يااخوي
ترى الدنيا تفاهم
انت ماتحب السفر هي تحب
ليه تلقي شخصيتها
خير الامور اوسطها
ماعندك ماديه ودها مكان قريب
لو اربع ايام ودور ديره رخيصه وعش اجواء شهر العسل يمكن يجوز لك السفر
انت منت شاري جاريه ولا سبيه تبغاها نفس ماتبغى بالضبط
والقصر مااطلعنا عليه
بس ذوقيا تاخذ رايهم
وتشوف حل مرضي للطرفين
يمكن القصر قديم او يفشل او او ماندري حنا
لانا نسمع من طرف واحد
غيره ماقصرو لما شافوا انك فعلا متضايق وانفصال قالوا مايسوى
غيرهم قالوا طلق وخذو نص المهر
الموضوع لايستحق الطلاق
ويمكن الي يايدونك بالطلاق
ماتدري يمكن مسفرين حريمهم بشهر العرس وقصر عرسهم معقول
لاتخلي احد يشحنك على زوجتك واضح انها تحبك
واذا ماتبغى المظاهر
كان تزوجت بالبيت
مو مساله مظاهر يمكن فعلا حابه تسافر
وحابه قصر حلو

السلام عليكم ورحمة الله وبركاته ..

مع رأي الكريمات متفائلة والوفاء ومبتعثة ،

الطلاق لا يستحق على أمور تافهة الحياة القادمة لابد فيها من صبر وتنازل كي تسير الحياة والمهم تحافظا عالإحترام الذي بينكما ..

وفقكما الله وتعوذ من الشيطان ،بنات الناس ليس لعبة وتطلق قرب الزواج !

الي اوله شرط آخره نور ، والحمدلله انك كنت واضح معاهم وكنت صارم وارضخوا لمطالبك ، انا اشوف انك تكمل الزواج اذا شفت انها مناسبه لك ....!
وخلك حازم معاهم انك ماتحب السفر ووضعك المادي بسيط تبون رجال او تبون ماكينة صرافه ووجاهه ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

وانت لاتكون برأيك متعجرف ويابس

شهر عسل تراه
ومافيها شي لو طيبت خاطرها وسافرت

القصر صح معك حق ..لكن السفر اذا ماسافرت بشهر العسل متى بتسافر ؟

انت ماتحب السفر
خلك وسط بوجهة نظرك ..انت ماتحب السفر
لكن توازن شويه
خلها سفره بالعمر مره وبعدها لاتسافر ابد

واضح انك متعنت جدا اوكيه ماتحب تسافر روح لو كم يوم اي مدينة جو المملكة مافيه مشكلة يعني عرسان وتبغو تقضوها جو البيت لاراحة ولاجية مرة صعبة ... لاتسمع للي قاعد يشحنك على البنت ترى طلباتها معقولة مو مبالغ فيها وبعض القصور فعلا تكون سيئة وماتستاهل ينحط فيها ريال واحيانا يكون فيه ارخص منه وأفضل .. يعني معليش لاتحسب انك اذا تركتها بتلقى شي واو وحدة كاملة مكملة وبس تقولك سمعا وطاعة البنات الآن تغيرو والواحد يكون فيه مرونة مو ياخذ البنت ويبغاها نسخة من أفكاره ماتخالفه بشيء الكلام اخذ وعطا مو على طول ماعجبك انت طالق ترى لو طلقت زي ماهي راح تتضرر انت نفس الشيء الآن الغالب اذا جاهم مطلق يترددون كثير فلاتحسب المسألة هينة .. الله ييسر لكم أمركم ويجمع بينكم في خير .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

مع رأي الأخت .. كلامها منصف ومنطقي

كمان يا أخي هي مرة في العمر شهر العسل .. ليه ملغيه تماماً من حساباتك ؟ هل بسبب التكاليف تفوق طاقتك ؟

والله يصلح حالك

الرجال يقول ماعندي فلوس يعني رجال على قد حاله ماهو متعنت الحريم هنَّ المتعنتات ....!
والله مشكله يقول لكم حالتي الماديه على قدي وتقولون سفرها لو مره .....!
حيل الله اقوى ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

اخوي المتواضع
هو يقول بعد مااحب السفر وياما انعرضت علي سفرات مجانيه ورفضت
يعني مو ماده بس ماعنده رغبه بالاطلاق
والحين اختلف الوضع صار عنده زوجه وشخص ثاني عليه انه يراعي مشاعره
و السفر الان الحمدلله في اماكن معقوله واسعارها زينه

وضحت لابوها كل شي قبل الملكة ضحك وقال يا ولدي احنا ما علينا من هالخرابيط يقصد شهر العسل والقصر قال احنا نشتري رجال وطبعا ما كان عند كلمته للاسف
وضع شروطه ووضعت شروطي والمسلمين عند شروطهم
الحمدلله اثثت الشقة كاملة وانهيت كل شي من دون ما اتدين ريال واحد يعني تبوني اتسلف عشان سفرية
بعد الملكة تنازلت عن بعض شروطي وقلت ما يخالف بس هم يبوني اتنازل عن كل شي طيب ليه وافقو من البداية
والله اني متفاهم معهم ومقدر ظروفهم وهم العكس تماما ما تركو لي مجال اتفاهم معاهم وقفلو كل الابواب في وجهي يقولو لمن تلبي مطالبنا تعال نتفاهم طيب انا وضحت لكم كل شي ووافقتو
مفهوم شهر العسل عند زوجتي سفرية للخارج ولا انا كانت نيتي اسفرها داخل المملكة مو زي ما ذكرتو
اكثر كلمة سمعتها منها ومن اهلها وش تبى الناس تقول علينا
انا قبل ما اتقدم لهم ضربت حساب الكماليات وجمعت لتأثيث والقصر والعشا ولاني ما احب السفر للخارج قلت انه مو مهم ما كنت داري انه صار ركن من اركان الزواج
البنت وضحت لها كل شي وما كانت ترد عليا بالاسابيع للاسف تبغى الواحد يقلها طيب ما تبغى تتفاهم او تتناقش
شفت كل الاساليب ما نفعت معهم وحسيت اني ذليت نفسي معهم قلت خلاص مالها الا الانفصال والله يعوضنا ما بعتها او شايف بنات الناس لعبة
التنازل لازم يكون من الطرفين وهي شايفة ظروفي ليه ما تنازلت خاصة انه شي كمالي مو مهم ربي بعدين يفرج علينا ويوسعها من عنده واعوضها قلتلها هالكلام وما عجبها
بالنسبة للبنت عاجبتني وفيها ايجابيات وسلبيات زي ما انا فيا الايجابيات والسلبياتوالبيوت مليانة بنات يبون الستر ما فكرو في شهر عسل في ماليزيا ولا عرس خيالي
وعلى فكرة القصر عجبهم بس قالو صغير ما يكفينا طيب هذا الي قادر عليه

خلاص اخوي ارجعوا ووافقوا
وش مزعلك منهم الحين