لا حول ولا قوة الا بالله
كل هذه التساؤلات سبق وسألتها لنفسي
انا اشعر بتأنيب ضمير شديد يصل لمرحلة جلد الذات
لذلك انا هنا
.
.
.
اكملي ... احتاج ان تكملي

__________________

روووح
ناطرتك
..................
خففت من عملي هاليومين
بس لين رديت البيت ما غيرت نظاامي مع عيالي
طول الوقت وانا على النت
سبحان الله ... رغم اني ما انكرفت في العمل
واتعوذ من ابليس اذا جاتني الافكار حول العمل
واطلع من وقت
اول ما اوصل البيت اسوي خطة للعمل لليوم التالي واوقف
بس ما قدرت اقعد من عيالي
الظاهر تعودت
الظاهر المشكلة فيني
وعشاان اخفف من تأنيب الضمير طلعت واشتريت لهم العاب
احس نفسي نفس فكرة الاباء اللي كرسو حياتهم كلها في تجميع الاموال
وفي الاخير ما حصدو شي
الكل التهى عنهم ...

على فكرة تعودت على الكسل والخمول في البيت
سبحان الله
سابقا ابدا ما كنت كسوووولة
ما ادري هل العمل امتص طاقتي
ويبي لي وقت
.........................
الحمدلله على كل شي
اللهم اجعل اطفالي قرة عين لي
ارجو من كل من يقرا موضوعي ان يدعو لي بظهر الغيب

__________________

اخلص شغلي الله يسعدك و أرجع أكتب

نيمت الأولاد و ذاكرت لولدي ،.

عندي ضغط عمل بكرة ، و شكلي اجلس مواصلة أو أنام بعد ثلاث ساعات

جمانة

للأسف كنت مثلك ، نحسب و نعتقد إنه ( تعويض الأولاد ) بالأشياء المادية ..
و كثرة الألعاب و الحلويت و غيره

راح يعوضهم عن غيابنا عنهم ..

لكن نحن كذا ( نضحك على نفسنا ، و نتهرب عشان من تأنيب الضمير )

صدقيني ، إنهم محتاجين لنا بشكل كبير

و ما اكتشفت و لا تحسنت معاهم ، إلا الآن ، و خاصة هذه الست أشهر و الحمد لله ..

رووح حبيبتي
خذي راحتك
بس في الاخير عطيني حل
لانه عندي تساؤلات كثيرة

__________________

شغلك ..
لازم تعرفي ايش اللي ( لك ، و اللي عليك ) ..

انجزي فقط اللي ( عليك ) ..
الشي الزيادة ( لا يكون على حساب بيتك و أولادك و نفسك ) ..
خاصة أولادك ..

.
.

( هذا اقتراح سريع )

شوفي ، الأسبوع عندك ( 7 أيام ) ..
نقسمها كالتالي /

5 أيام ( خلي العمل فيه ، بشكل مكثف .. بشررررررط :
ما تاخدي شي معاكي للبيت + ما تشتغلي يومين أبدا أبدا أبدا )

اوك ... جاري التنفيذ
خايفة افشل بس بحاول وبرد لك خبر عن اخر مستجداتي

__________________

اليوم خميس

لا تمسكي اي شي يختص بالعمل ..

.
.

خذي ساعة كاملة .. اجلسي ها مع الصغير و اشبعيه حنان ..
افتحي موية البانيو و حطي صابون و ملييييه و ألعاب ..
خليكي معاهم لو ساعة وحدة ..

بعد ما تحسيهم شبعوا منك ..
ممكن تروحي غرفتك و تروووووقي مع حالك ..

.
.

اخرجي بكرة السوق مع الكبير و الوسطاني ..
فقط انت و هما ..

اذا رحتي السوق او المووول
لا تشتري اي ملابس و لا تلفي محلات

انت خارجة عشانهم هما .. فقط
اجلسي معاهم و لعبيهم ..

الكبير لازم تعتبريه صاحبك من اليوم و راييييح

خلاص سنة أولى ..
ولدي سنة ثانية ؛ قبل سنة احس علاقتي به صارت أقوى
لآني أتكلم معاه كانه كبير و أراعي برضو براءة الطفولة و أسالته و فضوله

بسالك انتي كنتي ماشية على هذا النظام قبل ...
يعني اقصد المسألة مسألة تعود ولا ايش بالضبط
انا ساعاات العبهم بس انشغل بسرعة
واقعد معاهم بس ما اعرف اخذ واعطي مثل اختي
طبيعتي عملية ( سمعتي بالنمط الشمالي)
....
بحاول وارد لك خبر
......
مستجداتي :
اطلع على وقت الدوام
بدل ما اشتغل واخطط في البيت انشغلت بمنتداكم هههه
على الاقل مؤقت على ما اتعود انفصل عن العمل عاطفيا

__________________