف تافهه زي كذا ماعرف يتصرف متى بيعرف يتصرف أجل
الله يعينك حبيبتي اصبري الزمن بيعلمه ويأدبه بإذن الله.
اهم شي بالدنيا نفسيتك انتي وسعادتك حاولي ماتفكرين بالموضوع كثير الله يكون بعونك ويفرج همك.

__________________
حينما تتخذ القرار الصحيح لا تبالي لقلبك ؛ تألم يوم، شهر أو حتى سنة بقرار عقلي صحيح ، أفضل من أن تتألم طيلة حياتك بقرار خاطئ من قلبك".

لست مقتنعة
أن الصراخ يعادل الضرب
و يتماشى مع طبيعة الرجل و الأنثى
الصراخ مستفز من المرأة جدا
و كذلك من الرجل
الضرب إيلام و تسلط حتى أن التشديد بحرمته أكثر. فهناك نهي عن ضرب الوجه و الضرب أَذًى
قد يصل لطلب القصاص. لو حدث منه آثار

الصراخ يصدر من كلا الجنسين و يستفز الآخر
لو استفز الرجل المرأة بصراخه. ماذا ستفعل؟وما هو المقبول منه أو المبرر
و لو استفزت المرأة الرجل بالصراخ ماذا سيفعل ؟ و ما المتوقع منه؟؟
حينها سنرى أن الأمر ليس سيان




منفردة. في اليوم التالي لما ضربك
و قام بالسلام. هل رأيت منه ندم

__________________

مافيني ارد على واحد واحد بس برد على كلامكم كله هنا ..

اول شي انا سنعه ببيتي الحمدلله وطباخه .. اطبخ له البرياني والكابلي والمندي والكباب والاوصال والصيني والدجاج بالكريمة والذره اللي ادمن عليه واسوي له شوربه وسلطه ونوع حلا بكل غدا .. اتبل الدجاج من الليل .. واجهز اغراض للسلطه واسوي حلاي.. ما انام الا مرتبه كل شي واصحى قبل يجي بساعتين والبس واكشخ قبل يوصل .. بيتي نظيف وبنتي نظيفه ومرتبه حتى هو يقول اهتمامك بالبنت مبالغ فيه يقصد من ناحية لبسها ونظافتها والعابها وأغراضها اللي اشتريها لها ..
دام كل هذا يصير على الغدا مو من حقه يأمرني بقدر الضغط .. هو بنفسه وربي قال لي سفرتك لبنانيه .. يقول صرت أحب احد ياكل معايا ع السفره وانا مع زوجتي اول تسوي لي الرزباللحم او الدجاج ومحد ياكل معايا ع السفره ..
يقول أحب ابتسامتك .. أحب اهتمامك فيني ..
لكن انا من كثر ما يحاول يلغي شخصيتي ويتدخل بكل شي صرت اطفش منه ..
حبوب منع الحمل تدخل بالنوع اللي استخدمه .. يبغاني استخدم حقت رضاعه .. كيف بالله استخدمها وانا ما أرضع بنتي كثير .. طبعا ناقرته بالبدايه بس بعدين جبتها بطريقه ما حبيت انها تكون بيني وبين زوجي .. للاسف صرت استخدم النوع اللي يناسبني بالدس وهو يشتري الحبوب وانا كل يوم ارمي حبه .. وحاليا يقول باخذ لك موعد اركب لك لولب ..
سلامات حديده احطها فيني والله ما اركبه وهو براسه الف سيف الا اركبه
ايش دخله بالله ؟؟؟؟
يا ناس هو كان يقول لي انا ما أحب المشاكل وكنت اقوله حتى انا ... وانا وآلله صادقه أحب الضحك والوناسه والتفاهم .. والان احس هو اللي يحارشني ويدور مشكله ..
اوقات أعدي له وأوقات ما اتحمل موقف فوق موقف خلاص تتجمع على قلبي ..
انا من لما ولدت وانا متوتره .. كيف اربي بنتي كيف اهتم فيها كيف الان انام براحتي كيف اخرج زي زمان كيف القى وقت لزوجي كيف وكيف .. اول ما رجعت بيتي كنت احاول انيمها قبله بكم ساعه علشان أفضى له زي ما قالت لي امي .. وكان يقول اشبك بتنوميها غصب ؟؟ وأحيانا يقول لها امك برأسها موال يا بابا علشان كذا تبغى تنومك !!!!
طبعا لو كنت داخليا بخير كان ضحكت وقلت ايوا براسي موال .. لكن جايبه نونو وخايفه من التغيير اللي بيصير بحياتي واللخبطه وغير كذا كنت تعبانه أساسا من الولاده وبدال ما ينتظرني بلهفه يقول كذا !!
وبعدين صار يقول الزوجه الصح تنيم اطفالها قبل ما زوجها ينام بكم ساعه ولما انيمها واجلس معاه وتبكي بنص وقتنا مع بغض يحط اللوم عليا اني ما اعرف لها وما اعرف متى نومتها العميقة ..
ضغط ضغط ضغط ..
واللي تقول اقتله ب اله حاده .. والله ماليا مزاج اضحك ع مدى فهمك .. انا قلت اضربه ب اله حاده.. اقصد مكنسه او تحفه . وأساسا جا ببالي الصحن القزاز حق حلاوة كبير محطوط ع الطاوله قدامي ..
واللي يقولوا اكتئاب بعد الولادة .. انا تجاوزت هذي المرحلة خلاص الان مشكلتي مع نق زوجي وتدخله .. ولما اقوله مافي ثقه تجاهي وهذا الشي يجرحني ترى .. يقول لا تقولي كذا انا اثق فيك بس اوجهك للصح وانتي حره..

ياناس والله قلبي يعورني ...
واللي تقول اعتذري.. والله ما اعتذر ولا راح أسعى للصلح .. ماني ........ ا ما انضرب ما انضرب ما انضرب مهما صار

يضربني علشان قدر ضغط ؟؟
ايش دخله ب ايش اطبخ ان شاء الله اطبخ بكيس نايلون .. هو له ياكل وبس وبالوقت اللي يبغاه

انا مستفزه وتكلمت عليه ... من قهري احل يتقاوى عليا وانطرم ؟

واللي يقول الله يعينو عليا ..
ترى انا خلقت له بحياته السعادة اللي يتمناها من زمان .. هو يحبني وانا كمان احبه بس مدري ايش صاير مدررررررررري .. زمان المضاربات خفيفه.. الان القلوب مليانه بالذات من جهتي ..
كارهته وحاقده عليه حاليا ..

المشكله اللي كانت شهر .. كبريائه ماسكه له يراضيني بشكل مباشر بس كان يصور دبلتي ويحطها فوق شاشه جواله على صورته ويحطها عرض.. والان حط الصوره اللي دايما اقوله هذي احلا صوره لك.. كانه يقول يلا كلميني بس والله ما اكلمه وبكرا تطعيمة بنته وربي ان كلمني ما راح ارد وخليه ياخذها ويرجعها بنفسه او تروح معاه امي ..

هالفتره ما أنكر عليه التزامات بمبالغ كبيره علشان كذا هو مهموم بس شايفني ما اطلبه زي اول ولا كملت اثاث بيتي ولما قال شايل هم البيت اللي ما اكتمل قلت له انا راضيه ايش دخلك ولا تشيل هم معاك من سنه لثنين ولعيونك طول العمر مو لازم نكمل اثاث .. وانا صادقه بس كانت اهم شي عندي ابتسامته ..

مو لازم اجلس اقولكم حسناتي من ناحيته .. او أنكر حسناته تجاهي.. انا هنا اعرض موقف ..موقف ضربه ليا بذمتكم للان مو مقتنعين اني لازم اتخذ موقف واديه درس للايام الجايه انه ما يمد يده عليا ؟؟؟

هو لو مافقدني وحس انه فقدني من جد.. راح يكررها وما راح يأخذ زعلي بجد .. وراح يقول بباله هي غلطت ويكبر خطاي ويصغر فعايله..
ابغاه يحس ويقول ايوا صح هي غلطت بس بعد ما انضربت .. ابغاه يراجع نفسه ليش شد شعري... علشان اخلف بكلامه انه هو يقفله .. فين الرجوله هنا بالله !!!!

اه اه اه مدري السنوات الجايه ايش مخبيه أيا مع هالانسان .. صح حاقده وكارهته بسبب افعاله.. بس له شي حلو داخلي اكبر من كل شي .. متعلقه فيه لدرجة انه ياما كسر قلبي وبلعتها وما اشتكيت..

اذا عرضت لكم سوء صنيعي بموقف مو معناته انه انا دايما كذا فايره ومعصبه.. بالعكس هو يعرفني ولا ما كان تحملني ولا صبر عليا

__________________

هو ضربني وراح صلاة الجمعه ولما جا قال السلام عليكم
على استس ما صار شي
وانا العصر رحت لاهلي
هو ندم بدليل صار يقول رجعي أغراضك ما راح تطلعي فيها او نادي اخوك
حسيته يقول ارجعي بس يكابر ورغم مكابرته فهمتها وتعوذت من ابليس وتركت اغراضي لدرجة ما كنت بقول لاهلي وبتعامل معاه بطريقه ثانيه .. لكن لما خلاني أشيل اغراضي وبنتي طالعه نازله فار دمي منه حسبت قد ايش هو اناني وما يخاف عليا

__________________

الخوف مش هي تنفد تهديدها
الخوف رد فعله علي تنفيذها
تخيلي كبت عليه ابريق الشاي ساخن مثلا
هنا يمكن رد فعله يدفعها و تقع علي شيئ حاد مثلا
و تري صارت كثير
اسلوب زوجك استفزازي و تدخله في الصغيرة و الكبيرة يوتر فعلا
بالمقابل ردود فعلك طائشة طائشة و لا يقبلها اي رجل

__________________

اللي شايفين انه إنفاذ عليا

ابغى طريقه تخليه يندم انه مد يده عليا

كيف برأيكم ؟

__________________

المشكلة مافي شي يشفع لك في الموقف هذا يا منفردة للأسف !

إنت تطاولتي عليه بشكل كبير وكلامك اللي قلتيه زي السكين في القلب