بسم الله الرحمن الرحيم
السلام عليكم ورحمة الله وبركاته
انا جديدة وهذه اول مشاركاتي
مشكلتي مع زوجي منذ بداية زواجنا
انا اخر العنقود وكنت عند اهلي مدلـله وطلباتي مجابه ومع ذلك فاانا قنوعة ولا اطلب سوى الضروري
المهم اني تزوجت من شاب بسيط جدا وقنوع جداً جداً جداً واخذ عني فكره اني مدلـلة كل ماطلبت شي يراه في نظره انه( دلع وماله داعي ) حتى لو كان الشي بالنسبة لي ضروري جداً
انا متزوجه من 5 سنوات واحب اجدد واغير في البيت ما احب الروتين يقول بدري على التغير والعفش جديد وماله داعي حتى زيارات الصديقات والجيران مالها داعي بس فضاوة وتضيع وقت بنظرة
نفسي اسافر الخارج يقول عندنا زي ماعندهم يعني يقفل كل المواضيع بوجهي
انا ودي ادخل بنتي الروضه اول ابنائي وفرحانه فيها وودي انها تستفيد يقول ماله داعي بس تعب وخساير مع العلم انه كريم يترس علينا البيت مقاضي وياخذنا مطاعم ويمشينا بس كل شي يراه اسراف حتى لو جاب لي اللي ابيه يقول عني اني احب المظاهر ومسرفه
هو مايترك فرض وكلها في المسجد ويخاف الله في جميع الامور ولكن احسه في موضوع الاسراف مزودها ويرضى بالقليل ويبني مثله
انــا احبه بس ابيه يعاملني على قد سني هو متعود على امه حرمه كبيرة ومالها اي طلبات ويبيني مثلها
انا اطلب طلبات طبيعية لكل فتاة في سني فانا صغيرة وهو ايضاً صغير ولكن تفكيره جدا كبير
زوجي طيب وحنون ويساعدني في ابنائي ولكنه شاب بعقل شايب
هل طلباتي غريبه او فيها شي ماله داعي ؟ ام انها طبيعيه
كيف اتعامل مع زوجي واخذ اللي ابيه بدون ما ازعله او ينظرلي نظرة المسرفة اللامبالية
انا كل يوم اتصفح في المنتدى وعجبني تفكير اعضاء المنتدى وعقلياتهم الكبيرة وحبيت استشير وافضفض
وجزاكم الله خيـــر