الحل ،، حسسها باهميتك بحياتها فعلا وليس قولا ... المرأة ليش تتزوج ؟ اترك الاجابات للاخوات لهالسؤال وراح تعرف شلون تدخل نفسك غصب بجزئية الاستقلال والمساحة تبعها و يكون لك الوجود فيه ....

قراراتها حتى الصغيرة منها لازم تكون انت جزء فيها يعني مثلا قررت اليوم تلبس الفستان الفلاني وانت شفتها راح تغير ملابسها مثلا او طالعه من الاستحمام اسمح لي فانت تعال واختار لها لبس معين وقولها ابغيك اليوم تلبسين هالشي ( هي بتعصب وبتقولك ليس تتدخل والخ وما تتحكم ولكن اصر باسلوب الابتسامة وقولها ابغي اشوفك اليوم تمشي بالبيت وانت بهالفستان لانه يذكرني بشي حلو ) ،، من يوديها ويجيبها شغلها ؟ انت ؟ فاذا انت اذن بيوم اعمل نفيك تعبان وحتى من شغلك اطلب اجازة مرضية يوم وخبرها بمرضك وامك ماراح تقدر تروح الشغل طبعا من الليل وبالصباح لما تشوفها حايسة مثل لها انك مريض بس بعد ماراح تخليها بهالخال وبتوديها ،،اذا ما كنت انت اللي توصلها اذن ابدأ من اليوم بهالنظام انك انت اللي توديها وتجيبها اذا امكن واذا سالت عن هالتغير قولها انا زوجك وانا اوديك واجيبك ( هالشي يحسسها بوجودك المعنوي ) واكيد هي راح تحس بالراحة وشوي شوي راح تشوفها تتكلم عن دوامها ! فاذا تكلمت اسمعها ...

النقطة الاخرى ،، التمشية او السفر ... حاول حت لو باجازة الايبوع تروحوا بالسيارة لاي دولة مجاورة لكم هالشي تكلفته اقل ومتعته اكبر خصوثا للاكفال ويعطيكم المجال عشان تكونوا بعيد عن جو البيت وجوو زميلات العمل ولا تنسى بالخطوط يكون استقبال الهواتف ردئ هههههههه يعني عصفورين بحجر ... اختك وابناءها ماراح يضيعوا هاليومين ومنها انت بعد تغير جوو ... اتذكر بالستبق والدي يعمل لنا نفس الشي بسبب ظروفه المعيشية وكنا قمة سعادة ووالدتي تتغير نفسيتها وبذيك الطلعه مافي عصبية او نقاشات كلها قرارات عن السفرة ،،

ناقش زوجتك في عملها دام ان احد اهتماماتها واسمع رايها بموضوع يخص التدريس فمثلا اذكر لها حادثه قرءتها باحد الصحف عن ضرب طالب ، او حال المعلمات بالمدارس ، او تسلط المدراء على الموظفين واذكر حدث حصل لك وخلها هي بعد تفضفض ...

حاليا هذا اللي استحضرني هههههه باخذ بندول وبعدها اكمل افراغ مخيخي ،،،

ما اعتقد فيه حلقه مفقوده قد ماهو هذا طبعهاا ..
كثير حريم مستقلين بانفسهم وجافين نوعا ما

ابسالك انت قد حبيت وحده قبلهاا ؟
لاتستهين بهالشيء اعرف وحده زوجها قمة الرومانسيه معها وهي ام الجفاف والسبب تقول اخاف للحين يحب الاولي فتحاول تجف معاه ..
شوف انت من كل الجوانب

معليش اخي
يقولون صديقك من صدقك
انا حاسه ان فيه شي بخاطر زوجتك عليك وانك مقصر عليها
ولو تحي تكتب بتكتب اشيا وممكن نتعاطف معاها اكثر
ممكن تذكر وش الانتقادات الي قالتها لك بالضبط ووش انتي شايف سلبيات نفسك
اخي غير بنفسك وبتشوف التغيير
سفر سفرها ترى مصاريف السفر ارخص من الزواج الثاني

فعلا فيه نساء مهملات من طبعهم
وفيه من تمر بذلك بسبب ظروف
الأخ يستطيع تحديد هل هي مهملة بشكلها في بيتها و هذا طبعها من زمان
او يتوقع ان هناك سبب مثل ضغط الأطفال ،،المزاجية،،الاكتئاب ،، السمنة،،،روتين الحياة في البيت و الملل

__________________

اخي تجنبت كثيرا ماادخل موضوعك

ولكن حين رايت الكثير من التخطبات في التخمينات عن شخصية زوجتك اضطريت ادخل

اخي انا اعلم ومتاكده ان هناك امر وقد كان هو القاضي على زوجتك

اذا كانت تسولف وحياة طبيعيه وبعد فتره تغيرت واصبحت بس ترد عليك للضروره
ومع صحباتها تعيش حياتها بالطول والعرض

اخي ماهو الامر او حادثه حصلت منك اتجاه زوجتك جعلها تنتكس وترى انك ماتستاهلها

اخي تصدق من خلال حوارك عرفت شخصيتك وعرفت شخصية زوجتك اكثر

هل انت كثير تنتقدها ؟؟
هل سبق وخنتها بااي امر سواء مكالمات او خلافه ؟؟

هل حصل امر جعلها تسحب بساط الثقه من تحت قدميك ؟؟

اخي زوجتك وااااااضح فيها علامات الجفاء ومااصعب الجفاء
اتمنى تجاوب كي نساعدك

أنا ماقرأت جميع الردود ربما هناك من تطرق لهذا الجانب،،،أخي بما أنها موظفة هل هناك خلافات مادية أو اتكال جزئي أو كلي عليها؟

اخي الغالي الوحيد

اري التريث قبل الزواج واري انك تطرح المشكله علي والدتها وتخبرهم بان لم تتعدل فسوف يكون البيت الجديد من نصيب زوجتي الجديده وهي تبقي في الاجار

انتبه تطلق
انتبه تطلق

مشكلتك ماتاصل للطلاق

__________________

When you're out of my dreams
I will be in the best case

اولا احب اذكرك انا رجل ولست امرأه

ثانيا , فيه شي انت ما افصحت عنه بيني وبينك الحرمه قالبه عليك ولو تزوجت بيضهر الخافي يعني تساعد معنا وعلمنا وش بينك وبين زوجتك علشان نشوف لك درب

__________________

When you're out of my dreams
I will be in the best case

كملي تفريغ مخيخك مريوم ..الله يخليلنا مخيخك


قرأت جميع الردود وأتوقع انك بتدور وتدور على حاجة فاصلة حصلت حتى تغيرها وما تحصل ..
أتوقع التغيير صار تدريجي نسبيا ..
فتور يحصل عند كثير متزوجين .... ويحتاج لكسر الروتين

اللي حصل أنه من 4 سنين صار عند زوجتك طفلين تعتني فيهم بما يعنيه هذا من سهر بالليل ودوام بالنهار ... وخلال النهار طبخ ومتابعة الأطفال ..يعني حتى بوجود الخادمة الأمر متعب .
وأتوقع بأنك لما شفت مسؤولياتها بعدت شوي وتركت مساحتك للأطفال ... ظنك بأنه هذي هي الطريقة اللي ممكن تساعدها فيه .
ومع الروتين اليومي صارت تشارك زميلاتها بهموم الأولاد ومشاكلهم وأضف لذلك أمور الدوام المشتركة بينهم من مشاكل ادراة وطلاب وغيره فصارت زوجتك أقرب لزميلاتها .



اذا كان تحليلي صحيح فأفضل حل لكم هو الأمور اللي ذكرتها الأخت أم مريمي .

ننتظر اجابتك للاسئلة .. الله يعينك علينا وعلى زوجتك

__________________

الله يسلم هالمخيخ ويحفظك يارب فعلا خطط علميه مدروسه

ايه عطينا من هالافكار اللي يسلمك لاني بصراحه فاشل بالحيل والخططght