مرحبا
في البداية حابه ابارك لكل الامهات اللي رزقهم الله بطفل يملي عليهم حياتهم والله يعطي اللي ما رزقهم ...
عندي كذا استفسار.........
رضيعي عمره شهر وعشر ايام........... ارضعه رضاعه طبيعية ورضعة وحدة صناعية بالليل استخدم حليب سيميلاك ادفانس بالحديد....... واعطيه شاي ملوبا بخلاصة الاعشاب......... واحيانا كم قطرة ماي.......
ولدي كان في البدايه بعد كل رضعة طبيعية يتبرز ... اما الحين باليوم مره او باليومين مره........
هل في شيء يشجع الطفل على التبرز... اعتقد انه مشكلته في بطنه غازات.......
لما يرضع صعب انه يتجشأ.......
وبعد طفلي ما ينام الا بحظني... هل معناته انه بيتعود على ها الشيء او انه ها الشيء طبيعي في هذه الفترة؟؟؟
وكيف تتصرفون لم اتيي اطفالكم الزحوقة (الفواق)
عندي تسأولات كثيرة لاني ام يديدة.......... اتمنى من كل وحدة فيكم ما تبخل علينا بنصايحها....
وكيف نتعامل مع الطفل الرضيع في اول شهرين........
يعني الاستحمام........... عدد الرضعات.......... استخدام اللوشنات والبودرة والدهن عود...
المحضور والمسموح ... طبعا اللي نقراه في الكتب شيء والممارسه والخبرة شيء ثاني
افيدوني ولكم جزيل الشكر....