رد : المستشار
أخي الكريم أبو عبدالله:
أولاً ألف الله يحييك بيننا بهالمنتدى وربي يكثر من أمثالك وخطوة طيبه جيتك هنا وربي يكرمك
اسمع مني يا ابن الحلال
سؤالك الاول
1- القرآن الكريم حط ثلاث علاجات للمره اللي ما هي سنعه هي الوعض والهجر بالفراش والضرب اللي فسره النبي أنه ضرب ما يعور وما قال اللي ما هي سنعه تزوج عليها.
2- العرس الثاني حلال ونعمة من الله حسب الظروف اللي تحتاجها للزواج ما هو لازم تغلط الاوله عشان تعرس ثانية.
3- العلماء الله يجزاهم خير يقولون إذا كنت كويس مع زوجتك الأولى وصار بيتك وأهلك وأعيالك منك بخير وطيب ورحوم فأنت كفو تعرس ثانية وثالثة ورابعه بس إذا صرت تحوس الاوله وتبي تجيب ثانية تحوسها واتجمع حريم وتحوسهم ما يصير يا اخوي.
4- إذا غلطت الزوجة اسألها ليش غلطتي وخلك حنون وارحم وتسامح وما حطك الله عليها قيم إلا عشان تعلمها واتفهمها وكم مره تبي تأدب بالعرس الاوله بثانيه والثانيه بثالثه والثالثه برابعه طيب وبعدين.
4- إذا غلطت انت عليها ترضي وش اتسوي لك؟ وإلا انت من الملائكة
5- ابي اعلمك طريقة تعالج فيه الغلط من زوجتك اعتبر الزعل باقروش زعل قيمته بعشر اريال وزعل بمية وزعل بالف اريال وزعل بعشرة آلاف شف كم مره تزعل من أهلك وشف قيمة زعلك يعني لا تزعل على كل شي يصير زعلك رخيص يا أخوي اعتبرها هي وورعك واحد بالغلط ارحم وطنش تعش تنتعش.
سؤالك الثاني
الاولين كانو محتاجين للرجال للحرب والضرب والخدمة والامن وصاروا يدلعونه يغلط ما يحاسبونه يبي يعرس اربع يزوجونه
تغلط المره يضربونها ويرجعونها له ويحبون راسه بعد يرضى كلش ولا ابو فلان بس الحين الحمد لله الوضع تغير وربي علمنا ودرسنا أن الدين ما يقبل المره تغلط على الرجل ولا الرجل يغلط عليها ومن حقه عليها الطاعة بالمعروف عرفت كلمة بالمعروف يعني ما ترضي لبنتك تطيع زوجها وهو يضربها ويقهرها صح وعلمنا الرسول صلى الله عليه وسلم أن المره ضعيفه هي واليتيم بالحق واحد فقال (إني أحرج حق الضعيفين المرأة واليتيم) يعني عساه بحرج اللي ياكل حق المره واليتيم .
ويا خوي اللي بيتسم بوجهك ترتاح له لو هو غريب فعلم زوجتك بالقدوة عشان تقلدك بالاخلاق الطيبه وسامحها عشان تسامحك لا غلطت عليها .
وربي ييسر أمرك وأمر كل مسلم.
قبل اروح أخوي ابو عبدالله
اسمع كلام الله لا تسمع كلام اللي ما يعرفون الدين الله يبي يحاسبنا باللي بالقرآن مو بكلام بعض الشيبان وهم على روس روسنا بس بعد كلام الله.
__________________
لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.
04-06-2012, 08:05 PM
ضوابط المشاركة
العرض العادي
