اخوي بحثت لك عن دكاتره

ولقيت انهم يمدحون الدكتور عزت بالحمادي
والدكتور محمد العقيل


وعيادات مطمئنه يمدحونهااا كثييير

واتوقع انت يبي لك جلسات علاجيه فقط

__________________
وعند الله لاتموت الامنيات

اختى انا من الرياض ودخلت موقع مطمئنه بس مافي اي معلومات عن الموقع والمكان ؟
وموقعهم بصراحه غير مكتمل بلمعلومات بنسبة لى ..

ياليت لو تزودينى بالمعلومات للى تقدرين عليها

لله يووفقك دنيا واخرة

اخوي بصراحه انا ماعرف عنهم شيء الا الي قريته بالنت

بس يمدحونها كثييير وبحثت لك عن موقعها مالقيت وصف واضح بس موضحين انها في الدائري الشمالي

خذ رقمهم من الاستعلامات

وع فكره عندهم الدكتور طارق الحبييب

اتمنى اني افدتك والله يسهل عليك

__________________
وعند الله لاتموت الامنيات

اخوي مسالتك موصعبه لدرجه انك تروح لعياده

جرب ابداء من الحين الين تلقى لك عياده اول شيء توكل ع الله

وادع انو ربي يسهل لك امرك

وابداء واذا حسيت مافيه نتيجه وتحتاج مساعده روح لعياده

وحاول ماتاخذ منهم ادويه كثير لان الادويه النفسيه مضره شوي اطلب منهم بس جلسات بدون ادويه اذا يقدرون

__________________
وعند الله لاتموت الامنيات

طيب اختى .. عطنى اسم كتب اي شي يفيدنى جزاك لله خير ..

عطنى خطوات امشى عليها .

لله يوفقك دنيا واخره

ماشاء الله عليك اخي . مادام انك تفوقت وتخرجت هذا بحد ذاته يدل على قوة ارادتك وعزيمتك .. واصرارك على التغير كذلك يؤهلك الى العلو والتغير للأحسن وبإذن الله مع اصرارك على التغير ومزاولة عملك سوف تتخطى على المشكلة ..

فعلا اختى انا حاس فينى طاقة جواتى مانى عارف اطلعه واشغلها بطريقة الصحيحه
نفسي اتغير محتاج احد يوجهنى ابي احد يمسكنى من يدي ويعلمنى كل خطوات
الكتب بنسبة لى غير فعاله لانى شخص طبيعتى مااحب اقرا بس لمن اتلقى كلام مباشر تكون
طريقة فعاله.

يعطيك عافيه اختى ويوفقك

اخي هداك الله لاتنظر ان يخرجك احد مما انت فيه

تقول انتظر احدي يوجهني

محد راح يحس فيك وانت اكثر واحد يهمك مصلحه نفسك ومستقبلك

ابد ابد لاتكون اعتمادي ع الغير في هالمساله وفي امور حياتك كلها

ممكن سؤال انت الحين وش قررت تذهب لطبيب او تقراء كتب وتحاول جاهد انك تتعلم منها
او بتنظر احد يجي ويغيرك

ابداء بنفسك تقول احس جواتي طاقه انت الي حسيت مو الي حولك حسوا

حاول انت انك تخرج هالطاقه شوف اول شي ابحث عن شيء انت متمكن مننه بقوه كتابه رسم رياضه اي شيء

وحاول تعلم هالشيء للي حولك اي شخص تحس انو يبي يتعلم هالامر
انا بصراحه ماعندي خبره
لكن هالطريقه احس انها بتقوي ثقتك بنفسك شوي
اخي اختلللللللط بالنااااس بس مو تختلط وتسكت وش الفايده ؟؟
اختلط وتكلم مع فلان وغيره وغيره لو شيء بسيييط
اخي انت عندك اصدقاااء
اذا عندك تعرف ع اصدقائهم قوي دائره المعارف نوعا ماا

بعيدن حاول تقنع نفسك بمساله انك مو محتاج تتلبك بالكلام وليه تتلبك الي تكلمه واحد مثلك مثله
تتلبك ليه وانت كلامك صح وانت رجل وماقلت شيء غلط
مجررد كلام عااايتي جدا
اقنع نفسك بالاسباب الي ماتخليك تتلبك بالكلام
يعني مثلا مافيه فرق بيبني وبينه انا اتكلم وهو يسمع
الكلام مع الناس شييء بسيط هو نفس ماتتكلم مع نفسك لكن بصوت ممسوع فقط
انت اذا جيت تتكلم مع نفسك تتلبك اكيد لا
تحدى نفسك وحاااول تكتشف نفسك ولاتنظر احد يجي ويغيرك ابد

__________________
وعند الله لاتموت الامنيات

الله يطول بعمرك .. ماقصرتى معاى .. مع انى حاولت قبل .. بس راح استمر ولا اوقف ..
فعلن راح اتذكر حياتى كيف كانت قبل وكيف كانت بائسه وراح اضحك على نفسي ..
الى الان وانا اشعر بهالحظات ولكن لم اصلها .. اسال لله رب العرش العظيم ان يشرح لى صدري
وييسر لى امرى وان يطلق لسانى بما فيه صلاح وخير ..
وفقكم لله يا اخوانى وجعل مثواكم الجنه باذنه

الله يعينك اخي الكريم
الله يشرح صدرك وييسر امرك
الأخوة والأخوات ماقصروا جزاهم الله خير
طيب يااخي الكريم جرب العمل التطوعي عندكم في الرياض شف الي يصلحلك في اي مجال
اختلط مع اهل الخير وشباب الحلقات والله يااخي بتستفيد دنيا وأخرة

وتحس لك هدف بالحياة

والأمر سهل الحمدلله تو الطريق لاتيأس الله يوفقك
وانصحك بكتب الدكتور عبدالكريم البكار
وفيه كتاب للدكتور مريد الكلاب < ابتسم لتكون أجمل >ماتحب تقرا ادري بس جرب هالكتاب

كله ساعه وقضيت من قرأة الكتاب

الله يوفقك دنيا واخرة

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه