لا تنسى وصية الله لك
(ووصينا الإنسان بوالديه حسنا) هم أحق الناس بحسن صحبتك عقوقهم من أكبر الكبائر بعد الإشراك بالله والإنسان المسلم الذكي اللي يقدر يرضي والديه ويحصل على ما يريد بالحكمة احذر بكرة بعد ما تجيب عيال إنه أبنائك يعاملونك مثل ما تعامل والديك ويقاطعونك لأسباب عدة مو شرط تكون في الزواج |
أنت عارف وقت اللي تعافك وماتتأقلم على جوك بتقول لك باي والطامه لو فيه أبناء احلم تعيش معهم و تشوفهم..والله ابن صديق عائلتي تزوج اسكوتلنديه وأسلمت وعاش معها فتره ورزق بابنه منها بعد فتره سافرت لأهلها ولم تعد طلبت الطلاق وابنتها معها ومنعت والدها من الدخول للبلد يعني أول مانزل من الطائره رجعوا ركبوه وعلى السعوديه ارجع والى الأن مايعرف عن بنته شئ والله العالم البنت الآن يمكن عمرها 11 أو 12 سنه.. بالله عليك هذه كيف تنشأ تنشئه اسلاميه صحيحه في مجتمع أجنبي متخبط..فكر للمستقبل.. والمثل يقول حلات الثوب رقعته منه وفيه..
|
جاري متزوج امريكيه ..اسلمت بعد الزواج.. و خلف منها ولدين و بنتين .. و كانت علاقتي معها ممتازه .. ولكن كانت هناك مشاكل بينها و بين زوجها .. و كان زوجها عصبي لانها لا تستطيع ان تدرّس الاولاد لانهم يدرسون في مدارس حكوميه و هي لا تعرف عربي .. و كانت نتائج الاولاد ضعيفه ..و كنت اسمعه يضرب الاولاد اذا جابوا نتايجهم الضعيفه .. في احدى العطل الصيفيه سافرت لامريكا كعادتها لزيارة اهلها و رفعت عليه قضية طلاق و بالفعل حصلت على الطلاق و على حضانة الاولاد .. جن جنون الزوج .. وظل وحيدا في البيت .. والله اني كنت اسمع صوت بكائه طووول اليل .. باع منزله و صرف الاموال كلها على المحامين من اجل ان يستخرج تصريح لابناءه الصغار للخروج من امريكيا لزيارة اهلهم في السعوديه .. وبالفعل تمكن من اخراجهم من امريكا و وصلوا الي السعوديه و الي يومكم ما شافوا امهم .. هذا الكلام صار له اكثر من عشر سنوات .. البنت تزوجت من احد اقارب والدها .. اما البنت والولد الكبيرين فقد ذابوا في المجتمع الامريكي و الاتصال مع والدهم شبه مقطوع .. كانوا في حارتنا ينادون البنت والولد وهم صغار (عيال الامريكيه ) اخي لا تكن اناني و تجري وراء رغباتك .. فكر في ابناءك .. كيف راح يكون مصيرهم و من راح يتزوجهم .. |
اذا مافيك خير لامك وابوك.. الاجنبية مافيها خير لك..
وبعدين الاجنبية وراها بلدها.. وين تبي تسكن عيالك في بلد مسلم او بلد كفار.. واذا ببلد مسلم هل هي راح تتأقلم... واذا ماعجبها الحال.. راح تشيل عيالها وتهرب.. ويمكن تتنصر.. ومبروك عليك عيالك يكونون نصارى.. اسمع كم عدد الزوجات اللي هربوا.. وكم عدد الاطفال اللي صاروا يهود ونصارى على امهاتهم... وامك ما تنلام ولا ابوك.. مرسلينك عشان ترفع روسهم بالعلم.. وترجع لهم ويفرحون فيك.. ويزوجونك من خيره بنات البلد.. اللي من يومها مسلمه.. وجايهم جايب لك ..... تبيها تكون لك زوجه.. واذا ما وافقوا .. راح تتركهم.. عيب والله عليك كلامك... بحق امك وابوك.. اتركهم للابد.. مدري اذا تصلي او لا.. مدري اذا يوم سمعت بدعاء القنوت.. اللهم لاتجعل مصيبتنا في ديننا.. ولاتجعل الدنيا اكبر همنا.. الله يعين اهلك على مصابهم فيك.. والله يعظم اجرهم فيك.. ويسخر قلوب باقي اخوانك لهم.. ويكونون عوض عنك.. |
أنا من رأيي تزوج الإنسانة اللي تحبها عــــــــــادي
هاذي حياتك ومافيها شي انك تختار شريكة حياتك بنفسك بس في نفس الوقت روح عند اهلك وزورهم لا تقطعهم حتى لو زعلوا منك ومصيرهم مع الأيام يرضون بس انت تعامل معاهم بالسياسة وبالهدوء ,, لا تعاندهم ولا تتحداهم سوي اللي تبغاه بهدوء وبالتوفيق يارب |
مواقع النشر |
الكلمات الدليلية |
المساعدة, الديار |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|