- أول ما طلبت رأي الغالية الصائمة لله في قسم الإستشارة الخاصة ، قبل تقريبا 5 سنوات ..
قالت لي ( زوجك ما يحبك مثل ما تتخيلي ) ، كلامها أثر فيا وقتها ..
و الآن نفس الشي كررته الصائمة ..


و نور الإيمان في وحدة من ردودك ، قلتي ( زوجك يحبك ) و كتبت بعدها كلام ..
داخلياً ، تأثرت و جلست يومين افكر بكلامك ..

.
.

صرت انظر له مرة بعين ( الخائن المنافق المستغل الكذاب )
و مرة بعين ( الشفقة و المحتاج و العاجز )


*******************************************



أنا مريت بموقف بحياتي ، بعد ما تخرجت و تعينت ( لسى ماترسمت أوراقي و بالساعات و الراتب نهاية السنة )
راتبي توقف من الجامعة لإني تخرجت ، و بالعمل لازم اصبر سنة ..

و لإنه شهادتي كانت أفضل من شهادة أخوي ، فكان ما يتفق معايا و ما يوصلني للعمل
و كان يقول لأمي مو لازم تخلوها تشتغل ، إيش يعرفكم فين تروح ؟ هو شكاك أصلا و لحد دحين مع زوجته ..

فكنت أحتاج فلوس اعطي للسواق و للإنترنت و للسوق و مصاريف ..
و استحي اطلب من أمي .. ( طبعي كذا ) .. و لو طلبت من أمي ما راح تبخل علي ..

أختي الكبيرة كانت تغار بسبب معزة أمي لي ،
و مرة طلبت من أمي ( 4000 ريال دين ) اشتري لاب توب عشان الشغل ..
و ارجعه أول ما استلم الراتب بعد أشهر ..

أختي تعرف وقتها إنه ما معايا شي و إنه عندي عزة نفس ، و أختي هذه ( زوجها ماشاء الله مليونير ) ..

مرة جات تزور أمي ، و أمي اعطتني فلوس عشان اشتري ملابس من السوق ..

قامت أختي ترفع صوتها قدام الكل و تصيح .. و تبغى ( تذلني و تحرجني ) .. و تقول :
أول شييييي ، سددي اللي عليك لأمك و رجعي لها الـ 4000 ريال ..

.
.

سكتتتتت و ما رديت على أختي، و لا كأني سمعت شي ..
بس انكسرت بداخلي و حسيت بالذل .. و ما بينت أي ردة فعل ..

و كله الحمد لله رجعته لأمي كاش ، أول ما اخدت الراتب ..
مع إنه أمي ما تكلمت ..

.
.

بس ما أنسى إلى الآن ، وقوف أمي وقتها معاي مادياً ..
و ما أنسى العيدية اللي أعطاها أخوي الكبير لي وقتها ( و كانت شي بالنسبة لي .. 500 ريال )

.
.

عشان كذا ، ما أبخل عليهم براتبي أبدا ..
و عشان كذا ، حسيت بمعنى الإنكسار لما الواحد ما يكون يملك بيده شي ,,

و أنا ماني حابة ، إنه بعد ما أكرمني ربي و الحمد لله ..
و صرت أملك أكثر من اللي تملكه أختي أضعاف و الحمد لله ..

إني انسى أفضاله ،.

لإنه ممكن ياخذ نعمته مني - لا سمح الله - بأي وقت ..

.
.

و أكره إني أكون ( مع زوجي ، مثل ما كانت أختي معايا ) ..
و يارب ما أكون مثلها ..

.
.

مع إنه زوجي مو مثلي و لا ظروفي كانت تشابه ظروف زوجي ، بس راح أتعامل مع ربنا ..
قد ما أقدر ..


************************************************** **********


بسبب التحسنات اللي حصلت من زوجي خلال الست الأشهر ، من بعد المشكلة اللي حصلت في شوال ..
و بسبب التغيرات - و إن كانت بسيطة - اللي حاول يبرهن لي عليها .. و التزامه بأغلب وعوده الي وعدها وقتها ..

.
.

راح أعطي ( فرصة ) ..

و بأعرف معنى كلام ( نور الإيمان ) ,, و مع إني جربت قبل اللي قلتيه بس ما كنت كاشفته ..
و كنت شايفته ( ملاك ) .. لكن ارجعي خاطبيني على قد عقلي ..

.
.

لازم أؤمن بكلامك و أفكارك ( لو أبغى أرتاح ) هذا اللي حسيته ..

بس بعد ما يتعاقب و ياخد جزاته ..

:: للأمانة ::

راح أكتب التحسينات و التغيرات ( من شوال - الآن ) ..

- توقف عن السهر .. يمكن مرة بالأسبوع و ما يتأخر كثير ..
- لو بيغيب و يتأخر شوي ، يتصل و يقول لي ,,

- صار يلعب مع أولاده و يسأل عنهم و يجلس معاهم و يهتم فيهم ..
- مرااااات ، لما أقول له الأولاد طفشانين من زمان ما خرجوا ..
إذا رجع بالليل بعد الشغل ، يتصل و يقول تعالي و جيبي الأولاد و يمشينا ..

- كل يوم لما يرجع بالليل ، يكون ولدي الصغير صاحي .. يلعب معاه ( بعدين يروح ينيمه لي و يسوي له رضاعة الحليب ) ..
و أنا أصلي وقتها و أحط العشا ..
- في نص الليل إذا ولدي صحي ، زوجي يقوم و يجهز له رضاعة الحليب و يشربه و يرجع ينام ..

- قدام أهله ما يخلي أحد يغلط علي ..
- فيه ميدالية أعطيتها له هدية على شكل قلب فيها اسمي و اسمه ..
يعلقها بسيارته و يقول للكل ( هذه زوجتي فلانة ) .. واحد من أصحابه قال له عيب تقول اسم زوجتك ما عندك رجولة ؟
قال له ( أنا أحسن من الرسول ؟ مو كلنا نعرف اسم زوجته ؟ ) و سكتت صاحبه و دافع عني ..

- فيه واحد من أصحابه ( أكرهه ) ،، الحمد لله بدأ يبتعد عن زوجي ..
صاحب سوء و كان مرة لاصق في زوجي بالفترة اللي كنت مشغولة فيه بمرض أمي ..

- بدأ يحافظ على صلاة الفجر و يصحيني مرات .. بعد ما تفرجت معاه مقطع للشيخ العريفي ..
و قال لي ، إنه تأثر بسببه .. و لا طول عمره أهله يصحوه للفجر و كان ما يقوم و من يوم تزوجنا يتعبني بالفجر ..
دحين صار يقوم للفجر أول ما أصحيه ..

- صاير أكثر جدية بالعمل ، و لو في يده فلوس .. يصرفها على أغراض البيت و ما ياخد مني ..
هذاك اليوم اتصل علي و سألني احتاج شي من برة ؟ قلت له لا شكرا ..

كان معاه ( 30 ريال ) و كان بيصرفها عالبيت ..

.
.

بس اللي صار برمضان ( غيرني أنا ، فقدت الثقة بمشاعره و ما أبغى أرتبط به نفسياً )
فأكره إني أتعاطف معاه .. و أحس لسى ما نسيت و بأحاول أنسى ..

.
.

بأكتب الوعد اللي وعدته لنفسي وقتها ..

لما تصالحت معاه في شوال .. و سألته إيش هي همومك ..
و فتح قلبه و قال كل شي .. ( مشاكله مادية )

قلت له ، و أنا مشكلتي معاك ( السهر ) ..

.
.

قلت له ( طيب ندور عن الحل )

.
.

إنت أبدأ اهتم ببيتك و بالأولاد و بيا و شغلك و عباداتك ..
و حل مشكلة السهر ..

و أنا أوعدك إني راح أحل مشاكلك و أشيل عنك همومك ..

.
.

بس وقفت معاه في ايجار المنزل ( مع إني كنت مقررة ما أدفع الإيجار ) ..
و المكتب تبعه .. إلخ ,,

عشان كذا ، قلت له ( أعطيك 1500 تصلح سيارتك ) ..
و منها يوصلني للعمل ( و أنا بأخد بدل سواق أصلاً ) ..

و مصاريف البيت و غيره ، حسيت إنه هي هذه خلاص تعني وقوفي معاه و حتى يوقف على رجوله ..

.
.

بس برضو حركة السرقة .. يتعاقب عليها .. و ما راح أسامحه بسهولة ..
لإنه وعد ما يمد يده و ياخد قرش بدون ما أدري ، و علشان حركة الإستغفال ..


هو من الصبح و هو برة البيت ، قال ما راح ارجع غير بعد ما أدبر الألفين و ارجعها لك ..
قلت له ( لا تتوقع بأكون مثل قبل .. لإنه إيش فيه شي بعد كذا أكبر من السرقة ؟ )

.
.

من الصبح ما كلمته و لا كلمني ..

ارسل من جوال صاحبه ( ناقصكم شي ؟ )

و ما أقدر أرسل على جوال صاحبه ، فأعطيت رنة .. لو فيه يدق ..
قلت له ( إنت اهم شي تنتبه على نفسك ، و قلت له ينام في بيته مو برة )

قال ( على حسب النفسية )

محرج يحط عينه بعيني ..

.
.

عزيزتي رذاذ ، قريت ردك .. و معاك حق ..
الحل طيب ؟

اختي روح

زوجك روحه روح طفل
صدقي كلامي

هو يحبك
ويحبك
ويحبك

ومستحيل ينسئ ما تفعلينه

لا يوجد فيه اي خبث

اعلم انك تتعجبين من كلامي

نعم السرقه شي كبير وانا ارفضه لنفسي

ولكن هذه مشاكل سلوكيه قد تكون منذ الصغر او مشاكل نفسيه وما يشغله ان لا تعرفي انه اخذ منك المال

وكل هذا لا يعني بانه لا يحبك او لا يحترمك

يا اختي نحن بشر ويوميا نستغفر لله

التمسي له العذر يالغاليه فانني اشفق على حاله اكثر منك. فانتي موقفك اقوى بكثير ولم تضعي نفسك بمواقف مؤلمه

انظري الى حالته وقطعه ليده

ما بداخله من ضعف يتحكم به والبيئه التي عاشها لها دور

نعم دورك اكبر وتعبك واضح

ولكنني اؤكد انك ذكيه وتستطعين تجعلين منه افضل رجل


اما الحب والعفويه والمشاعر موجوده وانا على ثقه من كلامي والا لم يسعى لتغيير حاله من اجلك



استمري كم انتي رائعه

وفقك الله واسعدك

أختي زوجك تبرمج على التالي:

يعمل خطأ > تزعلين > يراضيك > ترضين = تنتهي المشكلة

وهكذا يعود معك على نفس الفعل إلى مالا نهاية، لأنه عارف أن المعادلة تنتهي بالرضا من قبلك، والحل هو أن تقفي موقف حازم جداً، وحاولي أن يبحث لنفسه عن مصدر دخل فبعض الناس حين يتعود على أن هناك من ينفق عليه ويجعله في أمان مالي لا يهتم بالبحث عن عمل ويتكل على هذا الأنسان، أنتي بنفسك لابد أن تضغطي على نفسك وعاطفتكِ وتقوديه إلى أن يعمل و لا تجعليه يصل إلى حسابكِ بأي طريقة، هداه الله.

__________________
ياصبحِ لاتِقبل !!
عط الليل من وقتك..

اختي روح طير بعيدا عن تفكيرنا الشرقي

ما الذي سيحدث اذا الزوج اخذ من مال زوجته

والله تفداه الفلوس

مثله مثل اغلى الناس عندي

كل شي يتعوض

والخطأ ان يفعل ذلك من خلفك وهذا له اسباب نفسيه ونظرة المجتمع والمرأه لذلك

حتى لو اخذتي موقف وزعلتي

طيب لمتى

تظنين لن يكررها

هذا شي مرضي ومستعصي صدقيني لو قلبت الدنيا على راسه سيكررها

خلاص تأقلمي ولا تجعلين هالشي هدف ولو وفرت لي مال الدنيا وقت الحاجه سيمد يده هالشي يجري مجرئ الدم


مثل الادمان

Neat man

من فين مصدر دخل ؟
انا بس قلت له ينام في البيت .. بس راح انام في الصالة و اتركه ينام مع الاولاد ..

.
.

قلتلك يرجع الالفين عشان كذا جواله معايا و جالس بدون جوال ..
خليه يدور ابو كشاف ..

و بعد مايرجع الالفين ..
التعامل مثل ما قلت .. رسمي و حدود ..

.
.

بس بعدين لازم نوصل لحل .. بعد
ما يحس بغلطه و ينشف ريييييقه ..

.
.

انا اول ماتحمل غيابه ..
اليوم شوية تاثرت بس بعدين عادي ..