يوم سجلت في المنتدى من سنوات كانت بدايت طلاقي وكنت حزينه جدا وعاشقه ولهانه اتنفس الالم من بين ظلوعي وادور طليقي في الشارع ابي اروي عطش قلبي لو بنظره اهملت بنتي عمرها شهور يربونها اهلي وتربيها الشغاله وكان همي يحن قلب طليقي ويرسل او يتصل ويطلب يرجعني كنت اترك جوالي مفتوح واي اتصال افزع واروح اركض يمكن يكون طليقي واي رساله يخفق قلبي وابتسم الا شعوري يمكن يكون من طليقي واي رجال يطق الباب كنت اركض وافتح الشباك اطالع يمكن يكون هو
واذا طلعت في الشارع عيوني ماتنزل من السيارات يمكن اشوفه
مرت سنوات وانا اعاني من هذا المرض ورحت طبيب نفسي وعطاني حبوب مضاده للاكتئاب ورتحت كثير بعدها صرت اروح ارقي نفسي عند كل شيخ واتلذذ بتعذيب جسدي واخليهم يتسلطون علي بضرب المبرح وكنت اصيح واصرخ واقاوم وارجع البيت مرتاحه احس اني طلعت الم وصرخات قلبي وقاومت الراقي بكل قوتي وكل يوم يتكرر معي نفس الشي
بعد سنوات اصبحت مثل الدميه اسلم جسدي لاي راقي يعذبها. وكنت استمتع بتعذيب نفسي عشان اخرجها من الحزن الداخلي الي الالم الخارجي واشتت تفكيرها واصرفه الي امر غير الحزن والشوق والوله والانكسار والاحساس بالظلم رغم الالم عقلي ماتوقف عن التفكير في طليقي واجلس اسرح واتخيل كل لحظه كنت معه واشم رائحة بيتي وامشي واتنقل بخيالي في كل غرفه من غرف بيتي بعد ماصار عمري بنتي خمس سنوات طلب ابوها يشوفها كنت ارجف وانا البسها وبطني يمغصني وارمي الملابس على اهلي اقول لبسوها انا ما اقدر شعور غصب عني ....هل هو الحب ياقلبي ام من طول اعتصار الالم ام هو الشوق
...بعد ماترجع من عند ابوها كنت احضنها واشم ريحة عطره في ملابسها ولا اغسلها عشان ماتروح الريحه مرت سنوات طويله وانا على هذي الحاله ودعوت ربي الخلاص والخلاص بعد عشر سنوات اتصل طليقي يعتذر من ابوي على ماحصل منه
لانه ظلمني وظلم بنته وعلقني في حبه بالكذب والخدع وقال لي اكثر من مره تخصصه النساء ويقدر يخدع اي وحده ويطلعها معاه ويعلقها فيه وكان يقول والله لخليك تكرهين الرجال كلهم حبيته بصدق لان قلبي خالي ولا يعرف الكذب والخداع والرجال وكنت محرومه وتزوجت متاخر جدا
بعدين حصل رسايل بيني وبينه وطلب يرجعني وقال كيف اخليك تسامحيني
طرت من الفرحه ورجع لي الامل وتظاهرت بنسيان ظلمه وقلت له خل امر السامح للايام
لان قلبي مهو راضي يسامحه لكن قلبي يبيه وابي اداويه لما ارجع له واصير بقربه
انا تطلقت منه وانا في قمت العطش له وجلست ظميانه عشر سنوات وابي ارجع عشان اروي عطشي حتى لو ماسامحته وحتى لو اتطلق منه ثاني مره
في قلبي نار شابه لما طردني من بيتي وحرمني منه بعد ماعلقني فيه ولازم اطفي ناري وبعدين اتطلق منه واعيش مرتاحه
بعد ماتاكد ان مازال في قلبي حبه له تطمن وصار يماطل في امر الرجعه وانصدمت للمره الثانيه بس هذي المره دعيت عليه وطلعت اللي في قلبي كله وتركته وبعد مده صار يرسل مقاطع او اقصص او ادعيه واتس كلها جس نبض
بس هذي المره سفته ولا رديت عليه ولا يعرف وش في قلبي
بعد الصدمه الثاني رجعت اتعالج عند الطب النفسي من جديد واصرخ بصوت عالي خلاص يكفي تعذيب وظلم لي انت ماشبعت عشر سنوات
كنت امشي في شارع طويل واصرخ وابكي حتى يرتاح قلبي وارجع للبيت ...بعدها اقنعت نفسي ان هذا الرجال مافيه رحمه ولا خوف من الله واللي بيني وبينه بنته يشوفها ويطس في اللي مايحفظه
بعدها غيرت تفكيري كيف اطور نفسي ودرسة دبلوم الارشاد الاسري وتخرجت بتفوق ودرسة دورات تطوير الذات الدراسه شي ممتع جدا غسلت عقلي من اي تفكير سلبي حتى لو بقا ترسبات افضل من بقا الالم والافكار السلبيه
وجهت قلبي وعقلي بدعاء والخضوع بين يدي ربي وكنت قريبه من بر والدي ووالدتي واحاول ما اتركهم حتى في قمت المي الجسدي والنفسي من سنتين ابوي اصيب بجلطه واصبح طريح الفراش ولكن عقله صاحي ويحرك جزء واحد من جسمه اهتميت فيه في لبسه واكله وتنظيفه وتسبيحه وعلاجه ماكنت ارتاح ولا انام الا لما اروح اشوفه نايم او لا
مرتاح او لا
اقوم من نومي اروح اطل عليه واقيس سكره وارجع انام
الحمدلله ربي عاني على خدمته وفيه بعض التقصير الله يتجاوز عني
والحمدلله ربي فرج لي برزق طيب يرقص له قلبي مع العلم عمري في الاربعين لكن احس توني صغيره واول زواج لي
من اسبوعين تم عقد قراني على رجل قريب من عمري ومطلق وفيه موصفات اللي كنت اتمناها من سنوات طويله انفتح له قلبي بدون شعور وحسيت اني اعرفه من سنوات اتكلم معه بكل راحه وانسجام عكس طليقي الاول كنت حذره وخايفه ومتردده
وزوجي الجديده صار نفس طبعي ونفس طيبتي وعفويتي ويقنت ان هذا هو زوجي الحقيقي اللي راح اعيش معه العمر كله باذن الله وليس طليقي
فيه فرق بينهم وكل شي يصلحه زوجي لي كنت استشعره واحس انه مرسول لي من الله
والحمدلله على رزقه ومنه وعطائه
اللهم تمم على ووفقني معه ووفقه معي
اللهم زوج ووفق كل بنت او مطلقه او ارمله وكل شاب عازب اومطلق او ارمل
اخواني واخواتي سردت لكم قصتي حتى ابعث الامل في قلوبكم
كونو مع الله يكون معكم ولا تياسو من رحمة الله
وايقنو ان ما اصابكم خير لكم وان شاء الله الفرج قادم
دعواتكم لي

__________________

ماشاءالله تبارك الله ، الله يكتب لنا ولكم ولمن يقرأ السعاده بالدارين .

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ماشاءالله تبارك الله

سعيدة عشانك و ربي يزيدك من فضله

يا الله

قصة محزنة ونهايتها مشرقة بفضل الله ثم بصبرك

ما شاء الله

هذا عوض الله لك فاحمدي الله
وأسأل الله ان تجدي في زوجك ما ترجيه ويكن لك معينا محبا كريما

__________________
يا رب خاتمة حســنة ، وزلفى ، وحسن مآب ..

ماشاء الله الله يوفقك اختي احنا المطلقات جتنا صدمات من هالدنيا واش سوينا احنا الحمدلله على كل حال.....

ياااحبيبتي الله يووفقك وييييسعدك ويسخره لك ياااارب وعساها زواجه الدهر

__________________
أعلل النفس بالآمال ارقبها .. ما أضيق العيش لولا فسحة الأمل

ماشاء الله ماشاء الله الف الف الف مبرووووك الف مبروووك
صدقيني راح تلومي نفسك عالعشر سنوات الماضية وكيف تركتي نفسك للحزن

الحمد لله مبروك

اجر بإذن الله

الله يبارك فيكم ويتمم علي
ويرزق كل محروم ومحرومه

__________________

الله يسعدك ويوفقك ويرزقك بذريه الصالحه
وعد الله حق (وإن يتفرقا يغني الله كلن من سعته)
بس يبغالنا حسن الظن بالله