دكتور لوسمحت ؟؟ خواتي ساعدوني مابي اظلم اي رجل معي - منتدى عالم الأسرة والمجتمع
logo

الملاحظات

عيادة الاسرة الإجابة على الإستشارات الطبية العامة

موضوع مغلق
قديم 24-08-2006, 07:50 AM
  #1
kataya
عضو دائم
تاريخ التسجيل: Aug 2006
المشاركات: 65
kataya غير متصل  
دكتور لوسمحت ؟؟ خواتي ساعدوني مابي اظلم اي رجل معي

والله منحرجة بس انا تعبت من التفكير وودي الاقي عند الدكتور وعندكم حل

انا عمري 21 ومشكلتي اني كنت متينة وضعفت ورديت متنت وجذي ((كان عمري 15 وما كنت ادري ان في تشققات تطلع)) عفية دكتور وبنات قولولي شنو اسوي انا رفضت الزواج لاني مابي اظلم اي ريال معاي ..المتن شوه جسمي بدون مبالغة التشققات وايد وايد بكل جسمي ..صكت بويهي الدنيا وانا بصير مدرسة واشوف اليهال وتمنى يكون لي واحد بس انا ما اقدر اتزوج الريال يبي وحدة جسمها طبيعي مو مشوه مثلي
المتن سببلي سواد في المنطقة الحساسة سواد وايد ..وفي رقبتي واباطي وبين الفخوذ والله احس حياتي انتهت
اول مرة اكتب لاحد عن مشكلتي ساعدوني جزاكم الله خير اعتبروني بنتكم او اختكم ؟؟شنو اسوي

دكتور انا ودي اسوي تدبيس معدة انصحني جزاك الله خير لها مخاطر ؟؟بعدين الجلد اقدر اعالج التشوة اللي فيه ؟؟

عفية لا تردوني وردو علي ..
قديم 24-08-2006, 08:38 AM
  #2
(جمانة)
عضو مميز
 الصورة الرمزية (جمانة)
تاريخ التسجيل: Apr 2006
المشاركات: 655
(جمانة) غير متصل  
اختي
هدي بالك
المسألة ما تحتاج انك تزعلي نفسك بهالطريقة
الله يهديك بس
اول ما قريت العنوان ويهي صار
قلت اووووف شنو عاملة
ولما قريت موضوعك قلت يبيلك
خرعتينا
شويش بشويش على نفسك
اولا
انت عندك مشكلتين او ثلاثة
الاولى : زيادة الوزن ..... عادي خير ياطير
لو لاحظت معظم البنات وخاصة في الخليج عندهم زيادة
بس لازم تسوي ريجيم وحطي هدف انك تخفضي وزنك
وتابعي المنتديات المتخصصة بهذه المواضيع
ما اشوف انها في مشكلة
والشاب اللي بيخطبك اكيد يعرف انك متينة وراضي في هالشئ
بس انت حاولي تضعفي موعشان احد ... لا ... عشان نفسك وجسمك
وبلا تدبيس معدة بلا خرابيط
ولو اني ما عندي خبرة في هالمواضيع


المشكلة الثانية : ظهور التشققات
اكيد ان التشققات توها ظهرت عشان كذي انتي خايفة
انا الصراحة جسمس متروس تشققات ومب فارقة عندي
و وايد بنات نفس الشئ
في البداية يكون لونه احمر وشكله يخوف وبعدين يبتدي يصير لونه ابيض
وانا الصراحة استانست لما صار ابيض لأن لون بشرتي البيض
يعني غطا عليه وانت ما ادري عن لون بشرتك ؟؟
بس يقولون دايما مسحي هالتشققات بخل التفاح

المشكلة الثالثة : سواد بعض المناطق
يا حليلك
شكلك مب عارفة الخبايا اللي تخبيها كل البنات
حبيبتي ... الحال زي بعضه ... لاتخافي
لكن احنا نسوي خلطات عشان يفتح اللون
واذا كلش متضايقة روحي عند اخصائية جلدية
تعطيك ادوية تودي اللون الاسود في شهور


ملاحظة مهمة :
لا تخافي من نظرة زوجك في المستقبل
اصلا معظم الرجال ما يدققون ولا يهتمون بهالمواضيع
بس احنا الحريم عقلنا خفيف
والله انا صاجة معك
اسألي اي وحدة من المتزوجات تقولك نفس كلامي
مثلا مرت اخوي تبي تشتري كريم يبيض الركب قالها اخوي ما عندك سالفة !!!!!
وهاي طبع النسوان وهو النظر في التفاصيل عكس الرجل

يالله موفقة ان شاء الله
عقبال ما نشوفك عروووووس يارب
.
.
.
اسماء
قديم 24-08-2006, 10:21 AM
  #3
jimy
عضو نشيط
تاريخ التسجيل: Nov 2005
المشاركات: 133
jimy غير متصل  
سؤالك للدكتور نبيل بس ح اتعدى على حقوقه ........اختي كم وزنك اصلا وكم طولك

اذا كنتي متينه جربي برنامج الرجيم الكيماوي انا الصراحه جربته ونزلت من وزني .....اما بالنسبه للتشققات انا اسمع عن خلطات ان شاء الله اسألك عنها ...............اما الاسوداد فانا استعمل الروب والعسل واعطى نتيجه روعه انا استعملته يوميا لمدة اسبوع وحسيت بالفرق ان شاء الله اكون افدتك .
__________________
[
قديم 24-08-2006, 12:57 PM
  #4
bolbol1
عضو نشيط
تاريخ التسجيل: Mar 2005
المشاركات: 1,620
bolbol1 غير متصل  
اختي الكريمه
اولا لاداعي لكل هذا التشاؤم الكثير من السيدات يحدث لهم ذلك مع الحمل . مهم الان الا تياسي و لا تكتأبي .اولا لازم ريجيم او تدبيس المعده او حزام المعدة كلهم كويسين
اما السمار فيه كريمات تفتيح البشرة كثيره و يمكن عمل سنفره جلد في اي مركز تجميل لتقليل الاثار و لا تقلقي هي لن تكون مشكلة كبيره
د.نبيل

التعديل الأخير تم بواسطة bolbol1 ; 24-08-2006 الساعة 01:00 PM
قديم 24-08-2006, 05:25 PM
  #5
kataya
عضو دائم
تاريخ التسجيل: Aug 2006
المشاركات: 65
kataya غير متصل  
دكتور يعطيك الف عافيي طمنتني ...انا وزني 114وطولي 152 وكل من نصحني بالعملية ثلاث من زميلاتي مسوينها وفادتهم والله ما قصرت اسفة تعبتك معاي

اختي اسماء: حبيبتي ماقصرتي والله ردج ونسني وريحني بنفس الوقت انا راح اجرب خل التفاح والله كريم . اسفة خرعتج بس هذي كانت مشكلتي من الصغر وكنت حاطة بقلبي من جذي انفعلت والله انج ماقصرتي


jimy الف عافية ماقصرت والله يجزيكم الف خير وانا راح اجرب العسل والروب ناطرة تعاونك معاي على الخلطة انشالله اخسر الوزن اللي ذبحني
اللي يعرف كريمات زينة حق التشققاتوالسواد طلبته يساعدني وماراح انسا جميلة طول العمر
بنتكم
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:04 AM.


images