اخي مارد .. اولا اشكرك على الكلمات الجميله وبث هالروح فيني
لكن انت تقول لي ابدأ اقدم العون والمساعده .. انا اصلا شخصيتي اجتماعيه واحب اشارك الناس واكون معهم في امورهم
لكني في الفتره الاخيره ملت للعزله وصرت احب اعتزل الناس وما اجلس الا مع اهلي المقربين او اذا صارت مناسبات
احتك فيهم بصورة بسيطه .. وهذا راجع للوضع اللي كنت فيه ونفسيتي طول الفتره اللي راحت
لكن انا طبيعتي .. احب اشارك الناس في كل الامور ماعدا الاشياء اللي تحتاج قرار
تلقاني انا اول شخص ينسحب .. ابددددددددددا ما احب اكون موضع اتخاذ قرار
حتى ابسط قرار لما اكون مع اهلي او اي احد .. ويسألوني وش تبين عشا ؟!
اقول مدري .. على ذوقكم .. أي شيء
مو مره ولا مرتين .. كل مره
صار لي سنوات ما اخترت ملابسي لحالي .. دايما اخلي امي تختار لي
بالاول كانت تقول لي شوفي اختاري .. اقولها على ذوووقك .. وتجلس تحاول فيني لين تعصب
واذا يأست .. تختار لي اكثر من قطعه وتقول لي اختاري وش عجبك فيهم هذي ولا هذي
واجلس افكرررر واناظرها بعيونها عشان اشوفها واحس هي عجبها هذا ولا هذا
لما كبرت شوي .. صارت تتجنب تروح معي عشان تخليني اختار .. ترسلني مع اخواني او اي احد
ارجع لها ويدي فاضيه ..
حتى لو اخترت ولبست .. ما اكون واثقه .. طيب ما راح يعجبهم .. لا مو حلو .. كان لازم اختار شيء احلى !!
وبس اجلس واسأل امي .. ماما هذا جد حلو ؟ انا طالعه حلوه ؟ ثيابي حلوين ؟!
انا ذكرت ابسط مثال وهو الملابس والاكل
ولو بجلس اقول المواقف والامثله ما راح اكمل ليومين
لو بجي لدراستي .. ما كنت اشارك في الانشطه الجامعيه .. مع اني متفوقه ويطلبوني
لكني كنت ارفض بحجة انشغالي بالدراسه .. والسبب الحقيقي: عشان ما اكون بوضع اتكلم فيه وابدي رايي او وجهة نظر
حتى بالبيت .. مع الاهل .. في الجامعه .. مع الصديقات .. أي شخص
اتجنب المواجهه والمناقشه
مع ان اوقات يكون الكلام تافه ومايحتاج ذكاء عشان اجاوب عليه .. اسكت واتردد
يتكلمون وانا اجلس افكر شلون ارتب كلامي وشلون اصيغ افكاري
ولما اخيرا اوصل لقرار وجمل متسلسله اقولها .. اشوف احد غيري مثلا قال نفس الفكره او الموضوع كامل تغير
مع اني اقدر اتكلم .. وعندي القدره اناقش .. لكن لساني ينربط ماااقدر اناقش .. اخاااااف .. واذا تكلمت او ناقشت على طول اتأتأ
المره الوحيده اللي ناقشت فيها بكل ثقه كان يوم مناقشة بحث التخرج
كنت من داخلي مرعووووبه ومتردده وخصوصا اني بتكلم قدام لجنه
لكني بديت اتكلم واتكلم واتكلم .. وانا كنت ارتجف قلت بأي لحظه راح يوقف قلبي
حتى يوم كانوا يسألوني .. جاوبت وناقشت
مشرفتي استغربت مني كثير قالت لي ويييين كان كلامك واسلوبك قبل .. هذا انتي تكلمتي وناقشتي بقوه
وما ترددتي ولا ضعفتي .. كانت اووووووووووووول مره احس بالشعور هذا
يمكن لاني كنت تعبانه بشغلي كثير وبذلت فيه اقصى استطاعتي .. عشان كذا دافعت بكل قوة
هذا الموقف الوحيد اللي حسيت فيه بالقوه ..
هذا كله يسمونه أزمة ثقة او له مصطلح ثاني ؟ ياليت توضحون ؟
عجزت افهم
وعلى فكره .. انا هذي الامور موجوده عندي من كنت صغيره ..
قبل لا ادخل كل الدوامات والصراعات بحياتي بفتره طوييييله