السلام عليكم*

صباح الورد*

زوجي متغير علي بعد رفضي زواجه*
والله مو انانية مني لكن والله من حبي الشديد له*
والله رجل بمعنى رجل ما راح يعوضه الزمن لو راح ومستحيل افارقه*
بعد خطبته طلبت الطلاق كوسيلة ضغط حتى يفركش الخطبة الا مستحيل اتركه*
زواجي منه دام 13 سنة من كثر ما هو مهتم بي وما يقصر معي صرت احسه جزء مني ما ابغاه يروح لغيري*
القصة اني عقيم وعرفنا بالعقم من ثاني سنة زواج ومع هذا احتواني ولا جرحني في يوم*
سويت عملية ونجحت الحمدلله وعملنا انابيب كذا مرة وربي ما كتب*
ولا عمري شفت رجل يحب الاطفال مثل زوجي لدرجة انه يقول لخواته اذا سافرتو ولا شيء اتركو عيالكم عندي وما شاء الله عليه يجلس يلعبهم ويأكلهم ويغير في حفايظهم ويحممهم*
قبل خطبته مر بفترة كان فيها مهموم لاول مرة اشوفه بهالحالة ويوم اسأله يقول ظروف عمل*
يوم جاني وخبرني بخطبته انصدمت ووقف الدم بعروقي وعملت نفسي راضية بس يوم راح العمل رحت لاهلي وطلبت الطلاق حاول فيا بس ما اعطيته مجال*
بعد كم يوم جاني وسلم على اهلي وقال لهم خلاص كنسلت الخطوبة وعن العيال ما اقول الا الله يعوضنا في الجنة*
الوالد حاول معه وقال والله البنت ما عملت كذا الا حب فيك رد عليه الا والله نساء هالزمن ما يثمر فيهم معروف*
ورجعت معه البيت حاولت افهمه قال حبيبتي قفلي الموضوع خلاص وابشركي انا لكي وانتي لي وبس*
من بعدها تغير*
صحيح مو ذاك التغير بس ملاحظة عليه صار يمرض كثير استغربت عليه هالشيء لاني من يوم تزوجته ما قد مرض ما شاءالله
كثر نومه قلت لقائتنا الجنسية بعد ما كانت يومية بخل في كلامه العاطفي*
مرة جاني وقال لي اقسم بالي خلق الكون في ست اني ما استخدم هالاسلوب عشان اضغط عليكي بس احس نفسي مجبور ومرات يقول والله مصدوم من طلبكي الطلاق الى الان*

هذه قصتي باختصار وان شاء الله فيكم الخير تعينوني والقى منكم حلول