قد يكون رقم مزعجها وخايفة تقولك وعارفتك وخابزتك انك ماراح تصدق و على ادناة الدون ترمي بشكوكك عليها بدون ادنى دليل مثل ما انت قاعد تسوي الحين!

وقد وقد وقد.. بعدين مافي اوصاف تنطبق عاللي يخونون ويخربطون وغيرهم لا!

اجل اذا تسهر معناته تكلم؟

اتق الله يارجل! واذا انت شكاك اطلقها لوجه الله للي يقدرها!

توها صغيرة.. هالبنت جوهرة! شوي وتشيلك من الارض وقايمة بامك وحاشمة بيتك!

المشكلة بديت تتخذ الاجراءات وتفكر وكان شكوكك صحيحة ومؤكدة ولا بعد وصلت فيك تفكر لما بعدها واللي بعدها!

ماضيها مالك دخل فيه مثل ماهي مالها علاقة بماضيك

ويقولون لنا ليش تخافون من الزواج وتامنون ومستقبلكم واعماركم على فلوس وبيت ولا تامنون ازواجكم.. الله يصلح الحال!

ربي بيفرجها لك
ماهي خاينتك وانت عندها بالبيت
لا تخلي الشيطان يخرب فرحتك ياعريس
الله يستر عليكم دنيا واخره

ومن ناحية السهر انا أمراءه متزوجه وباذن الله اخاف ربي وصالحه وللحين ما نمت
وتحب السهر مِن زمان
لاتربط الأمور ببعض

زوجتك نادره ماشاءالله

بنظري راجع نفسك انت وشوف تسرعك وشكوك
هذا رقم بالجوال شوف ايشً سوويت بحالك
وشكيت في بنت الناس
اذا استمريت بهالشخصيه حياتك ماراح تستمر والله يعينها عليك
لا تزعل مني هنا احنا اخوه
ولازم نوضح لبعض

مع الأسف الشديد أخواتي قد تكوني ما فهمتي المقصود ؟

وين قلت ان اللي تسهر تكون صاحبة مكالمات ؟
أنا قلت العكس

من صفات صاحبات المكالمات أنها تكون تسهر

بس ما قلت انه اذا بنت تسهر تكون صاحبة مكالمات أبدا و انا اقولك خواتي يسهرون و عادي أفهمو كلامي الله يجزاكم خير،،،

بالنسبة تروح لواحد يقدرها ما فيه احد راح يعاملها بنفس الطريقة اللي اعاملها فيها و هذا هو السبب اللي يخليني جداً مقهور و مو مصدق

.........

طاحت ولا أحد سمى عليها...


ياخي ترانا نسهر والجوالات بيدينا ونرد ع ارقام غريبه ونقول لازواجنا ازعجني رقم وسويت له بلوك ولا قد شكو فينا .............




عارف ليه لانه الي زي زوجتك ماينشك فيها وعندي احساس انه المكالما الي شفتها 12 ثانيه لكن من ........ شايفها 12 دقيقه......


دعواتي لها ان يصلح لها زوجها ولا يفكها منه لانه حياتها معاك ماهي سنه ولاستين عشان تتحملك ...

ياخي اوكي رجل وتغار لكن لا تسمح لشكوكك توصلك لبعيد....

بالله وحده خاينه ولها ماضي اسود بتعطي زوجهز جوالها يفتش ويلعب بدون خوف ع الاقل اذا نامت ماتخليه مرمي بتشيله لا تجيها رساله من ماضيها الاسود ع قولك ....

الحمدلله الذي عافانا مما ابتلاك به....

لا والمصيبه كاتب خانتني 90 بالمئه ....


ياخي إتق الله توقعت انك ماسك عليها مكالمه غزليه ماسك عليها رسائل ماسكها وهي تقابل ....



استغفر الله العظيم حزنت ع الملاك الي معاك ....

ايه هنا المشكلة.. انك اذا شفت شي سخيف بتصير تشك حتى ليه وقت نومها كذا مو كذا..

ليش طلعت بهالوقت.. ليش ما اكلت.. وتربطها بموضوع الخيانة

وتسوي سالفة بخيالك على احداث يومية عادية!!!

ومعاملتك اللي تتكلم فيها.. المفروض عرفان لها على كل شي تسويه لك! المفروض والطبيعي انها تكون بالمعروف والغير طبيعي انها تكون غير كذا! مالك فضل يعني

واذا اللي سويته عظيم وفظيع ورائع ومحد بيسويه وشكيت فيها وحطيت النون ومايعلمون عند اول مفترق طرق فاسمح لي.. "قط افضالك عليها بالزبالة"!!!!

المراة تريد الامان قبل اي ماديات واب كلام حلو لان مالهم معنى بدون امان.. واذا عرفت هالشي اقل ردة فعل انها ماراح تنساه لك حتى لو توضح العكس.. هذا اذا ماتغيرت عليك معاملتها ومشاعرها بكبرها ومحد يلومها وقتها

لاتستسهل اتهاماتك ابدا!

صباح الخير

والله ياخوي انا اشوفك مشحوون جدا ومندفع بشكوكك وعايش دور المظلوم

ترى الموضوع مايستاهل

كل اللي تسويه تعالي يافلانه بهداوه وانتم تتقهوون واسألها عن الرقم

لاتخلي الشيطان يكبرها في راسك

ان بعض الظن اثم

اجل لو كانت تكلم زوجتك واذا دخلت قفلت الجوال زي اغلب الحريم لاكنا نكلم خواتنا ولا امهاتنا في مواضيعنا

الحريميه 😆 وش بتسوي بتقول خانتني 2000%

اقطع الشك باليقين واسألها

واضح ان زوجتك على نياتها

بعدين ليه التفتيش والتنبيش
دامها تحبك كل الحب هذا وانت بعد
تبغى نكد وبس



ولاتجسسوا

-





والله البلاء مهوب في زوجتك البلاء فيك وانا اختك
اجل في وحدة ..... تكلم وتغازل وتفضح نفسها
وتخلي الجوال في يدك ان كان حطت رمز والا ماخلتك تمسكه من الاساس
وبعدين .. ليش ... تفتش جوالها منت بواثق في نفسك
عندك مشكلة مع نفسك
يارجل حامت تسبدي الله يعين زوجتك

.........
الماضي يبقى ماضي
لاتخلط ماضيها بحاضرها مع مستقبلها

اتعوذ من الشيطان بس
........

معلييش على اسلوبي بس تحمست شوي

__________________
استغفر الله وأتوب إليه