بسم الله والصلاة والسلام على رسول الله
الحمدلله الذي بنعمته تتم الصالحات . انا البارح صار لي موقف عصيب لكن لطف الله وعنايته انقذونا والحمدلله حمدا كثيرا طيبا مباركا . قصتتتتتتتتتتتتتتتتتتتتتتتتتتتتتتتتي هنا !!
امس المغرب اتصلت فيني امرأة فقيرة تطلب مبلغ من المال طبعا المال الي طلبت يفك ازمة عندها , انا وعدتها خير ومباشرة دقيت على اختي الي دايم تسأل اذا نعرف احد محتاج وقلت لها عن الحرمة فقالت اختي خلاص بأدفع المبلغ كامل انا رفضت وقلت انا بساعدك بجزء منه على ان حالتي الماديه ماتساعد , اختي الحت انها تدفع المبلغ كله وانا الحيت اني ادفع جزء بسيط منه . المهم اتفقت انا واختي على المشلركة مع اني كنت بحاجة الفلوس الي معي بس قلت خليها لله من زمان ماتصدقت ( انا ماقلت لكم هذا الكالم الا لانكم ماتعرفوني ولاجل تعرفوا بركة الصدقة ) المهم جلسنا يمكن ساعتين بعد الكلام هذا وطلعنا مشوار انا وزوجي والاطفال , واحنا في الطريق التفت للخلف لقيت بنتي الصغيرة (سنتين وشويه) عند الباب وتلعب فيه تحاول تفتحه ما امداني اتكلم اقول لزوجي قفل الابواب الا والبنت في الشارع وتعالوا شوفوا واسمعوا الصراخ والصياح يااللللللللللللللللللللللللللللللللله بنتي طاحت بالشارع وقفت السيارة بسرعة ونزلت بنتي الكبيرة ( عشر سنوات ) وبدأت تصرخ وهي ماسكة راسها انا انجنيت وبدأت اصرخ واقل لا لا لللللللللللللللللللللللللللا بدون شعور مني تخيلت بنتي خلاص تحت الكفر وشوي الا سيارة كبيرة جاية ورانا ضنيت انها داست على راس بنتي وصارت كل اطرافي ترتعد وراحت بنتي تركض وجابت اختها وابوها نزل واخذ البنت وانا اصرخ والصرخ واطالع في البنت الحمد لله مافيها شي بس خدوش بسيطة على خدها الحممممممممممممممممممد لله الحممممممممممممد لله الحممممدلله ! البنت الكبيرة ركبت السيارة وهي تبكي بهستيريا واضمها انا و ابكي معها والصغيرة مع ابوها وماتسمعون بالسيارة الا صياح وبكا الله لايوريكم مكروه بغالي وضلت الكبيرة بحضني لحد ماهدت بعدين اخذت الصغيرة وقعدت انتفض واقول لابوها الحمد لله هذي صدقتي ! هذي الصدقة ! هذي الصدقة ! لانه في الحديث الشريف ان الصدقة تقي مصارع السوء ! وطول الطريق واحنا نردد الحمدلله حمدا كثيرا الحمدللللللللللللللللللللله يالله ماارحمك ! وبدأت ادعي للحرمة الي طلبت الصدقة لانها السبب الاول الي ذكرني بالصدقة بعد فضل الله ! والحمد لله اولا واخيرا . اتمنى اني ما اكون طولت عليكم بس حبيت اكتبها للذكرى فأن الذكرى تنفع المؤمنين ! الموقف مو راضي يروح عن مخيلتي , يعني بنتي كانت حتروح بطرفة عين , بلمحة بصر ! الحمدلله ! يمكن وصفي للاحداث كان بطئ بس في الحقيقة كل شي صار بسرعة بس لازم افصل بكل زاوية من الحدث عشان تكون الصورة واضحة . الله يحفظ لنا ذرارينا واهلونا وازواجنا ومن يعز علينا ! الهم ااااااااااااامين
ابي ردودكم الحلوة الي تنسيني الازمة الي مرينا فيها وايش شعورك لو كنت مكاني ؟