(مميز) زوجة معدد؟ ...... تفضلي - الصفحة 2 - منتدى عالم الأسرة والمجتمع
logo

الملاحظات

المواضيع المميزة المواضيع المميزة في المنتدى

 
قديم 29-10-2013, 11:23 PM
  #11
آفاق المجد
كبار شخصيات المنتدى
تاريخ التسجيل: Mar 2011
المشاركات: 2,475
آفاق المجد غير متصل  
Cool رد : زوجة معدد؟ ...... تفضلي

مهرة ...
طيب أنا وش وضعي ..
كنت زوجة معدد
__________________
## مهم ##
هل تتعرضين للابتزاز في الانترنت؟


هنا من ينقذك
قديم 29-10-2013, 11:41 PM
  #12
موهبة الكويت
عضو مميز
 الصورة الرمزية موهبة الكويت
تاريخ التسجيل: Feb 2009
المشاركات: 3,769
موهبة الكويت غير متصل  
رد : زوجة معدد؟ ...... تفضلي

اخ يا مهرة اخ

والله لو ادري ان زوجي بيعشق زوجته لي هالدرجة ما وافقت عليه وخليتهم يسطفلون مع بعض

اللي ابيه اني اكون كاي انثى احس بحبه احس اني مرغوبة تخيلي كذا مرة يكرر علي متزوجج عشان امي

صراحة وواقعا ابيه مثل ما كان طليقي يحبني

وابيه يوقف معاي بالازمات

كل الازمات اللي مرت علي وانا عنده وقف ضدي

لما كنت بالنفاس كل يوم والثاني خننفصل عشان يرضي زوجته

ولما بنتي دخلت المستشفى نفس الشي يخليني اروح المستشفى بروحي وهى قاعد عند بناته وبالاخير لما قالي للطبيب لازم تترقد قالي انا ما اتحمل واذا تبين ننفصل يكون احسن ما ادري اذا بننفصل بيتبرا من بنته والا شنو

ابيه رجل معاي مو ضدي

دايما يحسسني اني ثقيلة عليه مع اني شايلة البيت بروحي

اخ يا مهرة خليها عالله

وهالايام مايتغدا عندي ابدا بس ايي بالليل

يعني كاني متزوجة مسيار

طبعا امه لها دور كبير في بعده عنا

غير انهم اهم اللي طلعوني من بيتهم لان البنات يغارون من اختهم بسبب ان امها عندها وهم لا

وايد انظلمت وايد انقهرت

وقاعدة اجاهد اجاهد للمحافظة على بيتي

ودي ان يعدل وودي ان يقدر مشاعري اللي دايس عليها

وان يعاملني بلين وبرفق


وبعد الصراحك ودي ان يدرك اهو شلون اذاني وظلمني

هو قلبه طيب بس لسانه واسلوبه سيئين جدا


وودي ان الله ينصرني على مرته وعلى امه لان مالي ذنب بالحرب اللي بينهم غير انه تقدم لي ووافقت عليه


صحيح ان فيه تطورات كبيرة ولله الحمد في علاقتي معاه

بس بالمقابل في نواقص وتقصير كبير

الله المستعان


واتمنى ان الله يرزقني الدهاء والذكاء الانثوي عشان اعرف امشي حياتي


هو يقول ان قاعد بعدل بس انا ما اشوف هالشي

الله المستعان



واذا عندي بقية كلام ماراح اتاخر بالفضفضة بارك الله فيج اختي مهرة
__________________
لا اله الا انت سبحانك اني كنت من الظالمين
قديم 29-10-2013, 11:43 PM
  #13
مهره
عضو المنتدى الفخري
 الصورة الرمزية مهره
تاريخ التسجيل: Aug 2003
المشاركات: 17,491
مهره غير متصل  
رد : زوجة معدد؟ ...... تفضلي

اقتباس:
المشاركة الأصلية كتبت بواسطة رجل حليم مشاهدة المشاركة
انا اختلف مع هذا الكلام تماما .. بل بالعكس .. لو لم اتعرض لجرعات حب مكثفة فسيكون رد فعلي باردا جدااااا يصعب علاجه


شفتي يا متفائلة؟

حتى ناعمة الهاشمي طلعت غلطانة
__________________


اللهم طِيبَ الأثر .. وحُسْنَ الرحيل.
قديم 29-10-2013, 11:47 PM
  #14
مهره
عضو المنتدى الفخري
 الصورة الرمزية مهره
تاريخ التسجيل: Aug 2003
المشاركات: 17,491
مهره غير متصل  
رد : زوجة معدد؟ ...... تفضلي

اقتباس:
المشاركة الأصلية كتبت بواسطة آفاق المجد مشاهدة المشاركة
مهرة ...
طيب أنا وش وضعي ..
كنت زوجة معدد

وضعج وضع أي مواطن صالح


خذي راحتج فديتج.. أكيد ستفيديننا.

__________________


اللهم طِيبَ الأثر .. وحُسْنَ الرحيل.
قديم 30-10-2013, 01:06 AM
  #15
ناآاني
كبار شخصيات المنتدى
 الصورة الرمزية ناآاني
تاريخ التسجيل: Jul 2006
المشاركات: 4,974
ناآاني غير متصل  
رد : زوجة معدد؟ ...... تفضلي

اهلا بالحبايب

والله مادري شقول ي مهره


انا غسلت ايدي مٍْْـٍْْ♡̷̴̬̩̃̊ـٍْْنٍْْ الرياييل !!


صار عندي هوس ... باي لحظه ممكن اطيح بهذا المطب!!


الظاهر المنتدى اثر علي سلبيا !!😥


اتمنى لكن الحياة السعيده !!
__________________
اللهم احفظ لي زوجي وسخره لي واحفظ لي اولادي
قديم 30-10-2013, 01:09 AM
  #16
أم خالد.
عضو مميز
تاريخ التسجيل: Oct 2011
المشاركات: 3,950
أم خالد. غير متصل  
رد : زوجة معدد؟ ...... تفضلي

ماشاءالله تبارك الله اشوف بديتو تتمرجحون هنا

عوافي يا صديقاتي المجاورات و امنياتي لكن بسلام داخلي أكثر فأكثر

لست زوجة معدد ..

لكن سأحكي موقف مررت به قبل اشهر يخص صديقتي

كانت تمر بابام صعبه مع زوجها حيث فاجأها انه ينوي الزواج باخرى

توها بنهاية العشرين و فيها الكثير من المواصفات الناجحه

بمعنى مو ناقصها شي ابدا عشان زوجها يدوره برى

قدر الله عليه و عينه زاغت خاصه ان له سوابق

من هنا و من هنا عقد الرجال و حدد موعد العرس

كبرت بينهم المشاكل في ظرف شهر و طلقها من نفسه و بدون طلب منها

كنت وقتها حاقدة على الانسانه اللي رضيت تتزوجه و هو بهالوضع

و ياما ظنيت فيها ظن سيئ .. ليش ظنيت لانه زوج صديقتي اساسا عينه طويله

و توقعت انه تعرف عليها من هنا وﻻ هنا

بعد ما تطلقت صديقتي بكم اسبوع تفاجئت اني اعرف الزوجة الثانية و امها تربطها بأمي عﻻقه وثيقة

سبحان الله يا الصدف

الزوجة الثانية قمة في الادب و الدين بل اخوانها يعملون مجالات الدعوة و امها ايضا

تلخبطت مشاعري ما بين فرحه و زعل

الثانية مطلقه و عانت كثيرا في زواجها الاول

و الأولى صديقتي التي خرب عشها و تشتت طفليها

لم استطيع ان اميز الوم من

سوى ان اللوم الاول يقع على الرجل سعى لخراب بيته بنفسه

و في نهاية المطاف ﻻ يسعني اﻻ ان اقول حسبي الله على بعض الرجال ماهم قد التعدد و يطالبون به

و في الحقيقة بعد هذا الموقف اصبحت ﻻ احزن على المراة إذا عدد الرجل

انا ﻻ امانع التعدد ابدا بل في نيتي ان ارتبط بمعدد مستقبلا ان اراد الله

لكن أين المعدد العادل ..؟!
__________________

الوعي هو الملاذ ..


أستغفر الله العظيم ؛
( الفردوس غايتي )
قديم 30-10-2013, 05:39 AM
  #17
فاكهة الشتاء
عضو متألق
 الصورة الرمزية فاكهة الشتاء
تاريخ التسجيل: Dec 2011
المشاركات: 3,158
فاكهة الشتاء غير متصل  
رد : زوجة معدد؟ ...... تفضلي

موهبة تغيرتي وايد ..
قبل ماشاء الله كان عندج أمل كبير في حياتج ..
ليش تغيرتي ؟
__________________
الحمدلله الذي بنعمته تتم الصالحات

قديم 30-10-2013, 05:41 AM
  #18
فاكهة الشتاء
عضو متألق
 الصورة الرمزية فاكهة الشتاء
تاريخ التسجيل: Dec 2011
المشاركات: 3,158
فاكهة الشتاء غير متصل  
رد : زوجة معدد؟ ...... تفضلي

مهره موضوع حلو
وشروط جميلة ومنطقية
__________________
الحمدلله الذي بنعمته تتم الصالحات

قديم 30-10-2013, 07:11 AM
  #19
مبتعثة سعودية
عضو نشيط جدا
تاريخ التسجيل: Sep 2013
المشاركات: 502
مبتعثة سعودية غير متصل  
رد : زوجة معدد؟ ...... تفضلي

بنات بقولكم شغلة خصوصا للمتزوجات
ملاحظة فيكم شي عجيب
تعتقدون اللي تسكت عن احتياجاتها هذا نوع من الحكمة والعقل والرزانة
تحسبون اللي تسكت هذي بيرتفع غلاها مع الأيام عند زوجها وعند اهل زوجها
تحسبون التنازل هذا بيسعد الرجل لا.. ماراح يسعدها بالعكس بيحسسه آنه مو فارق معك وآنك انسانة بسيطة وماتعرفين وش تبيغين في الحياة
طبعا
ما اقصد الوحدة تصارخ او تدخل أحد
لا
بس تكلمي
وضحي
حسسيه أنك متضايقة
شوفي اش طبيعته.. اذا تأثر فيه الدمعة انثري الدموع.. اذا يخجله التقدير والاحترام اغرقيه اذا يجي بالكلام الزين غردي وعندك قوقل مليان نصائح!

الأخت اللي زوجها له شهرين متزوج وتاركها.. ليه ساكتة؟
من اليوم كلميه.. بأسلوب لطيف
لكن ما تسكي ابد ابد
يحبك جزاه الله خير.. بس انت ناقصك شي لا تسكتين عنه بحجة انه يحبك لا يالغالية ماينفع
.
قديم 30-10-2013, 07:19 AM
  #20
مبتعثة سعودية
عضو نشيط جدا
تاريخ التسجيل: Sep 2013
المشاركات: 502
مبتعثة سعودية غير متصل  
رد : زوجة معدد؟ ...... تفضلي

نقطة ثانية ودي يابنات تعقلن وتفهن الكلام الاتي
التعدد صعب ومايناسب كل الشخصيات
يعني كبرتي وقلت فرص الزواج وصار مافيه قدامك اللي المتزوج
لازم تفكري بموضوع مهم
وهو شخصيتك ونفسيتك هل تقدر تتحمل ضغط الحياة
هل تقدرين تتحملين العيش مع معدد
هل تتحملين ضغط المجتمع؟ اهانة أهله ؟
هل تتحملين انك غالبا بتكونين الدرجة الثانية..
اسئلة كثيرة
فيه بعض البنات عندها القدرة وتقدم لها معدد صالح .. اقولها توكلي على الله
فيه بعض البنات ماعندها قدرة لو يتقدم لك صالح لا توافقي ابد لانك بتتضرري نفسيا
وصدقيني تعيشين دون زواج احسن من عيشة انت فيها مضغوطة نفسيا بشكل رهيب.

والله أعلم،
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:07 AM.


images