الحين معظمكم مجمع إني متراخية وماعندي مانع
تراني ماني ناقصة والله
تبوني أطرد ولدي من بيتي عشان أثبت لكم إني رافضة زواجه
تبوني أغضب عليه وهو ماطلب مني شي حرام
كيف أعلق رضاي عليه من عدم زواجه وهو ماطلب منكر؟
سنة وأنا أتصارع معاه عشان مايتزوج على زوجته آخرتها أطلع راخية وموافقة!!!
لا تجننوني تكفووووون
حطوا نفسكم بواقعية مكاني
أنا رافضة زواجه جملة وتفصيلا وزعلت منه ماكلمته شهر وقلت له يا أحمد حط عقلك براسك هذا الزواج مايتم.. فهمت ولا مافهمت رضيت ولا مارضيت هذا رأيي..
الناس كانوا جيراننا ونقلوا لبيت في حي آخر ومرة أبو عيالي كان مريض جو يزورونه أبوها وأمها وهي البنية.. علاقتي فيهم ممتازة..
علاقتي بأهل زوجة ابني ممتازة .. بأي وجه أقابلهم وابني بيتزوج على بنتهم ويقهرها؟!!
ايش المبررات اللي أقدمها لهم؟
ياناس حطوا حالكم مكاني
رفض ورفضت..صد وصديت
اصرار وأصريت...وقفت في وجهه بكل شراسة...يتركني لين أهدا وأبدأ أطمئن إنه خلاص صرف النظر فجأة يفاتحني بالموضوع من جديد..
زعل وزعلت
نصايح وقدمت
العواقب وفهمت
هذا المراحل اتخطيتها خلاص.. انتهينا..
الولد مازال مصر وبقوة...
شسوي؟؟؟؟!!!!
لحد يقولي اغضبي عليه ولا تقولون علقي رضاك بعدم زواجه..
كونوا واقعيين هذا مو حل...