حبيبتى ام جمانه رجعت تانى كتبت لك هذا الجزء لأن مهم جدا تقرأيه
وأتمنى يفيدك:
أخواتى سمعت حلقة اليوم من البرنامج اللى قلت لكم عليه وكانت رائعة وحبيت الخصها لكم هنا
كان بيتكلم عن الميتابوليزم وقال ان معناة ( معدل حرق الدهون والسكريات بالدم)
وقال ان فيه 4 عوامل أساسيه بتؤثر فى الميتابوليزم عندنا كلنا وهى
1- ممارسة الرياضة
2- النظام الغذائى
3- عدد ساعات النوم
4- التوتر العصبى والضغط النفسى
قال ان ممارسة الرياضه بتفيد الجسم جدا وقال ممكن حد يسألنى ويقول لى طيب انا لما بأجرى على جهاز السير مثلا بأحرق فقط 200 سعرة وانت بتقول لازم نحرق 7000 سعرة علشان نخس كيلو واحد يبقى ال200 سعره دول هينفعونى بإيه؟؟؟؟ وقال فى اجابه عن هذا التساؤل ان الجسم بيفضل يحرق لباقى اليوم كله بعد ممارسة الساعة الجرى مثلا وكأنه ولدمة 24 ساعة بعدها بيحرق فده شيئ ممتاز جدا يعنى احنا نعمل ساعة واحده رياضة وجسمنا هيستمر فى الحرق 24 ساعة كامله
كمان قال ان الرياضه بتحسن المزاج لأن أجسامنا بتفرز هرمون اسمة اندومورفين وهو زى المورفين بالضبط فهو يساعد جدا فى تحسين المزاج وكمان بتساعد على افراز الأدرينالين اللى بيزود من معدل الحرق عندنا
أما عن الغذاء فقال احسن حاجة الالتزام بنظام السعرات والهرم الغذائى ولكن مشكلته الوحيدة ان الجسم لما بياخد على النظام من السعرات اللى داخله له بيتأقلم معاها وبيبدأ ما يخسش عليها ومن هنا تأتى أهمية الوجبة المفتوحة الى بنقول عليها فى كل اسبوع مره علشان نخدع جسمنا وما يتعودش على عدد معين من السعرات وقال ان الوجبه دى ممكن بعد 14 اسبوع من الرجيم وبعد ما نكون خلاص قربنا من الوزن المثالى نخليها يوم كامل مفتوح وليس وجبة واحدة
أما عن ثالث نقطة وهى عدد ساعات النوم فقال اننا لازم ننام من 6 الى 8 ساعات نوم متصل يوميا وقال اللى ينام اقل من 6 ساعات يتخن واللى ينام اكثر من 8 ساعات يتخن وقال ان احسن نوم هو النوم المتصل ولا ينصح ابدا بالنوم المتقطع
أما عن آخر نقطة فقال انها أهم نقطة فى الالتزام بالرجيم وهى السبب وراء ان ناس كثير جدا بيعملوا رجيم وما بيخسوش وهى ......... انتبهوا............ الزعل والتوتر والضغط النفسى ........ قال ان أثناء الزعل والغضب والتوتر جسمنا بيفرز هرمون معين بيساعدنا على تعزيز دفاعتنا وهذا الهرمون يجعلنا نشعر بالجوع الشديد والنهم وبالتالى نأكل ونتخن أو يجعل كمان مستويات الحرق او الميتابوليزم عندنا تنخفض جدا فلا يقوم جسمنا بعملية الحرق للدهون والسكريات ......... فاحذرن ولا تتوترن مهما حدث............ههههههههه شوفوا مين اللى بتتكلم!!!!!
يالله اتمنى تكونوا استفدتوا بهذه المعلومات زى ما انا استفدت.[/QUOTE]