اقتباس:
المشاركة الأصلية كتبت بواسطة نواف السعيد
مكفوش حبيبي
البنت خاطرت عشاني وانا اخرتها ما اتزوجها حرام وراح تدعي عليا لانها سوت كل شي ليا واخرتها ارفضها
والبنت يمين بالله يمين بالله انها مطوعه واهلها مطوعين و البنت اعرفها محترمه ومستحيل تكلم غيري
|
يا غالي انا ما اشكك في اخلاق البنت وديناها وانت اعلم بها ولكن المثل الدارج
(( من خان لأجلك يخونك )) وهي خانت اهلها بعلاقتها معك بكرا لما تتزوجون وتبردون بعد كم شهر
يبدا الشيطان يلعب فيك هي كيف عرفتك ؟ كيف تزوجتها ؟ روح شوفها يمكن تخونك ؟
ويبدا الشك بداخلك وقد يصل للاتهامات التي قد تكون باطله وتصل معاه لبدايتك انتي مو عرفتيني
على الفيس بوك خلاص اجل انتي كذا وكذا ....
اكبر منك بيوم اعلم منك بسنة وانا اخوك حبك في هذا المرحلة حب طائش ليس طائش بمعنى التقليل
من مكانتك او رجولتك لا ولكن المرحلة هذي هي مرحلة انتقالية لدى الانسان من مرحلة الطفولة الى مرحلة
الرجولة وتسمى مرحلة المراهقة يحس الشخص في هذه المرحلة انه يبقى يسوي مثل ابوة ويبغى يتزوج
صغير ويبي ويبي لا وانا اخوك مو كذا تؤخذ الامور هذي عشرت عمر مو يومين وشوف غيرها
بعدين وضعك ما يسمح لك انك تتزوج خلص دراستك وتوظف وفي كل حدث حديث وش مستعجل علية
لاحق على الالتزام والمسؤلية وفية امور كثير بالحياة ما عرفتها عليك بالاطلاع الزواج ليس كما انت تفكر
الزواج مختلف عن العلاقات الغير شرعية تماما حيااااااااه مختلفة لا تروح بعيد ادخل المواضيع وشوف واقرا
وشوف المشاكل والامور اللي تخفى عليك والامور اللي انت تتغاضى عنها بأسم الحب ،،، الحب اللي انت
عايشة الان مو نفس الحب اللي راح تعيشة بعد الزواج
بعدين انا ملاحظ انك تقول قدمت لي ومتمسك في هذا القول
اعتذر على سؤالي ولا يحق لي سؤالك فيه ولكن لكي تتضح الامور
ايش قدمت لك ؟؟؟؟
خلتك تشوفها طيب ما فكرت كم واحد شافها قبل علاقتكم ؟؟؟
ابو طبيع ما يخلي طبعه وتعوذ من الشيطان وانسى هذي الفكرة واذا هي بتتزوج لا تخرب عليها
والله يوفقها وانت ربي بيوفقك باللي تصلح تكون زوجه يا اخي العزيز ما بني على باطل فهو باطل
اتوضى وصل ركعتين واجلس مع نفسك واصرف النظر عنها .
والله يوفقك لما فية الخير