الله يديم المحبة بينكم ويبارك لكم في مالكم لكن
انا وطليقتي كل واحد فينا له حساب توفير خاص فيه والغرض معروف من حسابات هو شراء منزل

واذا لاسمح الله حصلت مشكلة استدعت الانفصال من الاحق بالحساب لو كان مشترك انتي او هو ؟

او بتتقاسمونه مناصفه او بتصفون الحسابات حسب كشف الحساب ومن اودع

انا ضد اي مشاركة مالية بين الزوجين مالم توثق الحقوق وقابلة للاسترجاع ماحد يضمن وش بيصير بالمستقبل

وجهة نظري مهما حاول الزوجين وهم موظفين عدم خوض المشاكل المادية فهي حاصلة لامحالة

اقتباس:

المشاركة الأصلية كتبت بواسطة مبتعثة متفائلة عموما السؤال عام للكل هل الزوجه هي الي تخلي الزوج كريم ولا ابن الاصول ابن اصول من البدايه

أتصور المسألة تعتمد على الزوج نفسه .. ومدى إحساسه بالمسؤولية أولاً .. ومدى قناعته بفكرة المصروف ثانياً.


أول سنتين من زواجي كنت لا أزال موظفة .. في البداية زوجي ما كان يعطيني مصروف .. لكنه كان يشتري لي اللي أباه .... بعد فترة قرر يخصص لي مبلغ 3000 شهرياً .. وكان هذا بدون طلب مني.

وبعد ما استقلت من شغلي زاد مصروفي إلى 5000 .. وأيضاً بدون طلب مني ولا أنا اللي حددت المبلغ .. وعلى مدار السنوات التالية كان يزيد مصروفي كل فترة (كل سنة أو سنة ونص مثلاً) .. آخرها الشهر اللي طاف .. وهالمرة أنا اللي طلبت الزيادة لغرض معنوي في نفسي مب لأن المبلغ ما يكفي .. لأنه أساساً يعطيني مبلغ كبير.

وواعدني يزيدني بعد لما يترقى في شغله بإذن الله.


لكن هالمصروف يشمل كل شي يخصني ويخص اليهال طبعاً .. ويشمل كذلك الهدايا والعيديات اللي أقدمها في المناسبات والأعياد.

بس طبعاً مقاضي البيت لها مصرف مستقل .. وكذلك مستلزمات عيد الفطر وعيد الأضحى.

والحمدلله على النعمة.

__________________


اللهم طِيبَ الأثر .. وحُسْنَ الرحيل.

هذا شئ نسبي

والكلام فيه بدون جدوي

الله لايجيب الانفصال

صراحه جل تفكيري ببيت ملك بيت العمر
وهو قال اذا انتهينا بيكون البيت بااسمك عشان اذا صار لي شي مااحد يشارككم او يتعبكم
عالرغم انني امتلك عقار بدون علم زوجي
ليس خوفا منه ولكن ارغب في كتم الموضوع لي
لان لااحد يعلم سواي ووالدي وبعض اخوتي
وكلا منا يعرف وش الي له
وللامانه زوجي امين جدا جدا لا اخاف من هذه الناحيه

ما عمري اخذت مصروف كا مبلغ معين لاوالله بس اللي ابيه يجيبه واللي اطلبه يسويه فقط كنت داخله في جمعية مع زوجات اخوانه وهو يحولها لهم كل شهر 1000 ريال اما الباقي لا حتى المقاضي هو يروح المستودع لان في قرى جنب المدينه تكثر المستودعات يجيب بالكرتون مع الراتب والباقي اذا طلعنا المدينه القريبة شرينا من غير اذا وحدة ولدت او ابغى اشتري هدايا او شئ ثاني الحمدلله والله انا مقد اختلفنا في المصروف نهائي وانا الحمدلله معي وماني محتاجه ماشيه اموري حتى بعد الطلاق

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

معروف أنهم يكتمون بقلوبهم ويبين أنه مو عاجبه الوضع بتهربه منها

ومع الوقت بيعصب ويصارخ لأنه أنفجر ومل

انا ابويا الله يطول في عمره يعطيني مصروف 2500ريال وامي على حسب الموقف وهو ال500 اللي فرحان بيها شهر في وشهرين مافي اهم شي اهلو ما يقطع عنهم المصروف ومن الشهر هدا طلبت منو ما يعطيني مصروف مقابل اني ما اشارك في مصاريف البيت لاني لاحظت اني اصرف اكتر بكثير مما يعطيني ومو منتبه !!وصرت كل ما اشتري شي للبيت اكتبه في ورقه واحاسبو بعدين وهو مقهور مني ومو طايقني ماعليا المهم حقي ما يتاكل
وبالنسبه لموضوع الصرف يرجع انو الرجال كريم واصيل وابن ناس اكتر من شطاره الزوجه

__________________
ن محاولة فهم الاخرين تحتاج لطيبة قلب، أما محاولة جعل الاخرين يفهموننا،فتحتاج لشجاعة، وتكمن الكفاءة في إحداث التوازن بين الأمرين.

مصروفي الف ريال انا وطفلي وبعض الاشهر
لما يكون مزنوق ما يعطيني او يعطيني نص
طبعا ازيد عليه من مالي الخاص اذا احتجت وما اطلبه زياده
ما ابي اضغط عليه

شباب يا ريت نكون واضحين بالمبالغ هذه

مصروف الزوجه اللي اعرفه بما يخص مستلزماتها واحتياجاتها مثلا لو بتشتري فستان هديه لاحد وغيرها من الاشياء الشخصيه . يعني تجمع الفلوس هيا شهريا وتشتري لما تحتاج شي من هذه الاشياء. يعني مثلا تجمع 3 شهور وتشتري فستان او جوال

طبعا هذا غير مصاريف مقاضي البيت من مواد غذائيه وغيرها , و ايجار البيت و تسديد الفواتير و الصرف على الابناء هذا كله لا يدخل في مصروف الزوجه.


لهذا برأيي ان مبلغ 1000 ريال سعودي كافي جدا جدا لمستلزماتها الشخصيه , ولا انتم ايش رايكم

الراي عندها هي وزوجها الله يسلمك.

إذا الزوج وضعه على قده .. فطبيعي ما راح يطالبه أحد بشي فوق طاقته .. وطبيعي بتكون سالفة التجميع اللي إنت تقترحها مطروحة.

لكن إذا الله موسّع عليه فالمتوقع إنه يوسّعها على زوجته .. حتى لو كانت فعلياً ما تحتاج إلا الألف اللي إنت تتكلم عنها.

__________________


اللهم طِيبَ الأثر .. وحُسْنَ الرحيل.