اكتب وانا مفتحه نص عين .. لاني نعساااانه ..

مُرهقه جسديا ونفسيا من بنتي ..
أحبها ... اهتم فيها ... الاعبها... واسولف معاها ... لكن !!!


مافي نوم .. مو بس نوم .. مافيش حياة ابدا .

الوقت محسوب عليا .. نظامي تابع لها ..

عندي كلام كثير وتفصيل للشرح عن وضعي ..
بس الان قولوا لي كيف ارتب وقتي ؟
كيف انظم حياتي ؟
بحيث اني اهتم لامر بنتي وبنفس الوقت اعيش حياتي ؟

متى تنام نوم متواصل ؟


الله يكتب اجرنا .. صار العالم كله محصور فيها .. من عشره ايام خلصت لأربعين وقبل امس رحت بيتي .. كان ابوها بيجلس معايا اسبوع .. لكن اليوم رجعت لامي .. طلبت منه هذا الشي .. بس ما قلت له تعبت ولا قلت له مالي خلق لك .. جبت عذر ثاني وقال طيب بس بكرا اجيك ... يعني رجعتي لبيتي فيني فيني .. كيف ارتب حياتي بوجود بنتي ربي يحفظها ؟

ما يمديني أراجع اللي كتبته.. بنااااام

__________________

منفردة

امي الله يرحمها قالت لي بعد ما جبت طفلي الاول
( انسي النوووووووووووووووووم خلاص )

مابغى أحبطك اكثر
لكن اقل شي سنة كاملة لحد ما ترتاحي شوي

و شوفي لو تطلبي مساعدة امك لك و اهلك
و مرة وحدة تعلمي من امك كيف تتعاملي مع الطفل

بالليل سبحيها و دهنيها بزيت زيتون و عطيها رضعه حليب صناعي لو حاسة حليبج ما يكفي .
و خلي الضوء خافت جدا . عشان تبدأ تتأقلم على الليل والنهار .
واذا اتم اصيح شربيها يانسون او كمون عشان الغازات .

وان شاء الله فترة وترتاحي .

ولاتنوميها جنبك
دايما خليها بسريرها ولو صاحية وما تبكي و شبعانه خليها لوحدها .

ولا تشيليها كثير .. خلي الشل لوقت الرضاعه لانها راح تتعود عالشل و الهز وما ترضى بغيرهم . و راح تتعبي اكثر .

المشكلة اني عودتها بالأربعين تنام جنبي لانها ما حبت النوم ع سريرها
الان .. لما تنام لازم اول ما تتحرك أحط يدي ع رأسها وامسح ع صدرها وترجع تهدأ وتنام

لما رجعت البيت مافي امي ولا اخواتي وضعت مو عارفه اتصرف

زوجي يساعد ..
لكن المشكله بكاها .. ومالها وقت لا بالصحيه ولا النومه
ما اخرج ..

الان رحت لاهلي وخرجت معاهم لعمتي .. نااايمه بالصوت تعودت كذا الظاهر
بس بالهدوء بس تبكي .. يمكن استنتاجي غلط مدري

بس بسوي لها جو النوم وقت اللي ابغاها تنام وان شاء الله تنام لو ساعتين متواصلة ..

اي أفكار مستعده أطبقها .

ناس يقولوا لي خليها تبكي اذا كانت شبعانه ومافيها شي..
وناس يقولوا لا حرام

__________________

الطفل على ما تعووديه
عشان جي من اول ما ينولد حطيلج قواعد تمشين عليها عشان ما تتعبين.

مثلا ..النوم بفراشه .. حتى بالمستشفى يحطوهم بسرير وخلاص .
لا تشيليها الا وقت الرضاعه
لاتهزيها لين تنام .. متى ما تريد بتنام . رضعيها وحطيها بالفراش

لعبيها وهي ممددة وممكن تشيليها لكن قليل .

قرأت مرة امه الطفل فعلا يحب الاصوات لانه تعود وهو ببطن امه على صوت المحيط اللي برع واصوات بطن الام .
ممكن تنوميها و التلفزين شغال او شغلي قرآن .

توج خلصتي الاربعين .. فاتوقع بنتج لو تصيح بيكون في سبب . يا جوعانه يا وصخت حفاظتها يا فيها غازات او ممكن مغص
رقديها عﻻى بطنها وهي بايدج بيخف الم بطنها .

بشكل عام . اذا اهتميتي زياادة فيها وعودتيها على وجودك حواليها طول الوقت و على انه ما تنام الا وانتي على راسها
تنتي راح تتحملي النتيجة و تضطري تسوي نفس الشي الفترة الجاية .

صح اذكرت شي .. ممكن ينفع

فالليل ظلمي المكان و حطيها عالسرير ولا تلعبيها . و الصبح لما تقوم شمسيها و افتحي الستارة يدخل الضوء ولعبيها
وشوي شوي راح تستوعب انه الليل هدوء و النهار نشاط

هالكلام قريته مرة في موقع للاطفال

و بصراحة الكلام اللي قبل طبقته والحمدلله مااذكر بالضبط متى ضبطت نوم بنتي بس بشكل عام اقل من 6شهور
بس كانت تقوم ترضع وتنام

ذكرتي لو تنام ساعتين متواصلة ؟؟؟

وضحي اكثر كيف نومها
وكم تبكي

لما يكون في ناس تنام ساعتين بالازعاج
لكن ببيتي تعبتني نص ساعه بالكثير وتصحى.. مو تصحى تصحصح لا .. تصحى تزن وتبكي وتخرب عليا اذا كنت اشتغل شغله وتنام...


طيب قالوا حطي سيريلاك ملعقه بالرضعه علشان تنام ! بس متردده


طيب من بكرا بستخدم اسلوب انه اسوي لها مساج بزيت زيتون وارضعها واحطها بسريرها ..
اتركها تبكي !
طيب اتركها لوحدها ولا اجلس عندها !

ع الأقل بجلس مع ابوها شويا بوقت راااايق بدون واااا واااا

__________________

تلاقيها جوعانة و ما تشبع كويس